சென்னை: தேசியக் கொடியை முகப்பு படமாக வைக்க கோரிக்கையை விடுத்த பிரதமருக்கு ஆதரவாக மட்டுமல்ல எதிர்ப்பாகவும் பல்வேறு தரப்பினரும் கருத்துகளை பதிவிட்டு வருகின்றனர். வீட்டுக்கு வீடு தேசியக் கொடியேற்றக் கூறும் பிரதமர் ஆர்எஸ்எஸின் அலுவலகத்தில் ஏற்றுவாரா? என்று பலரும் கேள்வி எழுப்பி வரும் நிலையில், இதுவரை தேசியக் கொடியை ஏற்காத ஒரே இயக்கம் ஆர்எஸ்எஸ் தான் என்றும், தேசியக் கொடியிலுள்ள தம்மச் சக்கரமான அசோக சக்கரம் கூடாது என்பதும் காவியைத் தேசியக் கொடியாக்க வேண்டும் என்பதுமே அந்த இயக்கத்தின் நோக்கம் என்றும் விடுதலை சிறுத்தைகள் கட்சியின் தலைவர் தொல் திருமாவளவன் தனது டிவிட்டர் பதிவு ஒன்றில் பதிவிட்டுள்ளார்.
வீட்டுக்கு வீடு தேசியக் கொடியேற்றக் கூறும் @PMOIndia ஆர்எஸ்எஸின் அலுவலகத்தில் ஏற்றுவாரா?
இதுவரை தேசியக் கொடியை ஏற்காத ஒரே இயக்கம் ஆர்எஸ்எஸ் தான்.
தேசியக் கொடியிலுள்ள தம்மச் சக்கரமான அசோக சக்கரம் கூடாது என்பதும் காவியைத் தேசியக் கொடியாக்க வேண்டும் என்பதுமே
அவர்தம் நோக்கம்.#VCK pic.twitter.com/xaamF5CGFr— Thol. Thirumavalavan (@thirumaofficial) August 6, 2022
இந்த பதிவுக்கு பலரும் லைக் செய்துள்ளனர். ஆனால், இதுபோன்ற விஷயங்களை அரசியலாக்கக் கூடாது என்று ஆர்எஸ்எஸ் நிர்வாகி பிடிஐயிடம் தெரிவித்துள்ளார். “ஆர்எஸ்எஸ் ஏற்கனவே ‘ஹர் கர் திரங்கா’ மற்றும் ‘ஆசாதி கா அம்ரித் மஹோத்சவ்’ போன்ற நிகழ்ச்சிகளுக்கு தனது ஆதரவை வழங்கியுள்ளது என்று அவர் தெரிவித்தார்.
மேலும் படிக்க | ப்ரொஃபைல் பிக்சராக தேசிய கொடியை வையுங்கள் - பிரதமரின் வேண்டுகோள்
அரசு, மற்றும் தனியார் அமைப்புகளால் நடத்தப்படும் சுதந்திர தின நிகழ்ச்சிகளில் மக்களும், ஸ்வயம்சேவகர்களின் முழு ஆதரவையும் பங்கேற்பையும் வழங்க வேண்டும் என்று நாங்கள் ஜூலை மாதமே கேட்டுக் கொண்டோம் என்று ஆர்எஸ்எஸ் அகில பாரதிய பிரச்சார் பிரமுக் சுனில் அம்பேகர் தெரிவித்தார்.
தேசியக் கொடியை தங்கள் சமூக ஊடக பக்கத்தில் வைக்காதது தொடர்பாக எழுப்பப்படும் கேள்விகளுக்கு அவர் நேரடியாக பதிலளித்தார், “இது ஒரு செயல்முறை. அதை எங்களுடைய வழியில் கையாள்வோம். சங்கம் ஏற்கனவே தனது நிலைப்பாட்டை தெளிவுபடுத்தியுள்ளது மற்றும் அமிர்த மஹோத்சவ் தொடர்பாக மையத்தால் தொடங்கப்பட்ட அனைத்து திட்டங்களுக்கும் ஆதரவளித்துள்ளது.
இதை அரசியல் பிரச்சினையாக்குவது தவறானது. இது போன்ற கூர்மையான கேள்விகள் இருக்கக்கூடாது. இப்படியான கேள்விகளை எழுப்பும் கட்சியே நாடு பிளவுபட்டதற்கு காரணம் என்று அவர் குற்றம் சாட்டினார்.
மேலும் படிக்க | இந்திய விடுதலைக்கு 40 ஆண்டுகளுக்கு முன்னரே மூவர்ணக் கொடியை ஏற்றிய பிகாஜி ருஸ்டோ காமா
இதற்குப் பதிலளித்த காங்கிரஸ், ஒரு நாள் கழித்து, இந்தியாவின் முதல் பிரதமர் ஜவஹர்லால் நேருவின் புகைப்படத்தை மூவர்ணக் கொடியுடன் தங்கள் காட்சிப் படமாக ட்விட்டர் மற்றும் பிற தளங்களில் வெளியிட்டது.
ஆசாதி கா அம்ரித் மஹோத்சவின் ஒரு பகுதியாக தொடங்கப்பட்ட “ஹர் கர் திரங்கா” பிரச்சாரம், மூவர்ணக் கொடியை ஏறக்குறைய எந்த கட்டுப்பாடுகளும் இல்லாமல் காட்சிப்படுத்த மக்களை ஊக்குவிக்க முயல்கிறது. ஆகஸ்ட் 13 முதல் 15 வரை தங்கள் வீடுகளில் மூவர்ணக் கொடியை ஏற்றுவதற்கு குடிமக்களை ஊக்குவிப்பதே இந்த பிரச்சாரத்தின் நோக்கமாகும்.
மேலும் படிக்க | பாற்கடலை கடையும் மந்தர மலையையும் மோகினி அவதார விஷ்ணுவையும் பார்க்க வாய்ப்பு
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
