எடை இழப்புக்கு இலவங்கப்பட்டை, சீரகம் மற்றும் கொத்தமல்லி தண்ணீர்: உடல் பருமன் என்பது இந்நாட்களில் மிகவும் பொதுவான பிரச்சனையாகிவிட்டது. தவறான உணவுப் பழக்கம், உடற்பயிற்சியின்மை, மன அழுத்தம் போன்ற காரணங்களால் பெரும்பாலானோர் உடல் பருமனை எதிர்கொள்கின்றனர். உடல் பருமன் அல்லது அதிகரித்த எடை ஒரு நபரின் முழு ஆளுமையையும் கெடுத்துவிடுகிறது. இதனால், பலரது தன்னம்பிக்கையும் நிலைகுலைந்து விடுகிறது.
இது மட்டுமின்றி உடல் பருமன் பல உடல்நலப் பிரச்சினைகளையும் ஏற்படுத்துகிறது. நீரிழிவு மற்றும் உயர் இரத்த அழுத்தத்திற்கு உடல் பருமன் முக்கிய காரணமாக அமையக்கூடும். இத்தகைய சூழ்நிலையில், அதிக எடை கொண்டவர்கள், தங்கள் உடல் எடையை குறைக்க அனைத்து முயற்சிகளையும் மேற்கொண்டு வருகின்றனர். பல வித உடற்பயிற்சிகள், உனவு கட்டுப்பாடுகள் என பல விதங்களில் மக்கள் எடையை குறைகக் தொடர்ந்து முயற்சி செய்கிறார்கள். எனினும் மிக எளிதான, இயற்கையான வீட்டு வைத்தியங்கள் மூலமும் உடல் எடையை குறைக்கலாம். அத்தகைய ஒரு வழியை பற்றி இந்த பதிவில் காணலாம்.
இலவங்கப்பட்டை, சீரகம் மற்றும் கொத்தமல்லி தண்ணீர்:
நீங்களும் உடல் பருமனால் சிரமப்பட்டு, உடல் எடையை குறைக்க விரும்பினால், இலவங்கப்பட்டை, சீரகம் மற்றும் கொத்தமல்லி தண்ணீரை உட்கொள்ளலாம். இலவங்கப்பட்டை, சீரகம் மற்றும் கொத்தமல்லி தண்ணீரை தொடர்ந்து குடிப்பது பல உடல்நலப் பிரச்சினைகளை குணப்படுத்துகிறது. இந்த தண்ணீரை குடிப்பதால் கலோரிகள் மற்றும் கொழுப்புகள் எரிக்கப்படுகின்றன. இது படிப்படியாக எடை குறைவதற்கு வழிவகுக்கிறது. எடை குறைக்கும் முயற்சியில் இலவங்கப்பட்டை, சீரகம் மற்றும் கொத்தமல்லி தண்ணீர் எவ்வாறு பயன்படுகின்றன என இந்த பதிவில் காணலாம்.
எடை இழப்புக்கு இலவங்கப்பட்டை, சீரகம் மற்றும் கொத்தமல்லி நீர் எவ்வாறு பயம்படுகின்றன?
- இலவங்கப்பட்டையில் அழற்சி எதிர்ப்பு மற்றும் ஆண்டி ஆக்சிடெண்ட் பண்புகள் உள்ளன. இது எடை இழப்புக்கு உதவுகிறது. இலவங்கப்பட்டை இன்சுலின் உற்பத்தியை மேம்படுத்துவதால் இரத்த சர்க்கரை அளவைக் குறைக்க உதவுகிறது. அதாவது, சர்க்கரை நோயாளிகளின் எடையைக் குறைப்பதிலும் இலவங்கப்பட்டை நன்மை பயக்கும்.
