"கிரிப்டோ" அல்லது "டோக்கன்" என்றும் அழைக்கப்படும் கிரிப்டோகரன்சியில் உலகெங்கிலும் உள்ள ஏராளமானோர் பெரும் தொகையை முதலீடு செய்கின்றனர். கடந்த சில ஆண்டுகளாக இந்தியாவில் கிரிப்டோகரன்சிகளில் முதலீடு செய்பவர்களின் எண்ணிக்கை கணிசமாக அதிகரித்துள்ளது. 2022-23 மத்திய பட்ஜெட்டை முன்வைத்து, நிதியமைச்சர் நிர்மலா சீதாராமன், கிரிப்டோகரன்சிகள் மீது 30% வரி விதிக்கப்படும் என அறிவித்தார்.
பட்ஜெட் உரையில் நிர்மலா சீதாராமன் கிரிப்டோகரன்சி முதலீட்டுக்கு இந்தியாவில் அனுமதி இல்லை என்பதையோ, அனுமதி உண்டு என்பதையோ தெளிவாக குறிப்பிடவில்லை என்றாலும், 30% வரி உண்டு என்பதைத் உறுதியாக சொல்லியிருக்கிறார். ஆனால், வரி விதித்திருப்பதால், இந்தியாவில் இந்த முதலீட்டுக்கு அனுமதி வழங்கப்பட்டிருக்கிறது என்பதாக முதலீட்டாளர்கள் எடுத்துக்கொள்ள முடியாது.
இதன் மூலம் கிரிப்டோவில் முதலீடு செய்பவர்கள் தங்கள் முதலீட்டில் கிடைக்கும் வருமானம் குறித்து அரசுக்கு தகவல் அளிக்க வேண்டும் என்றூம், மீறினால் அவர்கள் சிக்கலை சந்திக்க நேரிடலாம் என புரிந்து கொள்ளலாம்.
மேலும் படிக்க | கிரிப்டோகரன்சி Ponzi திட்டங்களை விட மோசடியானது: RBI துணை கவர்னர்
கிரிப்டோ மற்றும் என்எப்டி போன்ற மெய்நிகர் டிஜிட்டல் சொத்துகளை மாற்றுவதன் மூலம் கிடைக்கும் வருமானத்திற்கு 30 சதவீதம் வரி விதிக்கப்படும். கிரிப்டோ லாபத்தின் மீதான வருமான வரியைப் புகாரளிக்கும் போது கையகப்படுத்துதலுக்கான செலவைத் தவிர, விலக்கு எதுவும் அனுமதிக்கப்படாது. கிரிப்டோ அல்லது எந்த டிஜிட்டல் சொத்திலிருந்தும் ஏற்படும் இழப்புகளை வேறு எந்த வருமானத்துடன் இணைத்து சலுகை கோர இயலாது. டிஜிட்டல் சொத்தின் மூலம் இலாபம் பெறுபவர் வரி செலுத்த வேண்டும்.
மேலும் படிக்க| RBI வெளியிடும் ₹75, ₹100, ₹125 நினைவு நாணயங்கள்; பெறுவது எப்படி..!!!
ஒரு நபர் கிரிப்டோவில் அடிக்கடி முதலீடு செய்து அதிக அளவு வர்த்தகம் செய்து குறிப்பிடத்தக்க லாபத்துடன் இருந்தால், கிரிப்டோகரன்சிகளின் லாபம் வணிக வருமானமாக வரி விதிக்கப்படும். கிரிப்டோவின் வரிவிதிப்பு ஒவ்வொரு முதலீட்டாளருக்கும் வித்தியாசமாக இருக்கும் என்பதை கவனத்தில் கொள்ள வேண்டும், மேலும் அவர்கள் ஐடிஆர் தாக்கல் செய்வதற்கு முன் நிபுணர் ஆலோசனையைப் பெற வேண்டும்.
ஒரு தனிநபர் கிரிப்டோகரன்சிகளில் நீண்ட கால ஆதாயங்களுக்காக முதலீடு செய்திருந்தால், கிரிப்டோ ஆதாயங்களிலிருந்து வரும் லாபங்களை, மூலதன ஆதாயங்கள் பிரிவின் கீழ் தாக்கல் செய்யலாம். பரிவர்த்தனையின் விற்பனை விலை செலவை விட அதிகமாக இருந்தால், அது மூலதன ஆதாயமாகக் கருதப்படும். மக்கள் இதற்கும் வரி செலுத்த வேண்டும்.
மேலும் படிக்க | அலிபாபா உட்பட 54 சீன செயலிகளை தடை செய்ய மத்திய அரசு முடிவு
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
