வைரல் வீடியோ: இன்றைய உலகில், சமூக ஊடகங்கள் நம் வாழ்வோடு பின்னிப்பிணைந்து உள்ளன. இணையம் ஒரு தனி உலகமாக இயங்கி வருகிறது. இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.
நம் அனைவருக்கும் சில பயங்கள், சில அச்சங்கள் இருக்கும். ஆனால், அவற்றை பற்றி மற்றவர்களிடம் பேசுவதில் நமக்கு தயக்கம் ஏற்படலாம். நமக்கு ஒரு விஷயத்தை பார்த்து பயமாக இருக்கிறது என்பதை நாம் பொதுவாக வெளிப்படுத்திக்கொள்ள விரும்புவதில்லை. இதை நாமே நமது பலவீனமாக பார்க்கத் தொடங்குகிறோம்.
மனிதர்கள் பல வித விஷயங்களுக்கு அச்சப்படுவதுண்டு. இதில் சில அச்சங்கள் பலருக்கு இருக்கும் பொதுவான பயமாக இருக்கக்கூடும். மிகவும் பொதுவான அச்சங்களில் ஒன்று அராக்னோபோபியா, அதாவது சிலந்திகளின் மீதான பயம். இந்த பயம் கொண்ட நபர்கள் சிலந்தியை பார்த்தால் கடுமையான அச்சத்தை அனுபவிக்கிறார்கள். இது அவர்களுக்கு மனதளவில் தாக்கத்தை ஏற்படுத்துகின்றது. இதனால் அவர்களால் சில சமயம் இயல்பாக நடந்துகொள்ள முடிவதில்லை.
இருப்பினும், சிலர் இதற்கு விதிவிலக்காகவும் இருக்கின்றனர். அசாத்திய துணிச்சல்களை வெளிக்காட்டும் பல வீடியோக்களை நாம் சமூக ஊடகங்களில் பார்த்துள்ளோம். தற்போது வைரலாகும் ஒரு வீடியோவும் அப்படி ஒரு காட்சியை தான் நமக்கு காட்டுகின்றது.
இந்த வீடியோவில் காணப்படும் சிறுமியின் தைரியத்தை காண நமக்கு ஆச்சரியமாக உள்ளது. 23-வினாடிகள் கொண்ட கிளிப்பில், ஆடம்ஸ் ஃபேமிலி திரைப்படத்தின் தீம் பாடல் ஒலிக்க, அந்த சிறுமி தனது இரண்டு பெரிய செல்ல சிலந்திகளுடன் பயமின்றி உரையாடுகிறார். அவர் சிரித்து விளையாடும் போது சிலந்திகள் அவர் உடலில் ஊர்ந்து செல்கின்றன.
வியக்க வைக்கும் வீடியோவை இங்கே காணலாம்:
Pets pic.twitter.com/HcEmiXsRxK
— Interesting Channel (@ChannelInteres) May 15, 2023
இந்த வீடியோ ட்விட்டர் பயனர்களை வெகுவாக அச்சுறுத்தியுள்ளது. இப்படி தாங்கள் செய்வதை நினைத்துக்கூட பார்க்க முடியவில்லை என சிலர் கூறியுள்ளனர். சில ட்விட்டர் பயனர்கள், ஆடம்ஸ் குடும்பத் தொடரில் விசித்திரமான பூச்சிகள் மற்றும் சிலந்திகளை வளர்க்க விரும்பும் பெண் கதாபாத்திரமான புதன் ஆடம்ஸுடன் இந்த சிறுமியை ஒப்பிட்டனர். சுவாரஸ்யமாக, துணிச்சலான இந்த சிறுமி உலகின் பெரிய மற்றும் ஹேரி சிலந்திகளில் ஒன்றான டரான்டுலா சிலந்திகளுடன் விளையாடுகிறார். டரான்டுலா சிலந்தி என்பது தெரபோசிடே குடும்பத்தைச் சேர்ந்த ஒரு கண்கவர் உயிரினமாகும். அது தனது பெரிய அளவு மற்றும் முடி நிறைந்த தோற்றத்திற்கு பெயர் பெற்றது. இந்த சிலந்தி பார்ப்பவர்களிம் பிரமிப்பு மற்றும் பயம் இரண்டையும் தூண்டுகிறது.
மேலும் படிக்க | தாகத்தால் தவித்த விஷ நாகப்பாம்பு..தண்ணீர் கொடுத்த நபர்: வீடியோ வைரல்
இந்த வீடியோ @InterestingChannel என்ற ட்விட்டர் கணக்கின் பகிரப்பட்டுள்ளது. இதற்கு , "செல்லப்பிராணிகள்" என்று தலைப்பிடப்பட்டுள்ளது. இந்த வீடியோ பகிரப்பட்டதிலிருந்து ஏகப்பட்ட வியூஸ்களையும் லைக்குகளையும் பெற்றுள்ளது. இணையவாசிகள் இதற்கு பல வித கமெண்டுகளை அளித்துள்ளார்கள்.
டரான்டுலா
டரான்டுலா சிலந்திகள் உலகின் பல்வேறு பகுதிகளில் காணப்படுகின்றன. அவை பாலைவனங்கள், மழைக்காடுகள் மற்றும் புல்வெளிகள் போன்ற பல்வேறு வாழ்விடங்களில் வாழ்கின்றன. இவை நன்றாக வேட்டையாடும் திறன் படைத்தவை. இவை கூர்மையான கோரைப் பற்களைப் பயன்படுத்தி, அவற்றின் இரையில் விஷத்தை செலுத்துகின்றன.
சிலர் இந்த பிரம்மாண்டமான சிலந்திகளை அவற்றின் ஈர்க்கக்கூடிய தோற்றம் காரணமாக செல்லப்பிராணிகளாக வைத்திருக்க விரும்புகிறார்கள்.
(பொறுப்புத் துறப்பு: இந்த பதிவில் பகிரப்பட்டுள்ள வீடியோவும், கொடுக்கப்பட்டுள்ள தகவல்களும் சமூக ஊடகங்களிலிருந்து எடுக்கப்பட்டவை. இவற்றை ஜீ தமிழ் நியூஸ் எந்த விதத்திலும் பரிந்துரைக்கவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
