லோகேஷ் கனகராஜ் இயக்கத்தில் கமல் நடிப்பில் வெளியான படம் விக்ரம். விஜய் சேதுபதி, பஹத் பாசில் உள்ளிட்டோர் நடித்திருந்த இப்படம் உலகம் முழுக்க அமோக வரவேற்பைப் பெற்று 300 கோடிக்கும் மேல் வசூலித்துள்ளது.
சமீபத்தில் எந்த தமிழ் படமும் பெரிதாக வெற்றியடையாத சூழலில் விக்ரம் படத்தின் வெற்றி முக்கியத்துவம் வாய்ந்ததாக பார்க்ப்படுகிறது. படம் வெளியாகி 25 நாள்களை நெருங்கும் சூழலில் திரையரங்குகளில் இன்னமும் வெற்றிகரமாக ஓடிவருகிறது.
தனது முந்தைய படங்களின் கதாபாத்திரங்களை விக்ரம் படத்தில் இணைத்தும், கமல் ஏற்கனவே நடித்திருந்த விக்ரம் படத்தையும் இதில் கனெக்ட் செய்து திரைக்கதையில் புதுமையை புகுத்தியிருந்தார் லோகேஷ் கனகராஜ். மேலும் லோகி யுனிவெர்ஸ் என்ற பேச்சும் எழுந்திருக்கிறது.
இதற்கிடையே, லோகேஷ் கனகராஜைப் பொறுத்தவரை தனது படங்களில், 80,90களில் வெளியான ரெட்ரோ பாடல்களை இடம்பெற செய்வதை வாடிக்கையாக வைத்திருக்கிறார். கைதி படத்தில் ஆசை அதிகம் வெச்சு பாடலை இடம்பெற செய்து அதற்கு தகுந்தவாறு காட்சிகள் அமைத்து ரசிகர்களிடம் அப்ளாஸ் வாங்கினார்.
அதேபோல் விக்ரம் படத்திலும், சக்கு சக்கு வத்திக்குச்சி பாடலை இடம்பெற செய்தார். இதற்கும் ரசிகர்கள் தங்களது அப்ளாஸை அளித்தனர். இன்னும் சொல்லப்போனால் ஆசை அதிகம் வெச்சு பாடலுக்கு கிடைத்த வரவேற்பை விட இந்தப் பாடலுக்கு பெரும் வரவேற்பு கிடைத்தது.
சக்கு சக்கு வத்திக்குச்சி பாடல் 1995ஆம் ஆண்டு வெளியான அசுரன் என்ற படத்தில் இடம்பெற்றது ஆகும். ஆதித்யன் இசையமைத்த இந்தப் பாடலுக்கு நெப்போலியன், மன்சூர் அலிகான், ரோஜா உள்ளிட்டோர் நடனமாடியிருப்பர். விக்ரம் படத்தில் கேட்டதும் இந்தப் பாடலை ரசிகர்கள் யூட்யூபில் தேடி தேடி ரசித்தனர்.
இந்நிலையில் இந்தப் பாடலுக்கு மன்சூர் அலிகான் மீண்டும் நடனமாடிய வீடியோ வெளியாகியுள்ளது. இந்த வீடியோவைப் பார்த்த சமூக வலைதளவாசிகள் மன்சூரின் நடனம் இன்னமும் அப்படியே இருப்பதாக கூறி வைரலாக்கிவருகின்றனர்.
மேலும் படிக்க | ’இங்க நீங்க போய்டு வாங்க’ சுற்றுலா செல்ல ஜோதிகா - சூர்யா சொல்லும் வெளிநாடு
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
