ஃபிண்டெக் நிறுவனமான Paytm இன் துணை நிறுவனமான Paytm Money அதன் தளங்களில் பரிமாற்ற வர்த்தக நிதிகளை (ETFs) அறிமுகப்படுத்தியுள்ளது. இந்தியப் பத்திரங்கள் மற்றும் பரிவர்த்தனை வாரியத்தின் (SEBI) ஒப்புதலுக்குப் பிறகு, நிறுவனம் தனது தளத்தில் பரிமாற்ற-வர்த்தக நிதியை (ETF) அறிமுகப்படுத்தியுள்ளது. ETF என்பது ஒரு தரகு நிறுவனம் மூலம் மக்கள் பங்குச் சந்தையில் வாங்க அல்லது விற்கக்கூடிய பத்திரங்களின் தொகுப்பாகும்.
Paytm Money இன் தலைமை நிர்வாக அதிகாரி வருண் ஸ்ரீதரின் கூற்றுப்படி, குறைந்த செலவில் சந்தையுடன் இணைக்கப்பட்ட வருமானத்தை அடைய ஒவ்வொருவரும் தங்கள் போர்ட்ஃபோலியோவில், ETF நிதி முதலீடுகளையும் சேர்க்க வேண்டும். தேவையான காரணிகளுடன் ஒரு User Friendly Interface-ஐ வழங்குவதாகவும், இதன் மூலம் பயனர்கள் தங்கள் விருப்பப்படி ETF நிதிகளில் வசதியாக முதலீடு செய்ய முடியும் என்றும் கூறினார்.
ALSO READ: வீட்டில் இருந்தே உங்கள் ரேஷன் கார்டில் உள்ள மொபைல் எண்ணை அப்டேட் செய்யலாம்..!!!
வெறும் 16 ரூபாயில் தொடங்கலாம்
அடுத்த 12-18 மாதங்களில் Paytm Money மூலம் 1 லட்சம் பயனர்கள் ETF நிதிகளில் முதலீடு செய்வார்கள் என நிறுவனம் நம்புகிறது. இதுதான் தற்போது நிறுவனத்தின் குறிக்கோளாக உள்ளது. ETF நிதிகள் முதலீட்டாளரின் போர்ட்ஃபோலியோவின் இன்றியமையாத பகுதியாகும் என்பதை Paytm Money அறிந்திருக்கிறது. அனைத்து முதலீட்டாளர்களும் இதில் முதலீடு செய்ய வேண்டும். புதிய முதலீட்டாளர்களை மனதில் கொண்டு, அதை எளிதாகவும் வசதியாகவும் செய்ய முயற்சித்ததாக Paytm Money கூறுகிறது.
Paytm Money மூலம், முதலீட்டாளர்கள் ETF நிதிகள் முதலீட்டை, ஈக்விட்டியில் ரூ .16, தங்கத்தில் ரூ .44 மற்றும் நிஃப்டியில் ரூ .120 போன்ற குறைந்த தொகையுடனும் தொடங்கலாம்.
Paytm Money ETF இன் அம்சங்கள் என்ன
இந்தியாவில் பங்குச் சந்தை குறியீட்டு (Index), தங்கம், பங்கு (Equity) மற்றும் கடன் (Debt) பிரிவுகளில் 69 வகையான ETF நிதிகள் உள்ளன. Paytm Money இன் படி, அதன் தளத்தின் ஊடாடும் இடைமுகம் ஒரு முதலீட்டாளருக்கு தேர்ந்தெடுக்கப்பட்ட ETF நிதிகள் விலை மாற்றங்களைக் கண்காணிக்க உதவுகிறது. கூடுதலாக, பயனர்களுக்கு விலை எச்சரிக்கையையும் (Price Alert) அமைத்துக் கொள்ளலாம். Paytm Money-ல் ETF-ன் லைவ் அப்டேட்டும் கிடைக்கும். சந்தை நேரத்தில் பயனர் பங்குகளை வாங்குவதற்கான ஆர்டர்களையும் அளிக்கலாம். பரிவர்த்தனைகளின் தொகை நேரடியாக அவரவர் வங்கிக் கணக்கில் வந்து சேரும்.
ALSO READ: தபால் அலுவலகத்தின் 7 சூப்பர்ஹிட் திட்டங்கள்... இதில் கிடைக்கும் நன்மைகள் என்ன?
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
