Arthritis Pain Remedy: மூட்டுவலி இந்நாட்களில் ஒரு பொதுவான பிரச்சனையாகி வருகிறது. இது மக்களை அன்றாடம் வலியிலும் அசௌகரியத்திலும் ஆழ்த்துகிறது. கீல்வாதத்திற்கு இதுவரை சிகிச்சை இல்லை என்றாலும், சில பழங்கள் கீல்வாத வலியைக் குறைக்க உதவும் என்று நிபுணர்கள் கூறியுள்ளனர். நீரிழிவு மற்றும் மூட்டுவலி போன்ற நிலைமைகளை நிர்வகிக்க உதவும் சில சூப்பர் ஹீரோ பழங்கள் உள்ளன. மூட்டு வலியைத் தடுக்கவும், அதற்கு நிவாரணம் அளிக்கவும் உதவும் பழங்களை உட்கொள்வது இதனால் பாதிக்கப்பட்டுள்ளவர்களுக்கு நன்மை பயக்கும். கீல்வாதத்திற்கு நிவாரணம் அளிக்கும் 5 சிறந்த பழங்களைப் பற்றி இந்த பதிவில் காணலாம்.
மூட்டுவலி (Knee Pain) என்பது மூட்டு வீக்கம், விறைப்பு மற்றும் வலி ஆகியவற்றால் வகைப்படுத்தப்படும் நிலைமைகளின் ஒரு குழுவைக் குறிக்கும் ஒரு பரந்த சொல்லாகும். இது அனைத்து வயதினரையும் பாதிக்கும். வயது, மரபியல், காயம் அல்லது முடக்கு வாதம் போன்ற பல்வேறு காரணிகளால் இது ஏற்படலாம். மூட்டுவலியை நிர்வகிப்பதற்கான முதன்மை குறிக்கோள் வலியைக் குறைப்பது, வீக்கத்தைக் குறைப்பது மற்றும் மூட்டு இயக்கத்தை மேம்படுத்துவது. சில பழங்களில் கீல்வாத வலி மற்றும் வீக்கத்திற்கு உதவும் பண்புகள் இருப்பதாக கண்டறியப்பட்டுள்ளது.
மூட்டுவலியைக் குணப்படுத்த முடியாது என்றாலும், சில பழங்களில் உள்ள அழற்சி எதிர்ப்பு பண்புகள், அதன் அறிகுறிகளைப் போக்க உதவும் என்று நிபுணர்கள் கூறுகிறார்கள். கீல்வாதத்திற்கான சிறந்த பழங்களை பற்றி இங்கே காணலாம்.
கீல்வாதத்திற்கான 5 சிறந்த பழங்கள்:
1. ஆப்பிள் (Apple)
‘ஒரு நாளைக்கு ஒரு ஆப்பிள் டாக்டரை விலக்கி வைக்கும்’ என்ற பழமொழியை நாம் அனைவரும் கேள்விப்பட்டிருக்கிறோம். ஆப்பிள் சுவையானது மட்டுமல்ல, இதில் ஆரோக்கிய நன்மைகளும் நிரம்பியுள்ளன. ஆப்பிள்களில் குவெர்செடினின் வளமான ஆதாரம் உள்ளது. இதில் அதிக அளவில் அழற்சி எதிர்ப்பு பண்புகள் உள்ளன. குவெர்செடின் உடலில் வீக்கத்தைக் குறைக்க உதவுகிறது. இது கீல்வாத அறிகுறிகளைக் குறைக்க உதவும். உங்கள் உணவில் ஆப்பிளை சேர்த்துக்கொண்டால், அது, வீக்கத்தைக் குறைக்கவும், கீல்வாத அறிகுறிகளைக் குறைக்கவும் உதவலாம்.
2. செர்ரீ (Cherries)
செர்ரிகள், குறிப்பாக புளிப்பு செர்ரிகள், கீல்வாதத்தை நிர்வகிப்பதில் அவற்றின் சாத்தியமான நன்மைகளுக்கு புகழ் பெற்றவை. செர்ரிகளில் அந்தோசயினின்கள் உள்ளன. அவை அழற்சி எதிர்ப்பு பண்புகளைக் கொண்ட கலவைகள் ஆகும். அவை உடலில் வீக்கம் மற்றும் வலியைக் குறைக்க உதவும். செர்ரி அல்லது செர்ரி ஜூஸ் உட்கொள்வது அழற்சியின் குறிப்பான்கள் குறைவதற்கும் கீல்வாதம் உள்ள நபர்களிடையே வலியின் அளவைக் குறைப்பதற்கும் வழிவகுக்கும் என்று ஆய்வுகள் தெரிவிக்கின்றன.
