என்னை செல்லம் கொஞ்ச மாட்டியா: வைரலாகும் யானையின் கட்டிப்பிடி வைத்தியம்

செல்லம் கொஞ்சும் யானைக்குட்டியை கட்டியணைத்து தடவிக்கொடுக்கும் நண்பர்: யானைக்கும் மனிதனுக்கும் இடையிலான பாச பந்த வீடியோ வைரலாகிறது

உலகில் எந்த வகை உயிரினமாக இருந்தாலும் சரி, பாசம் என்பது இயல்பானது. குட்டிகள் மீது தாய் வைத்திருக்கும் பாசம் இயற்கையானது. ஆனால் குழந்தை தாயைத் தவிர வேறு ஒருவர் மீது செல்லம் கொஞ்சுவது ஆச்சரியமான விஷயம்.

மனிதர்கள் ஆனாலும்  சரி, விலங்குகள் ஆனாலும் சரி பச்சிளம் குழந்தைகளை பாசத்துடன் பார்த்துக் கொள்வார்கள். ஆனால், யானைக் குட்டி ஒன்று ஒரு மனிதனை கட்டிப்பிடித்து செல்லம் கொஞ்சி விளையாடுவது ஆச்சரியமாக இருக்கிறது.

சமூக ஊடகங்களில் வைரலாகும் ஒரு வீடியோ பலரின் இதயங்களையும் கவர்ந்துள்ளது. அந்த வீடியோவில் உட்கார்ந்திருக்கும் ஒருவரை குட்டி யானை மேலே விழுந்து மோதி செல்லம் கொஞ்சி அவர் மீது படுத்துக் கொள்வது அன்பின் வெளிப்பாடு என்பது அப்பட்டமாகவே புரிகிறது.

இந்த வீடியோவைப் பார்த்தால் யானைக்குட்டியின் அழகான அன்பான கட்டிப்பிடி நம் மனதையும் கட்டிப்போடும். வைரலாகும் வீடியோ இது...

இந்த வீடியோ பாசத்தால் மனதை நெகிழ வைக்கிறது. அதிலும் குழந்தை யானையின் அன்பும் அரவணைப்பும் மனிதர்களாகிய நமக்கு புதிதாக இருக்கிறது. ஆனால் அந்த யானையுடன் வீடியோவில் இருப்பவர் அதை ரசிக்கிறார். யானைக்குட்டியை தடவிக் கொடுக்கிறார்.

டிவிட்டரில் @buitengebieden என்ற பக்கத்தில் பகிரப்பட்டிருக்கும் இந்த வீடியோ பலரையும் கவர்ந்துள்ளது. பலரையும் கவர்ந்த இந்த வீடியோ பார்க்கப் பார்க்க பாசத்தை ஊற்றெடுக்கச் செய்கிறது.

Baby elephant cuddle..  pic.twitter.com/yl8yCir2gU

— Buitengebieden (@buitengebieden) June 26, 2022

அவரின் தடவலுக்குக் கட்டுப்படும் யானை அவர் மீதே சாய்ந்து படுத்துக் கொள்கிறது. இதுபோன்ற செல்லம் கொஞ்சும் யானைக்குட்டி - மனிதனுக்கு இடையிலான அன்பை இதற்கு முன் பார்த்திருக்க முடியாது என்று வீடியோவை ரசித்த பயனர் ஒருவர் பதிவிட்டிருக்கிறார்.

இணையதள பக்கத்தில் பகிரப்பட்டிருக்கும் இந்த வீடியோவினை பல்லாயிரனக்கான இணையவாசிகள் பார்த்து ரசித்துள்ளனர்.  இந்த வீடியோவிற்கு எக்கச்சக்கமான லைக்குகளும், கமெண்டுகளும் குவிந்து வருகின்றது, மேலும் பலரும் இந்த வீடியோவை பகிர்ந்து வருகின்றனர்.

யானையுடன் இவ்வளவு நெருக்கமாக இருக்கும் இந்த நபர் யானைக்கு நன்றாக தெரிந்தவராகத் தான் இருப்பார் என்பது புரிந்தாலும், மனிதனுக்கும் விலங்குகளுக்கும் இடையிலான பாசப்பிணைப்பைச் சொல்லும் அருமையான வீடியோ இது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR