வளரும் நாடுகளில் குழந்தைகள் மற்றும் இளம் பருவத்தினர, அதிக அளவில் நீரிழிவு நோயால் பாதிக்கப்படுகின்றனர். இந்நிலையில், நீரிழிவு நோய்க்கு பயனுள்ள சிகிச்சை காலத்தின் தேவை என்பதை உணர்ந்த ஆராய்ச்சியாளர்கள் மற்றும் விஞ்ஞானிகள், அதற்கான ஆராய்ச்சிகளில் தொடர்ந்து ஈடுபட்டு வருகின்றனர். இந்நிலையில், இந்திய விஞ்ஞானிகள் குழு சர்க்கரை நோய்க்கு புதிய சிகிச்சை முறையை கண்டுபிடித்துள்ளனர்.
இந்திய விஞ்ஞானிகள் குழு சர்க்கரை நோயினால் ஏற்படும் பாதிப்பை தடுக்கும் IL-35 என்ற குறிப்பிட்ட புரதத்தை ஆராய்ச்சியாளர்கள் கண்டுபிடித்துள்ளனர். மத்திய அரசின் கீழ் இயங்கும் அறிவியல் மற்றும் தொழில்நுட்பத்தின் மேம்பட்ட ஆய்வு நிறுவனத்தைச் சேர்ந்த ஆராய்ச்சியாளர்கள் இந்தக் கண்டுபிடிப்பை மேற்கொண்டுள்ளனர்.
IL-35 என்பது IL-12A மற்றும் EBI-3 மரபணுக்களால் குறியிடப்பட்ட குறிப்பிட்ட தொடர்களின் ஒரு குறிப்பிட்ட புரதமாகும். இதில் IL-35 புரதம் விஞ்ஞானிகளின் ஆர்வத்தை அதிகரித்துள்ளது. குறிப்பாக புதிய வகை -1 மற்றும் ஆட்டோ இம்யூன் நீரிழிவு சிகிச்சையில் இது உதவும் என ஆராய்ச்சியாளர்கள் கூறுகின்றனர்.
IL-35 என்ற புரதம் வீக்கத்தை ஏற்படுத்தும் இரசாயனங்களை உருவாக்கும் செல்களைக் குறைக்கிறது. இதனால், கணைய செல்களுக்கு ஏற்படும் பாதிப்பை குறைக்கிறது. டைப் 1 நீரிழிவு நோய் மற்றும் ஆட்டோ இம்யூன் நீரிழிவு நோயை கட்டுப்படுத்துவதில் முக்கிய பங்கு வகிக்கிறது.
மேலும் படிக்க | ஆண்களை அச்சுறுத்தும் புரோஸ்டேட் புற்றுநோய்: இந்த அறிகுறிகள் அலர்ட் ஆகிடுங்க!!
IL-35 நோயெதிர்ப்பு மண்டலத்தை பாதுகாக்கும் அதேநேரத்தில், நீரிழிவு நோய்க்கான புதிய சிகிச்சை விருப்பத்தையும் வழங்குகிறது என ஆராய்ச்சியாளர்கள் கூறுகின்றனர். இருப்பினும், IL-35 அமைப்பை முழுமையாக புரிந்து கொள்ளவும், மருத்துவ பரிசோதனைகளில் IL-35 அடிப்படையிலான மருத்துவ அறிவியலை மேம்படுத்தவும் கூடுதல் ஆய்வுகள் தேவை என்கின்றனர்.
IL-35 புரதம் எந்ஹ விதமான நோய்களை தடுக்க உதவும்
ஆராய்ச்சியாளர்களின் கூற்றுப்படி, IL-35 வகை 1 மற்றும் ஆட்டோ இம்யூன் நீரிழிவு நோயைத் தடுக்க உதவுகிறது. இது மேக்ரோபேஜ் செயல்படுத்தல், டி-செல் புரதங்கள் மற்றும் ஒழுங்குமுறை B செல்களைக் கட்டுப்படுத்துகிறது. IL-35 கணைய பீட்டா செல்கள் மற்றும் நோயெதிர்ப்பு செல்களை பாதிக்காமல் தடுக்கிறது. கூடுதலாக, IL-35 அழற்சி இரசாயனங்களை உருவாக்கும் குறிப்பிட்ட நோயெதிர்ப்பு செல்களைக் குறைத்தது. இவை கணைய செல் செயலிழப்பைக் குறைக்கின்றன. இது வகை 1 நீரிழிவு நோய் மற்றும் ஆட்டோ இம்யூன் நீரிழிவு நோய்க்கு முக்கிய பங்களிப்பாகும்.
இன்றைய ஆரோக்கியமற்ற வாழ்க்கை முறை காரணமாக ஏற்படும் பல நோய்களில் ஒன்று நீரிழிவு நோய். இரத்த சர்க்கரை அளவு கட்டுக்குள் இல்லை என்றால், பல உடல்நல பிரச்சனைகளை சந்திக்க வேண்டியிருக்கும்.. இந்நிலையில், இந்திய விஞ்ஞானிகளின் இந்த கண்டுபிடிப்பு முக்கியத்துவம் பெறுகிறது.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | Brain Stroke: மூளை பக்கவாதம்... அறிகுறிகளும்... வராமல் தடுக்க செய்ய வேண்டியவையும்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
