அறிவாளி என்று அழைக்கப்படுவது யாருக்குத்தான் பிடிக்காது? மிகவும் புத்திசாலியாக இருப்பதன் மூலம் வரும் புகழ், பெயர் என பல விஷயங்கள் கிடைக்கும். உங்கள் மனதின் முழுத் திறனையும் திறக்கும்போது உங்கள் புத்தியும் கூர்மையாகும். இதற்கு சில நடவடிக்கைகளை நாம் மேற்கொள்ள வேண்டி இருக்கிறது. அதில் தேர்ச்சி பெற்றால், உலகமே உங்கள் விளையாட்டு மைதானம் போல் இருக்கும். உங்கள் மனதை அதன் முழுத் திறனுக்கும் பயன்படுத்த உங்களுக்கு உதவ, உங்கள் திறன்களை விரிவுபடுத்தவும், படைப்பாற்றலை அதிகரிக்கவும், ஒட்டுமொத்த மன வலிமையை அதிகரிக்கவும் உதவும் சில மூளைக்கான பயிற்சிகள் உதவும்.
1.புதிர் விளையாட்டுகள்:
புதிர் விளையாட்டுகளை கையாள்வதன் மூலம் நம் மூளை சுறுசுறுப்பாக செயல்படும். 1 வயது குழந்தைக்கு 6 பசில் பீஸ்களை சேர்ப்பது புதிராக இருக்கலாம். வயது வந்தவர்களுக்கு 100 பசில் பீஸ்களை சேர்ப்பது பெரும் புதிராக இருக்கலாம். சுடோக்கூ, வார்த்தை விளையாட்டுகள், விடுகதைகள் போன்றவற்றை விளையாடுவதால் உங்களது யோசிக்கும் திறன் அதிகரிக்கும். இது, பிரச்சனைகளை தீர்க்கும் திறனையும்வளர்க்கும். நினைவாற்றலையும் அதிகரிக்கும்.
2.கற்றுக்கொண்டே இருக்க வேண்டும்:
நீங்கள் புதிதாக ஒன்றைக் கற்றுக் கொள்ளும்போது உங்கள் நினைவாற்றல் விரிவடையும். அது ஒரு இசைக்கருவியை வாசிக்க கற்றுக்கொள்வதாக இருந்தாலும் சரி, ஒரு புதிய மொழியைக் கற்றுக்கொண்டாலும் அல்லது எம்பிராய்டரி போன்ற கைவினைப்பொருளில் தேர்ச்சி பெற்றாலும் - அது உங்கள் மூளையைத் கற்றுக்கொள்ள தூண்டுகிறது, ஏனெனில் இது நீங்கள் நினைவில் கொள்ள வேண்டிய புதிய தகவல் என்பதை உங்கள் மூளை நினைவில் வைத்துக்கொள்ளும். ஆய்வுகளின்படி, புதிய செயல்பாட்டைக் கற்றுக்கொள்வது மூளைக்கு புதிய நரம்பியல் பாதைகளை உருவாக்க உதவுகிறது மற்றும் புதிய திறன்களைக் கற்றுக்கொள்ள உதவும் வகையில் ஏற்கனவே மனதில் பதிந்தவற்றை மேம்படுத்தவும் உதவுகிறது.
மேலும் படிக்க | தொங்கும் தொப்பையால் வெறுப்பா இருக்கா? அப்போ இந்த மேஜிக் விதை சாப்பிடுங்க
3.படிப்பதை நிறுத்தாதீர்கள்:
வாசிப்பு அறிவை வழங்குவதோடு மட்டுமல்லாமல், புதிய யோசனைகளுக்கும் கண்ணோட்டங்களுக்கும் மனம் திறக்க உதவுகிறது. அறிவார்ந்த சவாலான புத்தகங்களை தொடர்ந்து படிப்பது உங்கள் மனதை புதிய யோசனைகளுக்கு வெளிப்படுத்துகிறது. இது உங்கள் சொற் களஞ்சியத்தை பலப்படுத்துகிறது, புரிந்துகொள்ளும் திறனை மேம்படுத்துகிறது. மேலும், உங்கள் பகுப்பாய்வு திறன்களையும் ஊக்குவிக்கிறது.
4.பேசி பழகுங்கள்:
அர்த்தமுள்ள உரையாடல்களிலும் பிறருடன் பேசுவதால் உங்கள் மூளை பல விஷயங்களை கற்றுக்கொள்ள ஆயத்தமாகிறது. விவாதங்கள், வினாடி வினாக்கள் அல்லது அறிவுசார் சொற்பொழிவுகள் வடிவில் இந்த பேச்சாற்றல்கள் இருக்கலாம். இந்தச் செயல்பாடுகள் உங்கள் தகவல் தொடர்புத் திறனை மேம்படுத்தவும், பல்வேறு துறைகளில் நடக்கும் புதிய விஷயங்களைப் பற்றி உங்களுக்குத் தெரியப்படுத்தவும், புதிய இணைப்புகளை உருவாக்கவும் உதவுகின்றன.
மேலும் படிக்க | முடி உதிர்வை தடுத்து ஆரோக்கியமான கூந்தல் வளர்ச்சிக்கு உதவும் யோகாசனங்கள்
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
