Delhi Mumbai Expressway: இந்தியாவின் மிக நீளமான விரைவுச்சாலை நாளை (பிப். 12) பிரதமர் மோடியால் தொடங்கிவைக்கப்பட உள்ளது. டெல்லி - மும்பை விரைவுச்சாலையில் சொஹ்னா-தௌசா பாதை பிப். 14ஆம் தேதி முதல் போக்குவரத்துக்கு திறக்கப்படும். இந்த 1,386 கி.மீ., விரைவுச்சாலை டெல்லி மற்றும் மும்பையை இணைக்கும். அதன் பயண நேரத்தை 24 மணிநேரத்தில் இருந்து சுமார் 12 மணிநேரமாக குறைக்கும்.
பிரதமர் மோடி ஞாயிற்றுக்கிழமை சோஹ்னா-தௌசா விரைவுச்சாலையை திறந்து வைத்தவுடன் டெல்லி மற்றும் ஜெய்ப்பூர் இடையிலான பயண நேரம் 2 மணிநேரமாக குறைக்கப்படும் என தெரிகிறது. இந்த விரைவுச்சாலையின் முழு பணியும் நிறைவடைந்ததும், இந்தியாவின் மிக நீளமான விரைவுச் சாலையாக இது மாறும். இது பயண நேரத்தைப் பொறுத்து பல நகரங்களை நெருக்கமாக்கும்.
டெல்லி - மும்பை விரைவுச்சாலை சிறப்பம்சங்கள்
- கோட்டா, இந்தூர், ஜெய்ப்பூர், போபால், வதோதரா, சூரத் ஆகிய முக்கிய நகரங்களுக்கு இணைப்பை வழங்க 40+ பெரிய பரிமாற்ற சாலைகள் இருக்கும். மேலும் ஆப்டிகல் ஃபைபர் கேபிள்கள், பைப்லைன்கள் மற்றும் சூரிய மின் உற்பத்தி உள்ளிட்ட பயன்பாட்டு பாதைகளை அமைப்பதற்காக 3 மீட்டர் அகலமான பிரத்யேக நடைபாதையும் இருக்கும்.
- அதிவேக நெடுஞ்சாலையானது 500 மீட்டர், இடைவெளியில் 2,000+ நீர் ரீசார்ஜ் புள்ளிகள் அமைத்து மழை நீர் சேகரிப்பை எளிதாக்குகிறது. மேலும் தானியங்கி போக்குவரத்து மேலாண்மை அமைப்பையும் கொண்டுள்ளது.
மேலும் படிக்க | Shocking! 3 மாத கருவை சாலையில் வீசிவிட்டு தப்பியோடிய இளம் ஜோடி!
- டெல்லி - மும்பை விரைவுச்சாலை 1,386 கி.மீ., நீளம் கொண்ட இந்தியாவின் மிக நீண்ட விரைவுச்சாலை ஆகும். இது இந்தியாவின் தேசிய தலைநகர் டெல்லிக்கும், நிதி தலைநகர் மும்பைக்கும் இடையிலான தொடர்பை மேம்படுத்துகிறது.
- 8 வழிச்சாலை அணுகல், கட்டுப்படுத்தப்பட்ட கிரீன்ஃபீல்ட் விரைவுச் சாலை, பயண நேரத்தை 24 மணி நேரத்தில் இருந்து 12 மணிநேரமாகக் குறைக்க சீரமைப்பு மேம்படுத்தலுடன் கட்டப்படுகிறது. எதிர்காலத்தில் இது 12 வழிச்சாலையாக விரிவுபடுத்தப்படும்.
- 50 ஹவுரா பாலங்களுக்கு இணையான டெல்லி-மும்பை விரைவுச் சாலையின் கட்டுமானத்திற்காக 12 லட்சம் டன் இரும்பு பயன்படுத்தப்பட உள்ளது.
- டெல்லி, ஹரியானா, ராஜஸ்தான், குஜராத், மகாராஷ்டிரா ஆகிய ஐந்து மாநிலங்களில் 15,000 ஹெக்டேர் நிலம் கையகப்படுத்தப்பட்டுள்ளது.
- அதிவேக நெடுஞ்சாலையில் பயணிகளின் அனுபவத்தை மேம்படுத்த 94 வழித்தட வசதிகள் இருக்கும்.
- இத்திட்டத்தின் மூலம் 10 கோடி மனித வேலைநாள் கொண்ட வேலைவாய்ப்பை உருவாக்கும்.
- டெல்லி-மும்பை விரைவுச்சாலையில் அதிநவீன தானியங்கி போக்குவரத்து மேலாண்மை அமைப்பு இருக்கும்.
- இந்தியாவிலும் ஆசியாவிலும் விலங்குகள் மேம்பாலங்கள், அண்டர்பாஸ்கள் ஆகியவற்றிற்கு இடமளிக்கும் முதல் அதிவேக நெடுஞ்சாலை இதுவாகும். ரணதம்பூர் வனவிலங்கு சரணாலயத்தில் ஏற்படும் பாதிப்பைக் குறைக்கும் வகையில் இது சீரமைக்கப்பட்டுள்ளது.
மேலும் படிக்க | வில்லனாக மாறிய புரோட்டா... 16 வயது மாணவி பலி - காரணம் என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
