பிக்பாஸ் சீசன் 7:
தமிழ் ரசிகர்கள் அதிகம் பார்க்கும் ரியாலிட்டி நிகழ்ச்சிகளுள் ஒன்று பிக்பாஸ். இந்த நிகழ்ச்சி தமிழில் கடந்த 2017ஆம் ஆண்டு முதல் ஒளிபரப்பாகி வருகிறது. இதன் 7வது சீசன் கடந்த அக்டோபர் மாதம் 1ஆம் தேதி தொடங்கியது. ஆங்கிலத்தில் பிக்பிரதர் என்ற பெயரில் நடத்தப்பட்ட இந்த நிகழ்ச்சி இந்தியில் பிக்பாஸ் என்ற பெயரில் தொடங்கப்பட்டது. அதைவைத்துதான் சில வருடங்களுக்கு முன்னர் தமிழ், மலையாளம், கன்னடம் மற்றும் தெலுங்கு என தென்னிந்திய மொழிகளிலும் இந்நிகழ்ச்சி தொடங்கப்பட்டது.
பிக்பாஸ் சீசன் 7 நிகழ்ச்சியில் மக்களுக்கு தெரிந்து சின்னத்திரை-பெரிய திரை நடிகர்கள் மட்டுமன்றி, பல டிஜிட்டல் முகங்களையும் போட்டியாளர்களாக களமிறக்கினர். அந்த வகையில், பாண்டியன் ஸ்டோர்ஸ் தொடர் நடிகர் சரவண விக்ரமும் இதில் முக்கிய போட்டியாளராக களமிறங்கினார்.
சரவண விக்ரம்..
சின்னத்திரை நடிகர் சரவண விக்ரமிற்கு, நடிக்க வேண்டும் என்று பல நாட்களாக ஆசை இருந்தது. இதனால், முன்னணி நடிகர்கள் பேசும் டைலாக்கை ரீ-கிரியேட் செய்து வீடியோவாக வெளியிட ஆரம்பித்தார். இது, அவருக்கு பாண்டியன் ஸ்டோர்ஸ் தொடரில் நடிக்க வாய்ப்பை ஏற்படுத்தி கொண்டுத்தது. இந்த தொடரில் அவர் பல அண்ணன்களுக்கு இளைய தம்பியாக ‘கண்ணன்’ எனும் கதாப்பாத்திரத்தில் நடித்திருந்தார்.
சரவண விக்ரம், பிக்பாஸ் போட்டியாளராக நுழைந்த போது அவர் மீது ரசிகர்களுக்கு பலத்த எதிர்பார்ப்புகள் இருந்தது. போட்டிக்குள் நுழைந்த முதல் வாரத்தில் அசட்டுத்தனமாக காமெடி செய்து கொண்டு இருந்த இவர், அடுத்த வாரத்தில் கேப்டனாக நியமிக்கப்பட்டார். அந்த வாரம், இவர் பிக்பாஸ் வீட்டையும் போட்டியாளர்களையும் சரியாக நிர்வாகிக்காததால் வார இறுதியில் கமலின் அதிருப்தியை சம்பாதித்தார். இதையடுத்து, அவருக்கு ஸ்கிரீன் டைமும் குறைவாகவே கொடுக்கப்பட்டது. பெரிதாக ரசிகர்கள் மத்தியில் தெரியாமல் இருந்தார். இதையடுத்து, “பிக்பாஸ் டைட்டில் வின்னர் சரவண விக்ரம்” என இவருக்கு இவரே மிமிக்கிரி செய்து கூறிக்கொண்ட வீடியோ இணையத்தில் வைரலானது.
எவிக்ட் செய்யப்பட்டார்…
பிக்பாஸ் 7 நிகழ்ச்சியின் இறுதிக்கட்டம் நெருங்கி வருகிறது. இதையடுத்து, வாரா வாரம் டபுள் எவிக்ஷன் நடைப்பெற்று வருகிறது. கடந்த வாரம் மிட் வீக் எவிக்ஷனில் அனன்யா ராவ் வெளியேறினார். இதையடுத்து வீட்டில் இருந்து தப்பிக்கப்பார்த்த கூல் சுரேஷ், வார இறுதியில் எவிக்ட் ஆனார். அந்த வகையில், இந்த வாரம் இத்தனை நாட்களாக மக்களின் ஆதரவை பெற்று வந்த சரவண விக்ரம் எவிக்ட் செய்யப்பட்டுள்ளார்.
மேலும் படிக்க | நகைச்சுவை நடிகர் போண்டா காலமானார்... அதிர்ச்சியில் திரையுலகினர்
வாங்கிய சம்பளம்..
பிக்பாஸ் போட்டியாளர்கள் அனைவருக்குமே ஒரு நாளைக்கு குறிப்பிட்ட தொகை சம்பளமாக கொடுக்கப்படுகிறது. அப்படி, சரவண விக்ரமிற்கும் ஒரு நாளைக்கு ரூ.18 ஆயிரம் ரூபாய் வரை கொடுக்கப்பட்டதாம். இவர், பிக்பாஸ் 7 வீட்டில் 80 நாளைக்கு மேல் இருந்துள்ளார். இதனால் இவருக்கு சுமார் 14 லட்சம் வரை சம்பளமாக கொடுக்கப்பட்டிருக்கலாம் என கூறப்படுகிறது.
பலமான போட்டியாளர்கள்..
பிக்பாஸ் நிகழ்ச்சியில் இதுவரை பலமான போட்டியாளர்களாக கருதப்படுகின்றனர். அர்ச்சனா, பூர்ணிமா, மாயா, விஜய் வர்மா, விசித்ரா ஆகியோரே அந்த பலமான போட்டியாளர்கள். இவர்களில் யாரேனும் 5 பேர்தான் இறுதி கட்டத்திற்கு செல்ல உள்ளதாக கூறப்படுகிறது.
மேலும் படிக்க | கோடியில் புரளும் நடிகை தமன்னா.. சொத்து மதிப்பு எவ்வளவு தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
