ITR Filing: இந்திய குடிமக்களாகிய நமக்கு உள்ள பல கடமைகளில் வருமான வரியை செலுத்துவதும் மிக முக்கியமான கடமையாகும். வரி செலுத்துவோருக்கு அதிக நெகிழ்வுத்தன்மை மற்றும் எளிமையான வழிமுறைகளை வழங்குவதை நோக்கமாகக் கொண்ட ஒரு நடவடிக்கையாக, 139(1), 139(4) மற்றும் 139(5) பிரிவின் கீழ் தாக்கல் செய்யப்பட்ட வருமான வரி ரிட்டர்ன்களுக்கான (ITRs) "டிஸ்கார்ட்" விருப்பம் (Discard option) எனப்படும் புதிய அம்சத்தை வருமான வரித்துறை (Income Tax Department) அறிமுகப்படுத்தியுள்ளது. 2023-2024 மதிப்பீட்டு ஆண்டு (Assessment Year 2023 24) முதல் சரிபார்க்கப்படாத வருமானங்களுக்கு இந்த விருப்பம் பொருந்தும்.
டிஸ்கார்ட் ரிடர்ன் என்றால் என்ன? (What is Discard Return?)
ஐடிஆர் -களை தாக்கல் செய்யும் போது கவனக்குறைவாக தவறான தகவல்களைச் சமர்ப்பித்த தனிநபர்களுக்கான தீர்வாக "டிஸ்கார்ட்" விருப்பம் (Discard Option) வருகிறது. சரிபார்ப்பு மற்றும் அதைத் தொடர்ந்து திருத்துதல் போன்ற சிக்கலான செயல்முறையை மேற்கொள்வதற்குப் பதிலாக, வரி செலுத்துவோர் (Taxpayers) இப்போது முதலில் தாக்கல் செய்த வருமான அறிக்கையை நிராகரித்து, திருத்தப்பட்ட ஒன்றைச் சமர்ப்பிக்க விருப்பம் வழங்கப்படும்.
ஐடிஆர் பதிவேற்றம், சரிபார்ப்பு சோதனைகள், செயலாக்கம் மற்றும் இறுதி மதிப்பீடு (uploading the ITR, verification checks, processing, final assessment) உட்பட பல நிலைகள் இந்த செயல்முறையில் உள்ளன. மத்திய நேரடி வரிவிதிப்பு வாரியம் (CBDT) வரி செலுத்துவோர் சரிபார்ப்பு கட்டத்திற்கு முன்பே தங்கள் ITR களை அப்புறப்படுத்தும் திறனை வழங்கியுள்ளது. மேலும் தேவைப்பட்டால் திருத்தப்பட்ட ITR ஐ தாக்கல் செய்யவும் அனுமதி அளிக்கப்படுகிறது.
எடுத்துக்காட்டாக, வரி செலுத்தும் ஒரு தனி நபர், சமர்ப்பித்த வருமான அறிக்கையில் பிழைகளைக் கண்டறிந்தால், தவறான தகவல்களின் தேவையற்ற சரிபார்ப்பைத் தவிர்க்க "டிஸ்கார்ட்" (Discard) விருப்பத்தைத் தேர்வு செய்யலாம். இந்த புதிய அம்சம் செயல்முறையை எளிதாக்குகிறது. இதன் மூலம் சரிபார்த்த பிறகு திருத்தப்பட்ட வருவாயைத் தாக்கல் செய்ய வேண்டிய அவசியமின்றி தனிநபர்கள் பிழைகளைத் திருத்திக்கொள்ள முடியும்.
வரி செலுத்துவோர் தாக்கல் செய்யப்பட்ட ஆனால் இன்னும் சரிபார்க்கப்படாத அசல், திருத்தப்பட்ட அல்லது தாமதமான ரிட்டர்ன்களுக்கு (Income Tax Return) "டிஸ்கார்ட்" விருப்பத்தைப் பயன்படுத்தலாம். சரிபார்க்கப்படாத வருவாயை நிராகரித்த பிறகு, அதாவது டிஸ்கார்ட் செய்த பிறகு, அவர்கள் திருத்தப்பட்ட தகவலுடன் புதிய ITR ஐத் தாக்கல் செய்யலாம்.
ஐடிஆர் -களை டிஸ்கார்ட் செய்வதற்கான விருப்பம் 2022-2023 நிதியாண்டில் (Financial Year 2022-23) தாக்கல் செய்யப்பட்ட வருமானத்திற்குப் பொருந்தும். எனினும் டிசம்பர் 31 வரையிலான காலக்கெடுவுடன் தொடர்புடைய நிதியாண்டின் தொடக்கத்திலிருந்து ஒன்பது மாதங்களுக்குள் மட்டுமே இந்த விருப்பம் கிடைக்கும் என்பதை வரி செலுத்துவோர் கவனத்தில் கொள்ள வேண்டும்.
"டிஸ்கார்ட்" ஆப்ஷனை அணுக, பயனர்கள் வருமான வரி இணையதளத்தில் இந்த எளிய செயல்முறையை பின்பற்றலாம்:
- முதலில் வருமான வரி இணையதளமான www.incometax.gov.in -க்கு செல்லவும்.
- உங்கள் கணக்கில் லாக் இன் செய்யவும்.
- e-File க்குச் சென்று வருமான வரி அறிக்கையைத் (Income Tax Return) தேர்ந்தெடுக்கவும்
- e-Verify ITR என்பதைக் கிளிக் செய்யவும்
- "Discard" என்பதைத் தேர்ந்தெடுக்கவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
