இயக்குநர் லோகேஷ் கனகராஜ் இயக்கியிருக்கும் விக்ரம் திரைப்படம் ஜூன் 3 ஆம் தேதியான நாளை உலகம் முழுவதும் வெளியாகிறது. உலக நாயகன் கமல்ஹாசன் தயாரித்து நடித்திருக்கும் இந்தப் படம் பெரும் எதிர்பார்ப்பை ஏற்படுத்தியுள்ளது. விஜய் சேதுபதி, ஃபகத்பாசில், நரேன் உள்ளிட்டோர் முக்கிய கதாப்பாத்திரங்களில் நடித்துள்ளனர். சிறப்புத் தோற்றத்தில் நடிகர் சூர்யா நடித்திருக்கிறார்.
மேலும் படிக்க | புர்ஜ் கலிஃபாவில் ஒளிபரப்பாகிறது விக்ரம் ட்ரெய்லர்
அவரின் கதாப்பாத்திரம் மிகப்பெரிய சஸ்பென்ஸாக வைக்கப்பட்டுள்ளது. படத்தில் சூர்யா வருகை மாஸாக இருக்கும் என தெரிவித்துள்ள படக்குழு, கதையில் டிவிஸ்டே அங்கு தான் இருக்கும் என தெரிவித்துள்ளனர். இதுதான் இந்தப் படத்தின் மீதான எதிர்பார்ப்பை இருமடங்காக எகிறவைத்துள்ளது. சூர்யாவும் விக்ரம் படத்தில் சிறப்புத் தோறத்தில் நடித்தது மிகப்பெரிய அனுபவமாக இருந்ததாக தெரிவித்துள்ளார். 4 ஆண்டுகளுக்கு பிறகு தன்னுடைய படம் வெள்ளித்திரையில் ரிலீஸாவதால், புரோமோஷன் நிகழ்ச்சிகளில் படு பிஸியாக இருக்கிறார் கமல்ஹாசன்.
டெல்லி, மும்பை மற்றும் மலேசியா என விக்ரம் படத்துக்கான புரோமோஷனில் படு பிஸியாக இருந்த கமல் வசூல் ரீதியாக நல்ல வரவேற்பை பெறும் என்ற நம்பிக்கையில் உள்ளார். தமிழகத்தில் விக்ரம் படத்தை உதயநிதி ஸ்டாலினின் ரெட் ஜெயண்ட் மூவீஸ் நிறுவனம் வெளியிடுகிறது. படம் வெளியாவதற்கு முன்பே வியாபார ரீதியாக லாபத்தில் இருப்பதாக தகவல் வெளியாகியுள்ளது. பிளானிங் சரியாக இருந்ததால் திட்டமிடப்பட்ட பட்ஜெட்டுக்குள் படம் எடுக்கப்பட்டதுர, வியாபாரத்தின் சக்ஸஸூக்கு மற்றொரு காரணமாக பார்க்கப்படுகிறது. மேலும், ஓடிடி ரிலீஸை டிஸ்னி பிளஸ் ஹாட்ஸ்டார் கைப்பற்றியிருக்கிறது.
இந்தப் படத்துக்குப் பிறகு லோகேஷ் கனகராஜ் யாருடன் இணையப்போகிறார்? என்ற கேள்வி எழுந்தது. அதற்கு அவரே விஜயுடன் இணைய இருப்பதை உறுதிப்படுத்தியுள்ளார். இப்போது மற்றொரு தகவல் ஒன்று லீக்காகியுள்ளது. அதாவது, பிரபாஸை வைத்து மிகப்பெரிய பட்ஜெட்டில் படம் செய்ய லோகேஷ் கனகராஜ் முடிவெடுத்து, அவரிடம் கதையைக் கூறியுள்ளார். ஆனால், கதையில் இன்னும் வெயிட் வேண்டும் என கூறி அனுப்பிவிட்டாராம். கோலிவுட்டில் டிரெண்டில் இருக்கும் இயக்குநரின் கதையை பிரபாஸ் வேண்டாம் எனக் கூறியது இப்போதைய ஹாட் டாப்பிக்காக உள்ளது.
மேலும் படிக்க | சிம்புவின் அடுத்த படம் டிராப் - டைரக்டரை தேடும் தயாரிப்பு நிறுவனம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
