புதுடெல்லி: யூனிட்-இணைக்கப்பட்ட காப்பீட்டுத் திட்டங்கள் என்பது, காப்பீட்டுத் கவரேஜ் மற்றும் சேமிப்பு விருப்பங்களின் இரட்டைப் பலன்களை வழங்குகின்றன. வருமான வரிச் சட்டம், 1961 இன் பிரிவுகள் 10D மற்றும் 80C இன் கீழ் ULIP முதலீடுகளுக்கு முதலீட்டாளர்கள் வரிச் சலுகைகளைப் பெறலாம். இன்சூரன்ஸ், ரிடையர்மென்ட் கார்பஸ், வருமான வரி சேமிப்பு மற்றும் யூனிட்-இணைக்கப்பட்ட திட்டங்களின் நன்மைகள் என்ன என்பதை முழுமையாக புரிந்துக் கொண்டு முதலீடு செய்வது நல்லது.
பங்குச் சந்தையின் ஏற்றத்தாழ்வுகள்
யூலிப்கள் அதிக வருமானத்தை வழங்கினாலும், அவை பங்குச்சந்தையில் ஏற்படும் மாற்றங்களுக்கு உட்பட்டவை. அதாவது, பங்கு விலைகளின் ஏற்ற இறக்கத்திற்கு ஏற்றாற்போல, நன்மைகளையும் தீமையையும் மாறி மாறி அளிப்பவை என்பதை புரிந்துக் கொள்ள வேண்டும்.
முதலீடு மற்றும் காப்பீடு: இரட்டை பலன்கள்
யூனிட்-இணைக்கப்பட்ட காப்பீட்டுத் திட்டங்கள் (Unit-linked Insurance Plans (ULIPs)) என்பவை, காப்பீட்டுத் கவரேஜ் மற்றும் முதலீட்டின் இரட்டைப் பலன்களைத் தருகிறது. இந்த பாலிசிகள் ஈக்விட்டி-இணைக்கப்பட்ட கருவிகள் மூலம் அதிக வருமானத்தை வழங்குவதால், யூலிப்கள் லாபகரமான முதலீட்டு விருப்பங்களாக கருதப்படுகின்றன. இத்தகைய திட்டங்கள் நிதி பாதுகாப்பை வழங்குவதோடு மட்டுமல்லாமல், பிற முதலீட்டு விருப்பங்களை விட, முதலீடு செய்யும் பணத்தை விரைவாக அதிகரிக்கிறது.
மேலும் படிக்க | வங்கி லாக்கரில் வைக்கப்படும் பணம், நகைகள் தொலைந்து போனால் யார் பொறுப்பு?
யூலிப்கள் என்றால் என்ன?
யூலிப்கள் என்பது, நீண்ட காலப் பலன்களைப் பெற, பங்கு, கடன் மற்றும் சமச்சீர் நிதி போன்ற பல்வேறு சந்தை தொடர்பான சொத்துக்களில் முதலீடு செய்வதற்கான வாய்ப்பை வழங்கும் காப்பீட்டுக் கொள்கைகளின் வகையைக் குறிக்கிறது. அதாவது, யூலிப் என்பது யூனிட் இணைக்கப்பட்ட காப்பீட்டுத் திட்டம் ஆகுக்ம். ULIP என்பது சந்தை முதலீடு மற்றும் காப்பீடு ஆகிய இரண்டின் கலவையான இணைக்கப்பட்ட தயாரிப்பு ஆகும்.
இருப்பினும், முதலீடு சந்தை ஏற்ற இறக்கத்திற்கு ஆளாவதால், யூலிப்களில் சில அபாயங்களும் உள்ளது என்பதை கவனத்தைக் கொள்வது அவசியம் ஆகும். ULIP முதலீடுகள் வருமான வரிச் சட்டம், 1961 இன் பிரிவுகள் 10D மற்றும் 80C இன் கீழ் வரிச் சலுகைகளுக்கும் தகுதியுடையவை எனவே, வரிச்சலுகை என்ற நன்மையையும் யூலிப்கள் தருகின்றன.
காப்பீட்டு பாதுகாப்பு
நீங்கள் செலுத்தும் பிரீமியத்தின் ஒரு பகுதி ஆயுள் காப்பீட்டிற்கு பயன்படுத்தப்படுவதால், பாலிசிதாரர் இறந்துவிட்டால், காப்பீட்டு நன்மைகளை இந்த காப்பீட்டு திட்டம் கொடுக்கிறது.
