நாட்டின் தேசிய விமான சேவையான ஏர் இந்தியா தனியார் மயமாக்கப்படாவிட்டால் மூடப்படும் என்று மத்திய சிவில் விமான போக்குவரத்து அமைச்சர் ஹர்தீப் சிங் பூரி தெரிவித்துள்ளார்!
இதுகுறித்து சிவில் விமானப் போக்குவரத்து அமைச்சர் மாநிலங்களவையில் பேசியபோது தெரிவிக்கையில்., "ஏர் இந்தியாவை நாங்கள் தனியார் மயமாக்கவில்லை என்றால், அதை இயக்க எங்கிருந்து பணம் கிடைக்கும்? இப்போது, ஏர் இந்தியா ஒரு முதல் தர சொத்து, நாங்கள் அதை விற்றால் ஏலதாரர்களைப் பெறுவோம்." என தெரிவித்துள்ளார்.
எவ்வாறாயினும், அனைத்து ஏர் இந்தியா ஊழியர்களுக்கும் சாதகமான ஒப்பந்தம் உறுதி செய்யப்படும் என்றும் அவர் தனது உரையில் குறிப்பிட்டுள்ளார்.
தனியார்மயமாக்கலை அடுத்து விமானிகள் விமானத்தை விட்டு வெளியேறிவிட்டார்களா என்று மாநிலங்களவையில் ஒரு உறுப்பினர் கேள்வி எழுப்பியபோது, அமைச்சர் எதிர்மறையாக பதிலளித்தார்.
தேசிய கேரியரில் தனது முழு பங்குகளையும் விற்க ஏல ஆவணத்தை அரசாங்கம் தயார் செய்து வருகிறது, மேலும் மார்ச் 31-ஆம் தேதி முதலீட்டு பணியை முடிப்பதற்கான காலக்கெடுவாக நிர்ணயித்துள்ளது. முந்தைய முயற்சியில், நரேந்திர மோடி அரசாங்கம் 2018 மே மாதம் தனது 76 சதவீத பங்குகளை விற்க ஒப்பந்ததாரர்களை அழைத்திருந்தது, ஆனால் எந்த ஒரு தனியார் கட்சியும் முதல் கட்ட ஏலத்தில் ஆர்வம் காட்டவில்லை.
சிவில் விமான போக்குவரத்து அமைச்சகத்தின் உயர் அதிகாரிகளும், ஏர் இந்தியா தலைவர் அஸ்வானி லோகானியும் தற்போது ஏல நடைமுறைக்கு வருவதற்கு முன் சாத்தியமான முதலீட்டாளர்களை சந்தித்து வருகின்றனர். ஏர் இந்தியாவுக்கான தனியார் மயமாக்கல் செயல்முறை முழுவீச்சில் நடைபெற்று வருவதாகவும், இது வரும் மாதங்களில் நிறைவடையும் என்று எதிர்பார்க்கப்படுவதாகவும் பூர்த்தி முன்பு குறிப்பிட்டிருந்தார்.
மேலும் தேசிய விமான சேவையின் விற்பனையானது, வேகமாக வளர்ந்து வரும் இந்திய விமானத் துறையின் நலனுக்கானது என்றும் மத்திய அமைச்சர் குறிபிட்டுள்ளார்.
வரவிருக்கும் தசாப்தத்தில் இந்தியாவில் பொருளாதார வளர்ச்சிக்கு சிவில் விமானப் போக்குவரத்து துறை ஒரு முக்கியமான உந்துதலாக இருக்கும் என்று தான் உறுதியாக நம்புவதாகவும், வெளிநாட்டு முதலீட்டாளர்கள் ஏற்றம் பெறுவதாகவும் அமைச்சர் குறிப்பிட்டுள்ளார். இதுகுறித்து அவர் குறிப்பிடுகையில்., "சிவில் விமான போக்குவரத்து என்பது இந்தியாவுக்கு ஒரு முக்கியமான வளர்ச்சிப் பகுதியாகும். வரும் ஆண்டுகளில் நிறைய வெளிநாட்டு வீரர்கள் ஆர்வம் காட்டுவார்கள் என்று நான் எதிர்பார்க்கிறேன், '' என்று குறிப்பிட்டுள்ளார்.
