फेसबुक आणि ट्विटर प्रचंड परिणाम

सोशल मीडियाचा २०१४मध्ये प्रचंड परिणाम जाणवला. सेलिब्रिटी आणि त्यांचे प्रेक्षक यांच्यामधील तर फेसबुक आणि ट्विटर हा दुवाच ठरलाय. 

आता आपल्या प्रत्येक चित्रपटाबाबत गाणं, त्याचा प्रोमो, फोटो, इव्हेंट प्रत्येक गोष्टीची सेलिब्रिटी प्रेक्षकांना ट्विटरवरून माहिती देतात. दोन बाबींमधील गॅप भरून काढणारं हे एक महत्त्वाचं माध्यम बनलंय. 

सोशल मीडियाचे सेलिब्रिटींच्या आयुष्यावर दोन्ही पॉझिटिव्ह आणि निगेटिव्ह परिणाम पाहायला मिळतात. 

२०१४ वर्ष संपता-संपता अशाच काही घटनांविषयी जाणून घेऊया ज्यांनी सोशल मीडियावरून चळवळ चालवली. मग यात राजकारणी आणि सेलिब्रिटी दोघांचाही समावेश आहे. 

हृतिकची बँग बँग डेअर #BANGBANGDARE

फिल्मच्या प्रमोशनसाठी अभिनेता हृतिक रोशननं चांगलीच ट्रीक वापरली. आपल्या बॉलिवूडच्या सहकाऱ्यांना त्यानं बँग बँग डेअर चॅलेंज करायला नॉमिनेट केलं... एक-एक डेअर सांगितली. त्याच्या मित्रांनीही ती स्वीकारत अनेकांनी ते चॅलेंज पूर्णही केलं. 

जगात 'आइस बकेट चॅलेंज'ची धूम

जगाला  amyotrophic lateral sclerosis (ALS) या आजाराबद्दल जागरूक करण्यासाठी 'आइस बकेट चॅलेंज' सुरू केलं. या चॅलेंजमध्ये बर्फ आपल्या डोक्यावर टाकण्याचं चॅलेंज देण्यात आलं होतं. चॅलेंज पूर्ण करण्यासाठी २४ तासांचा वेळ देऊन इतर लोकांना नॉमिनेट करायचं होतं. जर हे चॅलेंज पूर्ण नॉमिनेट केलेल्या वक्तव्यानं पूर्ण केलं नाही तर त्यांना आजारासाठी रिसर्चला फंड द्यावं लागणार, असं हे चॅलेंज होतं. जुलै-ऑगस्टमध्ये हे चॅलेंज सोशल मीडियावर जबरदस्त  हिट झालं होतं. 
 

जिथं अनेक सेलिब्रिटीनं आपलं खाजगी आयुष्य बंदिस्त ठेवलं, तिथं अनेकांनी आपल्या आयुष्यातील प्रत्येक बाबत सोशल मीडियावर शेअर केली. दिया मिर्झा आणि इलियाना डिक्रुझ या अशा दोन सेलिब्रिटीज ज्यांनी आपल्या आयुष्यातील महत्त्वाच्या घटनेची घोषणा ट्विटरवर केली. दिया मिर्झानं साहिल सांगासोबत आपल्या साखरपुड्याची घोषणा तर इलियानानं आपल्या परदेशी बॉय फ्रेंड विषयीची माहिती ट्वीट करून दिली. 

मराठमोळा पण बॉलिवूडचा हिरो रितेश देशमुखनं आपल्या बाळाच्या जन्माची बातमीही ट्विटरवरूनच दिली. 

तर काहींनी आपलं नातं तुटल्याचंही ट्विटरवरून सांगितलं. अरमान कोहलीनं आपण तनिषा मुखर्जीसोबत जास्त रिलेशनशीप वाढवू शकत नसल्याचं ट्वीट केलं. तर गौहर खाननंही कुशाल टंडनसोबत तिच्या नात्यातील दुरावा ट्विटरवरून मांडला. 

अभिनेते आणि चित्रपट निर्माता-दिग्दर्शकांसाठी सोशल मीडिया फिल्म प्रमोशनसाठी मोठा प्लॅटफॉर्म ठरतोय. प्रत्येक जण आपल्या न्यू प्रोजेक्टविषयी, चित्रपटांविषयी सोशल मीडियावरून प्रमोशन करतोय.

'हॅपी न्यू इअर','किक','पीके', 'अॅक्शन जॅक्शन','द शौकिन्स' या चित्रपटांसारखे उदाहरण पाहता येईल. फेसबुक, ट्विटर आणि व्हॉट्स अॅपवरून 'हॅपी न्यू इअर' आणि 'पीके'चे पोस्टर आणि टिझरही प्रसिद्ध केले गेले.