- சீரகத்தில் பல வித சத்துக்கள் நிறைந்துள்ளன. இலவங்கப்பட்டையைப் போலவே, சீரகமும் எடையைக் குறைக்க உதவுகிறது. உண்மையில், சீரகம் செரிமானத்தை மேம்படுத்துகிறது, இதன் காரணமாக உணவு நன்றாக செரிக்கப்படுகிறது. இதன் காரணமாக உடல் எடை கட்டுப்பாட்டில் இருக்கும். கூடுதலாக, சீரகம் வளர்சிதை மாற்றத்தையும் அதிகரிக்கிறது. இது கார்போஹைட்ரேட்டுகளை ஆற்றலாக மாற்றி உடல் எடையை குறைக்க உதவுகிறது. அஜீரணம் தொடர்பான பிரச்சனைகளை சமாளிக்கவும் சீரகம் உதவுகிறது. இது தவிர, சீரகத் தண்ணீரைக் குடிப்பதால், பசியும் கட்டுப்படுத்தப்படுகிறது. இது எடையைக் குறைக்க உதவுகிறது.
- நாம் கொத்தமல்லி பற்றி பேசினால், அதன் நீர் எடை குறைப்பதில் நன்மை பயக்கும். கொத்தமல்லி தண்ணீர் குடிப்பது செரிமானத்தை மேம்படுத்துகிறது, இது எடை குறைக்க உதவுகிறது. கொத்தமல்லி நீர் வயிற்று வாயு மற்றும் அஜீரணத்தை குணப்படுத்தவும் உதவுகிறது.
உடல் எடையை குறைக்க, நீங்கள் இலவங்கப்பட்டை, சீரகம் அல்லது கொத்தமல்லியின் ஆகியவற்றின் நீரை தனித்தனியாக குடிக்கலாம். அல்லது, நீங்கள் விரும்பினால், இலவங்கப்பட்டை, சீரகம் மற்றும் கொத்தமல்லி விதை ஆகியவற்றை ஒன்றாக கலந்து அதன் நீரையும் குடிக்கலாம். இதில் இலவங்கப்பட்டை, சீரகம், கொத்தமல்லி ஆகிய மூன்றின் பண்புகளும் சேர்ந்து கிடைக்கும். மேலும், உடல் எடையை குறைக்கவும் இது பெரிதும் உதவும்.
மேலும் படிக்க | கல்லீரலை சீர் செய்ய விளாம்பழம்! யூரிக் ஆசிட் பிரச்சனைக்கு ஃபுல்ஸ்டாப் வைக்கும் ஜூஸ்
இலவங்கப்பட்டை, சீரகம் மற்றும் கொத்தமல்லி தண்ணீர்: செய்வது எப்படி?
- இந்த நீரை செய்ய, ஒரு கிளாஸ் தண்ணீரில் ஒரு துண்டு இலவங்கப்பட்டை, சீரகம் மற்றும் கொத்தமல்லி விதைகளை போடவும்.
- இவை அனைத்தையும் இரவு முழுதும் தண்ணீரில் ஊற விடவும்.
- இந்த நீரை காலையில் கொதிக்க வைத்து வடிகட்டி குடிக்கவும்.
- இந்த தண்ணீரை தினமும் காலையில் வெறும் வயிற்றில் குடிக்கலாம்.
- இந்த தண்ணீரை வெறும் வயிற்றில் குடிப்பதால் உடல் எடை குறையும்.
நீங்களும் உடல் எடையை குறைக்க விரும்பினால், இலவங்கப்பட்டை, சீரகம் மற்றும் கொத்தமல்லி தண்ணீரை தினமும் காலையில் வெறும் வயிற்றில் குடிக்கலாம். இந்த தண்ணீரை தினமும் குடிப்பதால் கலோரிகள் மற்றும் கொழுப்பு எரிகிறது. ஆனால் இந்த தண்ணீரைக் குடிப்பதன் மூலம் மட்டும் நீங்கள் சரியான எடையைப் பெற முடியாது. இதற்கு, நீங்கள் உங்கள் உணவு மற்றும் உடற்பயிற்சியிலும் முழு கவனம் செலுத்த வேண்டும் என்பதையும் நினைவில் கொள்ள வேண்டும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | ஒல்லியாக டிரை பண்றீங்களா? கண்டிப்பா இதை மட்டும் செய்யாதீங்க! குண்டாயிடுவீங்க
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