மேலும் படிக்க | ருசியா சாப்பிட்டும் உடல் எடையை குறைக்கலாம்: இந்த டேஸ்டி 'டயட் ஸ்னாக்ஸ்' சாப்பிடுங்க
3. அன்னாசி (Pineapple)
அன்னாசிப்பழத்தில் ப்ரோமெலைன் என்ற நொதி உள்ளது. இதில் அழற்சி எதிர்ப்பு பண்புகள் உள்ளதாக ஆய்வுகளில் கண்டறியப்பட்டுள்ளன. ப்ரோமொலென் உடலில் உள்ள அழற்சிப் பொருட்களின் உற்பத்தியைக் குறைப்பதாகவும், சில அழற்சி உயிரணுக்களின் செயல்பாட்டைத் தடுப்பதாகவும் நிரூபிக்கப்பட்டுள்ளது. உங்கள் உணவில் அன்னாசிப்பழத்தை சேர்ப்பதன் மூலம், நீங்கள் வீக்கத்தைக் குறைக்கலாம், கீல்வாதத்தில் (Arthritis) நிவாரணம் பெறலாம். இது மூட்டு வலி மற்றும் வீக்கம் போன்ற மூட்டுவலி அறிகுறிகளில் இருந்து நிவாரணம் அளிக்கும்.
4. அவுரிநெல்லிகள் (Blueberries)
அவுரிநெல்லிகள் ஒரு ஊட்டச்சத்து மூலமாகும். இதில் ஆண்டி-ஆக்சிடெண்டுகள் மற்றும் பல்வேறு நன்மை பயக்கும் கலவைகள் உள்ளன. அவற்றில் அந்தோசயானின் போன்ற ஆண்டி-ஆக்சிடெண்டுகள் நிரம்பியுள்ளன. அவை அவற்றின் துடிப்பான நீல நிறத்தை அளிக்கின்றன. தீங்கு விளைவிக்கும் ஃப்ரீ ரேடிக்கல்களை அழித்து ஆண்டி-ஆக்சிடெண்ட் அழுத்தத்தைக் குறைத்து இந்த ஆண்டி-ஆக்சிடெண்டுகள் உடலில் ஏற்படும் அழற்சியை எதிர்த்துப் போராட உதவுகின்றன. கூடுதலாக, அவுரிநெல்லிகளில் உள்ள அந்தோசயினின்கள் அழற்சி எதிர்ப்பு பண்புகளைக் கொண்டுள்ளன. உங்கள் உணவில் அவுரிநெல்லிகளை சேர்த்துக்கொள்வது வீக்கத்தைக் குறைப்பதற்கும் மூட்டுவலி அறிகுறிகளைப் போக்குவதற்கும் உதவும்.
5. ஆரஞ்சு (Orange)
ஆரஞ்சு புத்துணர்ச்சி அளிப்பது மட்டுமல்லாமல், மூட்டுவலி மேலாண்மைக்கான சாத்தியமான நன்மைகளையும் வழங்குகின்றது. அவை வைட்டமின் சி -யின் சிறந்த மூலமாகும். இது ஒரு சக்திவாய்ந்த ஆண்டி-ஆக்சிடெண்ட் ஆகும். வீக்கத்தைக் குறைப்பதிலும், ஆண்டி-ஆக்சிடெண்ட் அழுத்தத்திலிருந்து பாதுகாப்பதிலும் வைட்டமின் சி முக்கியப் பங்கு வகிக்கிறது. ஆரஞ்சு அல்லது ஆரஞ்சு பழச்சாறு உட்கொள்வதன் மூலம், வைட்டமின் சி உட்கொள்வதை அதிகரிக்கலாம் மற்றும் உங்கள் உடலின் ஆண்டி-ஆக்சிடெண்ட் பாதுகாப்பை மேம்படுத்தலாம். இது மூட்டுவலி அறிகுறிகளைத் தணிக்கவும், மூட்டு ஆரோக்கியத்தை மேம்படுத்தவும் உதவும்.
இந்த பழங்கள் மூட்டுவலிக்கு சாத்தியமான பலன்களைக் கொண்டிருந்தாலும், அவை சுகாதார நிபுணர்களால் பரிந்துரைக்கப்படும் மற்ற சிகிச்சைகளுக்கு மாற்று அல்ல என்பதை கவனத்தில் கொள்ள வேண்டும். கூடுதலாக, சில பழங்கள் சில மருந்துகளுடன் சேரும்போது எதிர்மறையான விளைவுகள் ஏற்படக்கூடும் என்பதால் உங்கள் உணவில் குறிப்பிடத்தக்க மாற்றங்களைச் செய்வதற்கு முன், உங்கள் சுகாதார வழங்குநரிடம் பேசுவது முக்கியம்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | இந்த இறைச்சி உணவுகள் யூரிக் அமிலத்தை அதிகரிக்கும்! தவிர்க்க வேண்டிய மாமிசங்கள் எவை?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
