நாம் ஆரோக்கியமாக இருக்க விரும்பினால், உங்கள் உணவில் ஊட்டச்சத்துக்கள் நிறைந்த ஆரோக்கியமான உணவுகள் இடம் பெற வேண்டும். அதாவது ஊட்டச்சத்துக்களின் களஞ்சியமாக இருக்கும் சூப்பர்ஃபுட்களை கண்டிப்பாக சேர்த்துக்கொள்ள வேண்டும். சூப்பர்ஃபுட் என்பது அதிகபட்ச ஊட்டச்சத்துக்கள் நிறைந்த அல்லது ஊட்டச்சத்துக்களின் களஞ்சியமாக இருக்கும் உணவுகள்.
நமது ஆரோக்கியத்திற்கும் உணவு பழக்கத்திற்கும் நேரடி தொடர்பு உள்ளது. உங்களை ஆரோக்கியமாக வைத்திருக்க உதவும் மற்றும் உடலுக்குத் தேவையான அனைத்து ஊட்டச்சத்துக்களையும் வழங்க உதவும் உணவு ஒரு சூப்பர்ஃபுட் ஆகும். சூப்பர்ஃபுட்களின் பட்டியல் மிக நீளமானது. இந்த ஆண்டு அதாவது 2024 ஆம் ஆண்டில், சில பொதுவான மற்றும் தினசரி பயன்படுத்தப்படும் உணவுகளும் சூப்பர்ஃபுட் பட்டியலில் சேர்க்கப்பட்டுள்ளன.
சூப்பர்ஃபுட்களின் பட்டியலில் புதிதாக சேர்க்கப்பட்ட மூன்று உணவுகள்
காளான்கள், பருப்பு மற்றும் பீன்ஸ் வகைகள் மற்றும் சால்மன் மீன் ஆகிய 3 புதிய உணவுகள் 2024 சூப்பர்ஃபுட் பட்டியலில் சேர்க்கப்பட்டுள்ளன. அவை ஏன் சூப்பர்ஃபுட் என்று அழைக்கப்படுகின்றன; அவற்றின் நன்மைகள் என்ன (Health Tips) என்பதை அறிந்து கொள்ளலாம்.
காளான்
காளான் இந்த ஆண்டின் எட்டாவது மிகவும் நவநாகரீக சூப்பர்ஃபுட் என்று பட்டியலிடப்பட்டுள்ளது. காளான் சைவ, அசைவ பிரியர்கள் இருவரும் விரும்பும் சிறந்த உணவு. வாரத்திற்கு ஒரு முறை கண்டிப்பாக காளான் சாப்பிட வேண்டும் என்கின்றனர். காளானில் வைட்டமின் ஏ, வைட்டமின் பி, வைட்டமின் டி மற்றும் பல தாதுக்கள் காளானில் காணப்படுகின்றன. புரதம், நார்ச்சத்து, செலினியம், பொட்டாசியம் மற்றும் தாமிரம் ஆகியவை காளானில் காணப்படுகின்றன. பல நுண்ணூட்டச் சத்துக்களும் உள்ளன. இது தவிர, காளான்களில் பல ஆக்ஸிஜனேற்றங்கள் உள்ளன. அவை திசுக்களை சேதமடையாமல் பாதுகாக்கின்றன. முதுமை எதிர்ப்பு பண்புகள் நிறைந்துள்ள காளான்கள் பல நாள்பட்ட நோய்களை குணப்டுத்துவதுடன், இளமையை காக்க உதவுகிறது
மேலும் படிக்க | உயர் இரத்த அழுத்தம் கட்டுக்குள் இருக்க உதவும்... பொட்டாசியம் நிறைந்த சூப்பர் பழங்கள்
பருப்பு மற்றும் பீன்ஸ் வகைகள்
பல பருப்பு மற்றும் பீன்ஸ் வகைகள் இந்த ஆண்டில் சூப்பர்ஃபுட் பட்டியலில் புதிதாக சேர்க்கப்பட்டுள்ளன. இதில் பட்டாணி, உளுந்து உள்ளிட்ட பருப்பு வகைகள், சோயாபீன், பட்டாணி மற்றும் ராஜ்மா ஆகியவை அடங்கும். புரதம் நிறைந்த பருப்புகளில் சிக்கலான கார்போஹைட்ரேட்டுகள் உள்ளன. அவை உடலுக்கு படிப்படியாக ஆற்றலை வழங்குகின்றன. பருப்பு, பீன்ஸ் போன்றவை குடல் ஆரோக்கியத்தை மேம்படுத்துவதற்கும் சிறந்தது. அவற்றில் அதிக புரதம் மற்றும் நார்ச்சத்து உள்ளது. இரும்பு, மெக்னீசியம், ஃபோலேட் மற்றும் பொட்டாசியம் இதில் காணப்படுகின்றன. பருப்பு வகைகள் கொலஸ்ட்ராலை குறைக்க உதவும். ஆரோக்கியமான எடையை பராமரிக்க பருப்புகளும் ஒரு நல்ல உணவாகும்.
சால்மன் மீன்
சால்மன், ஆரோக்கியமான மீன், சூப்பர்ஃபுட் பட்டியலில் புதிதாக சேர்க்கப்பட்டுள்ளது. ஆரோக்கிய கொழுப்பு நிறைந்த சால்மன் மீன் உட்பட அனைத்து கடல் உணவுகளிலும் லீன் புரதம் காணப்படுகிறது. எனவே சால்மன் மீன் இதய ஆரோக்கியத்திற்கு மிகவும் சிறந்த உணவாக கருதப்படுகிறது. ஒமேகா-3 கொழுப்பு அமிலங்கள் நிறைந்த, சால்மன் மீனில் எய்கோசாபெண்டோனிக் அமிலம் (Eicosapentaenoic Acid - EPA) மற்றும் டோகோசாஹெக்சோனிக் அமிலம் ( docosahexaenoic acid - DHA) ஆகியவையும் உள்ளன. இவை நரம்பியல் ஆரோக்கியம் மற்றும் செல் சவ்வுகளுக்கு மிகவும் நன்மை பயக்கும். இது இரத்தத்தில் உள்ள ட்ரைகிளிசரைட்டின் அளவையும் குறைக்கிறது. சால்மன் மீன் LDL என்னும் கெட்ட கொலஸ்ட்ராலை குறைக்கவும் உதவுகிறது.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது
மேலும் படிக்க | வைட்டமின் பி12 குறைபாட்டை போக்க உதவும் சிவப்பு உணவுகள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