ஓய்வூதிய கார்பஸ்
ULIP முதலீடுகள் நீண்ட கால திட்டங்கள் மற்றும் குறிப்பிடத்தக்க ஓய்வூதிய கார்பஸை உருவாக்க சிறந்தவை. முதலீடுகளில் இருந்து அதிக வருமானத்தைப் பெற, ஒருவர் முன்கூட்டியே முதலீடு செய்யத் தொடங்கலாம் என்பதும், தேவைப்படும்போது காலப்போக்கில் பிரீமியத்தை அதிகரிக்கலாம் என்பதும் கூடுதல் நன்மைகள் ஆகும்.
அதோடு, பங்குச்சந்தை முதலீட்டில் உள்ள அபாயங்களைக் குறைப்பதற்கும் வருமானத்தைப் பராமரிப்பதற்கும் அவர்கள் நிதிகளுக்கு இடையே மாறும் விருப்பத்தையும் தேர்வு செய்யலாம். எனவே, இந்த பாலிசி முதிர்ச்சியடையும் போது, பல்வேறு சொத்துக்களில் இருந்து திரட்டப்பட்ட நிதியால், பாலிசிக்கு கட்டிய பணத்தில் இருந்து கணிசமானஓய்வூதிய கார்பஸை உருவாக்க உதவும்.
மேலும் படிக்க | Mutual Fund:மியூசுவல் ஃபண்டுகளை எப்போது ரிடீம் செய்ய வேண்டும்? எப்படி செய்வது
வரி விலக்கு
ULIP ஐ வாங்குவது, பண சேமிப்பு மற்றும் காப்பீட்டு பலன்களுடன், வரிகளைச் சேமிக்கவும் உதவும். 1961 ஆம் ஆண்டு வருமான வரிச் சட்டம் பிரிவு 80C இன் கீழ் ULIP களுக்கு செலுத்தப்படும் பிரீமியமானது ரூ. 1.5 லட்சம் வரை வரி விலக்கு பெற தகுதியுடையது. அதோடு, ULIP பாலிசியின் முதிர்ச்சியின் போது பெறப்படும் தொகைக்கு, ஐ-டி சட்டத்தின் பிரிவு 10(10D) இன் கீழ் வரி விலக்கு அளிக்கப்படுகிறது.
பணப்புழக்கம்
பாலிசிதாரர் தங்கள் ULIP திட்டத்துடன் இணைக்கப்பட்ட நிதியை லாக்-இன் காலம் முடிந்த பிறகு திரும்பப் பெறும் தெரிவையும் தேர்வு செய்யலாம். பாலிசிதாரருக்கு அவசரமாக பணம் தேவைப்படும்போது இந்த தெரிவு உதவியாக இருக்கும். ஆனால், திட்டத்தின் நிதி மதிப்பில் 20 சதவீதத்திற்கு மேல் இருக்காது என்பது குறிப்பிடத்தக்கது.
அதிக வருமானம் தரும் யூனிட் லிங்க்ட் பாலிசி
ULIPகள் பொதுவாக அதிக வருமானத்தை வழங்குகின்றன, ஏனெனில் இந்தத் திட்டங்கள் பல்வேறு முதலீட்டு விருப்பங்களில் முதலீடு செய்வதால் பிற காப்பீட்டு பாலிசிகளில் கிடைக்கும் வருவாயை விட அதிகமாக கொடுக்கிறது. ஆனால், வருமானம் பாலிசிதாரரால் தேர்ந்தெடுக்கப்பட்ட நிதியைப் பொறுத்தது. அதிக ஆபத்து காரணிகள் இருந்தாலும், மூலதனச் சந்தையில் முதலீடு செய்வதன் மூலம் அதிக லாபத்தைப் பெற முடியும் என்பதால் தற்போது யூலிப் பாலிசிகளுக்கு நல்ல வரவேற்பு இருக்கிறது.
மேலும் படிக்க | டேர்ம் இன்சூரன்ஸ் எடுக்கும்போது குழப்பமா? உங்கள் மதிப்பு இதுதான்! கால்குலேட்டர்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
