இன்றைய துரித கதியிலான வாழ்க்கை முறையில், மிகவும் பிஸியாக இருக்கும் சூழ்நிலையில், நேரத்தை மிச்சப்படுத்த பெரும்பாலானோர், நேரம் கிடைக்கும் போது சப்பாத்தி மாவை பிசைந்து ஃப்ரிட்ஜில் வைத்து பின்னர் தேவைப்படும் போது பயன்படுத்துவார்கள். சில சமயங்களில் சப்பாத்தி செய்த பிறகு, எஞ்சியிருக்கும் பிசைந்த மாவை, குளிர்சாதன பெட்டியில் வைத்து மறுநாள் பயன்படுத்துவார்கள். சில நேரம் திட்டமிட்டே, நேரத்தை மிச்சப்படுத்த, மாவை மொத்தமாக பிசைந்து 2 அல்லது 3 நாட்களுக்கு பிரிட்ஜில் வைத்து பயன்படுத்துபவர்களும் உள்ளனர்.
பிசைந்த மாவை பிரிட்ஜில் வைத்து பயன்படுத்துவது ஆரோக்கியத்தில் மிகவும் மோசமான விளைவை ஏற்படுத்தும் என நிபுணர்கள் எச்சரிக்கின்றனர். குளிர்சாதன பெட்டியில் வைத்த பழைய மாவில் செய்யப்படும் சப்பாத்திகள் என்ன விதமான உடல் நல பிரச்சனைகள் வரும் (Health Tips) என்பதை தெரிந்து கொள்ளலாம்.
பூஞ்சை தொற்று
குளிர்சாதனப் பெட்டியில் வைக்கப்படும் மாவு பூஞ்சை தொற்றை உண்டாக்கும் ஈஸ்ட்டை உருவாக்குகிறது என்கின்றனர் உணவியல் நிபுணர்கள். இது உடலில் ஒரு வகையான ஒவ்வாமையை ஏற்படுத்துடன், குமட்டல் மற்றும் வாந்தி போன்ற நீண்ட காலத்திற்கு பிரச்சனைகளை உண்டாக்கும்.
ஊட்டச்சத்து குறைபாடு
குளிர்சாதனப் பெட்டியில் பிசைந்த மாவு வைப்பதால், அதில் உள்ள தாதுக்கள் மற்றும் வைட்டமின்கள் வீணாகும் வாய்ப்பு அதிகரிக்கிறது. ஏனெனில் மாவை குளிர்சாதன பெட்டியில் இருக்கும் ஆரோக்கியத்திற்கு தீங்கு விளைவிக்கும் வாயு மாவில் உறிஞ்சப்படுகிறது. இது அதில் உள்ள ஊட்டச்சத்தை அழிக்கிறது.
மேலும் படிக்க | வைட்டமின் பி12 குறைபாட்டை போக்க உதவும் சிவப்பு உணவுகள்
செரிமான பிரச்சனைகள்
குளிர்சாதன பெட்டியில் வைக்கப்படும் மாவு உங்கள் செரிமான அமைப்பை பாதிக்கும். இதனால், வயிற்றுப்போக்கு மற்றும் வயிற்று தொற்றுநோயை ஏற்படுத்தும். குடலில் உள்ள நல்ல பாக்டீரியாக்களுக்கு தீங்கு விளைவிக்கும். அதோடு வயிற்றின் வளர்சிதை மாற்ற விகிதத்தை மந்தமாக்கலாம். உணவுத் தொற்றும் ஏற்படலாம்.
குடல் நோய்த்தொற்று
குளிர்சாதனப் பெட்டியில் வைக்கப்படும் மாவு குடல் நோய்த்தொற்றை ஏற்படுத்தும். இதன் காரணமாக, குடலில் பாக்டீரியா மற்றும் மைக்ரோபயோட்டா போன்ற பிரச்சனைகள் உண்டாகலாம். ஃப்ரிட்ஜில் வைத்த மாவை வைத்து சப்பாத்தி செய்யும் போது நொதித்தல் செயல்முறை பாதிக்கப்படுகிறது. இதனால் சரியாக செரிமானம் ஆகாமல், குடல் நோய்த்தொற்று வயிற்றில் கோளாறு ஆகியவை ஏற்படும்
சுவை இழப்பு
பிசைந்த மாவை பிரிட்ஜில் வைத்து பயன்படுத்தி சப்பாத்தி செய்வது அவற்றின் சுவையைக் குறைக்கிறது. ஏனெனில் மாவில் உள்ள பசையம் குளிர்சாதன பெட்டியில் வைப்பதால் சேதமடைவதால் ரொட்டி மென்மையாக இருக்காது. சுவையும் சிறப்பாக இருக்காது.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | 2024 ஆண்டின் சூப்பர்ஃபுட் பட்டியலில் இணைந்த 3 உணவுகள் இது தான்... மிஸ் பண்ணாதீங்க
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
