வயது என்பது ஒரு தடையல்ல; 83 வயதில் முதுகலைப் பட்டம் பெற்ற தாத்தா..!

பஞ்சாபைச் சேர்ந்த 83 வயதான முதியவர் தற்போது தனது படிப்பை முடித்து முதுகலைப் பட்டம் பெற்றுள்ளார்!!

Updated: Sep 23, 2019, 01:37 PM IST
வயது என்பது ஒரு தடையல்ல; 83 வயதில் முதுகலைப் பட்டம் பெற்ற தாத்தா..!

பஞ்சாபைச் சேர்ந்த 83 வயதான முதியவர் தற்போது தனது படிப்பை முடித்து முதுகலைப் பட்டம் பெற்றுள்ளார்!!

வயது என்பது ஒருபோதும் ஒரு தடையல்ல; வயது என்பது வெறும் எண் மட்டுமே. உங்களின் கற்றல் திறனுக்கு ஒருபோது வயதாகுவதில்லை என்பதை 83 வயதான சோஹன் சிங் கில், செப்டம்பர் 18, 2019 அன்று தனது முதுகலைப் பட்டம் பெற்று அதை நிரூபித்துள்ளார். 

பஞ்சாபின் ஜலந்தரில் உள்ள லவ்லி நிபுணத்துவ பல்கலைக்கழகத்தில் நடைபெற்ற நிகழ்ச்சி ஒன்றில் கில் புதன்கிழமை தனது முதுகலை பட்டத்தையும் ஒரு பெரிய ஆரவாரமான கைதட்டலையும் பெற்றார். பஞ்சாபின் ஹோஷியார்பூரில் உள்ள தத்தா கிராமத்தில் வசிக்கும் கில், மகிபல்பூரில் உள்ள கல்சா கல்லூரியில் பட்டப்படிப்பை முடித்த பின்னர் 1957 ஆம் ஆண்டில் படிப்பை பாதியில் விட்டுவிட்டார்.

அதன்பிறகு, அவர் ஒரு கற்பித்தல் (Teaching) படிப்பை மேற்கொண்டார். இரண்டு ஆண்டுகளுக்கு முன்பு, தனது 81 வயதில், கில் நீண்ட தூர கல்விப் படிப்பில் சேர முடிவு செய்தார். இதன் விளைவாக ஆங்கிலத்தில் முதுகலைப் படிப்பை முடித்தார். 

இதுகுறித்து அவர் கூறுகையில்; "எனது விருப்பம் மற்றும் கடவுளின் கிருபையால், நான் எப்போதுமே விரும்பியதை இறுதியாக அடைந்துவிட்டேன். சிறுவயதிலிருந்தே ஆங்கிலம் எனக்கு மிகவும் பிடித்த மொழியாக இருந்து வருகிறது. கென்யாவில் நான் தங்கியிருந்த காலத்தில், அதை மாஸ்டர் செய்ய எனக்கு ஒரு வாய்ப்பு கிடைத்தது."

"நான் அதை அடைவேன் என்று எனக்குத் தெரியும், எனவே எந்த சந்தேகமும் இல்லை. நான் தற்போது IELTS மாணவர்களுக்கும் பயிற்சி அளித்து வருகிறேன். அனைவரும் நல்ல மதிப்பெண்களைப் பெற்றிருக்கிறார்கள்." கில் கூறினார்.

சோஹன் சிங் கில் ஆகஸ்ட் 15, 1937 இல் பிறந்தார், அவர் கிராமப்புற பள்ளிகளில் பயின்றார். ஆங்கில மொழியைத் தவிர, விளையாட்டுகளில், குறிப்பாக ஹாக்கி மீது அவருக்கு ஆர்வம் இருந்தது. இவருக்கு பலரும் தன்களின் பாராட்டுக்களை தெரிவித்து வருகின்றனர்.