செவ்வாய் பெயர்ச்சி பலன்கள் 2023: இந்து நாட்காட்டியின் படி, வலிமை மற்றும் புத்திசாலித்தனத்தின் காரணியான செவ்வாய் கிரகம் இன்று அதாவது ஜூலை 01 அதிகாலை 02:37 மணிக்கு சிம்ம ராசியில் பெயர்ச்சி அடைந்துள்ளார். இந்த பெயர்ச்சியின் பலன் ஆகஸ்ட் 18 மாலை 04:12 வரை இருக்கும், அதன் பிறகு செவ்வாய் சிம்மத்தை விட்டு கும்பத்தில் பெயர்ச்சி அடைகிறார். செவ்வாய்ப் பெயர்ச்சியின் பலன் 12 ராசிகளுக்கும் சாதகமாகவும் பாதகமாகவும் இருக்கும். இதன் போது சில ராசிக்காரர்கள் சுப பலன்களைப் பெறுவார்கள். மறுபுறம், சில ராசிக்காரர்கள் பொருளாதாரத் துறையில் இழப்புகளைச் சந்திக்க வேண்டியிருக்கும். எனவே செவ்வாய் பெயர்ச்சியால் எந்தெந்த ராசிக்காரர்களுக்கு பலன் கிடைக்கும், யார் கவனமாக இருக்க வேண்டும் என்பதை தெரிந்து கொள்வோம்.
மேஷம் - செவ்வாய்ப் பெயர்ச்சி மேஷ ராசியினருக்கு சாதகமாக அமையும். இதன் போது பணிபுரியும் துறையில் வெற்றி கிட்டும். மறுபுறம், போட்டிக்குத் தயாராகும் மாணவர்கள் நல்ல செய்தியைப் பெறலாம். வெளியூர் பயண வாய்ப்புகள் அமையும்.
மேலும் படிக்க | ஜூலை மாத கிரக மாற்றங்கள்: இந்த ராசிகளுக்கு குபேர யோகம், பண வரவு... முழு ராசிபலன் இதோ
ரிஷபம் - செவ்வாய்ப் பெயர்ச்சியின் தாக்கத்தால் ரிஷபம் ராசிக்காரர்கள் சதியை சந்திக்க நேரிடும். இந்த நேரத்தில் உடல்நலம் தொடர்பான பிரச்சனைகளும் ஏற்படும். அதனால்தான் உணவு மற்றும் பானங்களில் கவனம் செலுத்த வேண்டும். திருமண வாழ்விலும் பிரச்சனைகள் உருவாகின்றன. விவாதத்திலிருந்து விலகி இருங்கள்.
மிதுனம் - மிதுன ராசிக்காரர்களுக்கு செவ்வாய்ப் பெயர்ச்சி அற்புதமாக இருக்கும். இதன் போது தைரியமும், வீரமும் கூடும். இதனுடன், எதிரியின் மீது வெற்றியும் கிடைக்கும். பதவி உயர்வு வாய்ப்புகள் கிடைக்கலாம். வியாபாரத்தில் லாபம் கிடைக்கும்.
கடகம் - கடக ராசிக்காரர்கள் செவ்வாய் பெயர்ச்சியின் போது எச்சரிக்கையாக இருக்க வேண்டும். கோபத்திலும் பேச்சிலும் நிதானத்தைக் கடைப்பிடிக்கவும். வாகனம் ஓட்டும்போது கூட கவனமாக இருங்கள், விபத்து ஏற்பட வாய்ப்பு உள்ளது. திருமண வாழ்க்கையிலும் சில பிரச்சனைகள் வரலாம், எனவே வாக்குவாதத்தில் இருந்து விலகி இருங்கள்.
