ஊழியர்களின் வருங்கால வைப்பு நிதி அமைப்பின் (EPFO) உறுப்பினர்கள் அதிக ஓய்வூதியம் (EPFO உயர் ஓய்வூதியம்) என்ற விருப்பத்தைத் தேர்ந்தெடுத்து ஜூன் 26, 2023 வரை தங்கள் முதலாளிகளுடன் இணைந்து விண்ணப்பிக்கலாம். ஓய்வூதிய நிதி அமைப்பான EPFO -ன் ஒருங்கிணைந்த உறுப்பினர்களின் போர்ட்டலில் அவர்கள் இதற்கு விண்ணப்பிக்க வேண்டும். முன்னதாக, அதிக ஓய்வூதியத்தை தேர்வு செய்வதற்கான கடைசி தேதி மே 3, 2023 ஆகும். ஆனால் EPFO இந்த கடைசி தேதியை ஜூன் 26, 2023 வரை நீட்டித்துள்ளது. இதுவரை, EPFO-க்கு 12 லட்சத்திற்கும் அதிகமான விண்ணப்பங்கள் வந்துள்ளன.
உச்சநீதிமன்றம் உத்தரவு
முன்னதாக, உச்ச நீதிமன்றம் நவம்பர் 4, 2022 அன்று தனது உத்தரவில், தகுதியான அனைத்து உறுப்பினர்களுக்கும் அதிக ஓய்வூதியத்தைத் தேர்வு செய்ய EPFO நான்கு மாதங்கள் அவகாசம் அளிக்க வேண்டும் என்று கூறியது. இந்த நான்கு மாத காலம் மார்ச் 3, 2023 அன்று முடிவடைகிறது.
ஓய்வூதியத்தில் என்ன விளைவு இருக்கும்?
இந்த செயல்முறையின் முழு விவரங்களை EPFO முன்பு வெளியிட்டது. ஊழியர்களின் ஓய்வூதியத் திட்டத்தின் (இபிஎஸ்) கீழ் அதிக ஓய்வூதியம் பெற பங்குதாரர்களும் அவர்களது முதலாளிகளும் கூட்டாக விண்ணப்பிக்கலாம் என்று கூறப்பட்டது. நவம்பர் 2022-ல், உச்ச நீதிமன்றம் ஊழியர்களின் ஓய்வூதிய (திருத்தம்) திட்டம், 2014-ஐ உறுதி செய்தது. முன்னதாக, ஆகஸ்ட் 22, 2014-ன் இபிஎஸ் திருத்தம், ஓய்வூதியம் பெறக்கூடிய சம்பள வரம்பை மாதம் ரூ.6,500-லிருந்து ரூ.15,000 ஆக உயர்த்தியது. மேலும், உறுப்பினர்கள் மற்றும் அவர்களது முதலாளிகள் தங்கள் உண்மையான சம்பளத்தில் 8.33 சதவீதத்தை EPS-க்கு பங்களிக்க அனுமதிக்கப்பட்டனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
