जगातील सर्वात महागडा कबुतर, या खास गोष्टीमुळे मिळाली 14 कोटींची किंमत

मुंबई : उत्तर कोरियाचा हुकूमशहा किम जोंग-उन व्यतिरिक्त, एक कबूतर ज्याचे नाव किम आहे तो देखील सध्या चर्चेत आहे. चर्चेत येण्याचं कारण म्हणजे किम (न्यू किम बेल्जियम) हा जगातील सर्वात महागडा कबूतर बनला आहे.

14 कोटींचा कबुतर

अनेकांना हा विनोद वाटेल पण हे सत्य आहे. ही मादी कबूतर 14 कोटींना विकली जाते. या कबुतराला चीनमधील एका व्यक्तीने लिलावात सर्वाधिक बोली लावून जिंकले आहे. हा कबूतर निवृत्त रेसिंग फिमेल कबूतर आहे.

अशी कोणती खासियत आहे?

न्यू किम बेल्जियम असे या कबुतराचे नाव असून ते दोन वर्षांचे आहे. हा जगातील सर्वात महागडे कबूतर बनला आहे. हा सर्वोत्तम रेसर 2018 मध्ये अनेक स्पर्धांमध्ये विजेता ठरला आहे. नॅशनल मिडल डिस्टन्स रेसमध्ये विजेती ठरलेल्या या मादी कबुतराचा वेग उत्कृष्ट आहे. 

बहुतेक लोक नर कबुतरांसाठी जास्त बोली लावतात, परंतु मादी कबुतरांना इतक्या किमतीत विकणे खरोखरच आश्चर्यकारक आहे.

चीनमध्ये कबुतरांची शर्यत हा ट्रेंड बनत चालला आहे. मादी रेसिंग कबूतरांचा वापर चांगल्या रेसर कबूतरांच्या निर्मितीसाठी केला जातो. पण इतिहासात पहिल्यांदाच कोणीतरी मादी कबुतरावर एवढी मोठी बोली लावली आहे.

किम (न्यू किम बेल्जियम) ने अरमांडो कबूतराकडून जगातील सर्वात महागड्या कबूतराचा किताब हिसकावून घेतला आहे. खरं तर, 2019 मध्ये अरमांडोवर 1.25 दशलक्ष युरोची बोली लावण्यात आली होती, जी किमवरील 1.6 दशलक्ष युरोच्या बोलीपेक्षा कमी आहे.