சிம்மம் - சிம்ம ராசிக்காரர்களுக்கு செவ்வாய் பெயர்ச்சி கலவையான பலன்களைத் தரும். இந்த நேரத்தில் மரியாதை கூடும். ஆனால் பணம் மற்றும் திருமண வாழ்க்கையில் டென்ஷன் இருக்கும். யாரையும் கண்மூடித்தனமாக நம்புவது தீங்கு விளைவிக்கும். இதன் போது சொந்த வீடு, வாகனம் போன்றவற்றை வாங்கலாம்.
கன்னி
கன்னி ராசிக்காரர்கள் இந்த நேரத்தில் எச்சரிக்கையாக இருக்க வேண்டும். உங்கள் வாழ்க்கைத் துணையின் ஆரோக்கியத்தில் கவனம் செலுத்துங்கள், புதிய வேலையைப் பற்றி சிந்திக்க வேண்டாம். கடுமையாக உழைத்தாலும் பதவி உயர்வு கிடைக்காததால் எதிர்ப்புகளை சந்திக்க வேண்டி வரும். அதனால் பேச்சில் நிதானத்தை கடைபிடியுங்கள்.
துலாம்
செவ்வாய் பெயர்ச்சி துலாம் ராசிக்காரர்களுக்கு சாதகமாக அமையும். இந்த நேரத்தில் வியாபாரத்தில் அதிக லாபம் கிடைக்கும். மேலும், நீதித்துறை விஷயங்களில் வெற்றி கிடைக்கும். பதவி உயர்வுக்கான அறிகுறிகளும் உள்ளன. முதலீடு செய்த பணத்தில் லாபம் பெறலாம்.
விருச்சிகம்
விருச்சிக ராசிக்காரர்களுக்கு நேரம் நல்லதாக கருதப்படுகிறது. இதன் போது கடினமான காரியங்கள் எளிதில் முடிவடையும். இதனுடன், பதவி உயர்வுக்கான வாய்ப்புகள் உருவாக்கும, இதன் காரணமாக வருமானமும் மரியாதையும் அதிகரிக்கும். திருமண வாழ்விலும் மகிழ்ச்சி உண்டாகும்.
தனுசு
தனுசு ராசிக்காரர்களுக்கு இந்த நேரம் மிகவும் முக்கியமானது. மனக்கசப்பு நீங்கும். மேலும், புதிய வீடு, வாகனம் வாங்கலாம். வெளிநாட்டில் கல்வி கற்க கனவு காணும் மாணவர்களும் வெற்றி பெறலாம். வியாபாரத்தில் அதிக லாபம் கிடைக்கும்.
மகரம்
மகர ராசிக்காரர்களுக்கு இந்த நேரம் எச்சரிக்கையாக தேவை. இதன் போது வாகனம் ஓட்டும் போது கவனமாக இருங்கள், விபத்து ஏற்பட வாய்ப்பு உள்ளது. இதனுடன், பணப் பரிவர்த்தனைகளை கவனமாகச் செய்யுங்கள்.
கும்பம்
கும்ப ராசிக்காரர்களுக்கு நேரம் சாதகமாக இருக்கும். இதனுடன், இந்த காலகட்டத்தில் பதவி உயர்வுக்கான வாய்ப்புகளையும் பெறலாம். ஆனால் உங்கள் வாழ்க்கை துணையிடம் சிறப்பு கவனம் செலுத்துங்கள், உடல்நிலையில் ஏற்ற தாழ்வுகள் ஏற்படலாம்.
மீனம்
இந்த நேரம் மீன ராசிக்காரர்களுக்கு சாதகமாக இருக்கும். இந்த நேரத்தில், பதவி உயர்வுக்கான வாய்ப்புகள் உள்ளன. இத்துடன் குடும்பத்திலும் மகிழ்ச்சியான சூழல் நிலவும். வெளியூர் பயணத்திற்கான வாய்ப்புகளும் அமையும். அதோடு சமூகத்தில் மரியாதையும் கூடும்.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | குருவின் ஒன்பதாம் பார்வை 3 ராசிகளுக்கு மின்னல் வேக பலனைத் தரும், லாபமோ லாபம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
