Atal Pension Scheme: வயதான காலத்தில் ஓய்வூதியம் ஒரு பெரிய உதவி. ஆனால் நீங்கள் திட்டமிட்டு முதலீடு செய்தால் மட்டுமே சாத்தியமாகும். பெரும்பாலும் மக்கள் முதுமையை பற்றி கவலைப்படுவதில்லை. குறிப்பாக முதுமை காலத்திற்கான நிதி பாதுகாப்பு குறித்து கவலைப்படுவதில்லை. ஆனால் இந்த தவறினால் பெரும்பாலானோர் முதுமையில் வருந்த வேண்டியுள்ளது. உடல் ஒத்துழைக்காமல், தேவையான விஷயங்களுக்கு மற்றவர்களைச் சார்ந்திருக்க வேண்டியிருக்கும்.
நீங்கள் இளமையாக இருக்கும் போதே, இதற்கான திட்டமிடத்ட் தொடங்கினால், ஒவ்வொரு மாதமும் ஒரு சிறிய தொகையை டெபாசிட் செய்வதன் மூலம் உங்கள் முதுமையை பொருளாதார ரீதியாக வலுவானதாக மாற்றலாம். இதற்குப் பிறகு, நீங்கள் ஒவ்வொரு மாதமும் ஒரு நிலையான தொகையை ஓய்வூதியமாகப் பெறுவீர்கள். அன்றாட செலவுகளுக்காக யாருக்காகவும் காத்திருக்க வேண்டியதில்லை.
முதுமையில் உங்களுக்கு நிம்மதியும், மகிழ்ச்சியும் தேவை என்றால் நீங்கள் அடல் பென்ஷன் யோஜனாவில் சேரலாம். இது அரசாங்க ஓய்வூதியத் திட்டமாகும், மேலும் இது உத்தரவாதமான வருமானத்தை வழங்குகிறது. உங்கள் முதலீட்டைப் பொறுத்து ஒவ்வொரு மாதமும் ரூ 1000 முதல் ரூ 5000 வரை ஓய்வூதியம் பெறலாம்.
இதுமட்டுமின்றி, அடல் பென்ஷன் யோஜனா திட்டத்தில் சேர்வதன் மூலம், கணவன்-மனைவி இருவரும் மாதம் ரூ.10,000 வரை ஓய்வூதியம் பெறலாம். இந்திய குடிமகன் எவரும் இந்தத் திட்டத்தைப் பயன்படுத்திக் கொள்ளலாம். உங்கள் வயது 40 வயதுக்கு குறைவாக இருந்தால், உடனடியாக அடல் பென்ஷன் யோஜனாவில் கணக்கைத் திறக்கவும். ஏனெனில் 40 வயதுக்கு மேற்பட்டவர்கள் இத்திட்டத்தில் சேர முடியாது.
அடல் பென்ஷன் யோஜனா வயது: இந்தத் திட்டத்தில் சேர வயது 18 முதல் 40 வயது வரை நிர்ணயிக்கப்பட்டுள்ளது. இந்தத் திட்டத்தின் கீழ் ஓய்வூதியம் பெற, குறைந்தபட்சம் 20 ஆண்டுகள் முதலீடு செய்ய வேண்டும். நீங்கள் 60 வயதை எட்டியவுடன், நீங்கள் ஒவ்வொரு மாதமும் ஓய்வூதியத் தொகையைப் பெறத் தொடங்குவீர்கள்.
உங்களுக்கு எவ்வளவு ஓய்வூதியம் கிடைக்கும்?
நீங்கள் 18 வயதாக இருந்தால், இந்தத் திட்டத்தில் ஒவ்வொரு மாதமும் ரூபாய் 210 அதாவது ஒரு நாளைக்கு 7 ரூபாய் முதலீடு செய்து மாதம் 5000 ரூபாய் ஓய்வூதியம் பெறலாம். அதேசமயம், 60 வயதிற்குப் பிறகு, மாதம் 1000 ரூபாய் மட்டுமே ஓய்வூதியம் பெற விரும்பினால், 18 வயதில் இருந்து ஒவ்வொரு மாதமும் 42 ரூபாய் மட்டுமே டெபாசிட் செய்ய வேண்டும்.
முதலீட்டாளர்கள் தங்கள் பணத்தை 60 வயதிற்குள் திரும்பப் பெற விரும்பினால், சில சூழ்நிலைகளில் அது சாத்தியமாகும். அதேசமயம் 60 வயதுக்குள் கணவர் இறந்துவிட்டால், மனைவிக்கு ஓய்வூதியம் கிடைக்கும். கணவன்-மனைவி இருவரும் இறந்தால், நாமினி முழுப் பணத்தையும் திரும்பப் பெறுவார்.
அடல் பென்ஷன் யோஜனா கணக்கு திறக்கும் செயல்முறை: அடல் பென்ஷன் யோஜனாவில் சேர, நீங்கள் வங்கி அல்லது தபால் அலுவலகத்தில் கணக்கு வைத்திருக்க வேண்டும். ஆதார் அட்டை மற்றும் செயலில் உள்ள மொபைல் எண் தேவைப்படும். இந்த திட்டத்தில், பணம் டெபாசிட் செய்ய மாதாந்திர, காலாண்டு மற்றும் அரையாண்டு வசதி உள்ளது. மேலும், ஆட்டோ டெபிட் வசதி உள்ளது, அதாவது உங்கள் கணக்கில் இருந்து பணம் தானாகவே கழிக்கப்படும்.
அடல் பென்ஷன் யோஜனா வரி சேமிப்பு: அடல் பென்ஷன் யோஜனாவில் முதலீடு செய்வதன் மூலம், ஓய்வூதியத்தைப் பெறுவதோடு வரியையும் சேமிக்கலாம். இந்தத் திட்டத்தில் முதலீடு செய்வதன் மூலம் ரூ.1.5 லட்சம் வரை வரியைச் சேமிக்கலாம். வருமான வரியின் 80சி பிரிவின் கீழ் இந்த விலக்கு கிடைக்கும். மோடி அரசு அடல் பென்ஷன் யோஜனா திட்டத்தை 2015 மே மாதம் தொடங்கியது
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
