Ravichandran Ashwin on Hindi Language | இந்திய கிரிக்கெட் அணியின் முன்னாள் சுழற்பந்துவீச்சாளர் ரவிச்சந்திரன் அஸ்வின், இந்தி மொழி தேசிய மொழி அல்ல என கூறிய கருத்து வைரலாகியுள்ளது. காஞ்சிபுரம் மாவட்டம் பூந்தமல்லி அடுத்த தண்டலத்தில் அமைந்துள்ள தனியார் கல்லூரியில் 23 ஆம் ஆண்டு பட்டமளிப்பு விழா கல்லூரி வளாகத்தில் நடைபெற்றது. இந்நிகழ்வில் சிறப்பு விருந்தினராக இந்திய கிரிக்கெட் அணியின் முன்னாள் சுழற்பந்து வீச்சாளர் அஸ்வின் கலந்து கொண்டு மாணவ மாணவிகளுக்கு பதக்கங்கள் மற்றும் பட்டங்களை வழங்கினார். அப்போது தான் இந்த கருத்தை தெரிவித்தார்.
அதாவது, இநிகழ்ச்சியில் அஸ்வின் பேச துவங்கும் முன் எந்த மொழியில் பேச வேண்டும் என மாணவர்களிடம் கேட்டார். அதில், தமிழ் ஓகே வா, ஆங்கிலம் ஓகே வா , இந்தி ஓகே வா என கேட்டார். தமிழுக்கு மட்டுமே மாணவ மாணவிகள் சத்தம் போட்டு ஆரவாரம் செய்தனர். இந்திக்கு யாரும் ஆதரவு அளிக்காததால் இந்தி தேசிய மொழி அல்ல, அலுவால் மொழி மட்டுமே என்று தெரிவித்தார். தொடர்ந்து பேசிய அவர், யாராவது என்னை நீ சரிபட்டு வரமாட்ட என்று கூறினால் தான் அதை செய்வேன். கேப்டன் விஷயத்தில் யாரும் என்னை அப்படி கேட்கவில்லை என்று தெரிவித்தார்.
அஸ்வின் பேசும்போது, "நான் கேப்டன் ஆகாததற்கு இன்ஞ்சினியரிங் படித்ததுதான் காரணம். யாராவது வந்து என்னால் முடியாது என்று சொன்னால் நான் அதை செய்துவிடுவேன். உன்னால் முடியும் என்று சொன்னால் அதைவிட்டுவிடுவேன். நிறையபேர் என்னிடம் ‘நீ இந்திய அணிக்கு கேப்டன் ஆகிவிடலாம்’ என்று சொன்னதால்தான் விட்டுவிட்டேன். யாராவது வந்து நீ கேப்டனாக ஆகவே மாட்டாய் என்று சொல்லியிருந்தால் விழித்திருப்பேன். மக்கள் உங்கள் முன்னாள் வந்து உங்களால் முடியாது என மீண்டும் மீண்டும் சொல்வார்கள். உங்களால் முடியாது என சொல்வதற்கு கோடிபேர் இருப்பார்கள். அவர்கள் உங்களது வாழ்க்கைக்கு சம்பந்தமில்லாதவர்கள். வாழ்க்கை முழுவதும் மாணவராகவே இருக்க வேண்டும். மாணவராக இருக்கும்போது கற்றுக்கொண்டே இருப்பீர்கள். மாணவராக இல்லை என்றால் நீங்கள் கற்பது நின்றுவிடும்” என பேசினார்.
ரவிச்சந்திரன் அஸ்வின் அண்மையில் நடந்து முடிந்த ஆஸ்திரேலியாவுக்கு எதிரான பார்டர் கவாஸ்கர் தொடரில் விளையாடினார். அந்த தொடரின் அடிலெய்டு டெஸ்ட் போட்டி முடிந்ததும் திடீரென சர்வதேச கிரிக்கெட் டெஸ்ட் போட்டியில் ஓய்வு பெறுவதாக அறிவித்தார். அவர் இந்தியாவிற்காக மொத்தமாக 765 விக்கெட்டுகளையும், 537 டெஸ்ட் விக்கெட்டுகளையும் கைப்பற்றியுள்ளார்.
மேலும் படிக்க | VIRAT KOHLI: தொடர்ந்து தடுமாறும் கோலி.. கிரிக்கெட் வாழ்க்கை முடிவுக்கு வருகிறதா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
