சென்னை: கோவிட் -19 (COVID-19) தொற்றால் பாதிக்கப்பட்ட திமுக எம்.எல்.ஏ ஜெ. அன்பழகனின் உடல்நிலை மோசமடைந்ததால், அவரை தவிர சிகிச்சை பிரிவில் வைக்கப்பட்டு மருத்துவர்கள் கண்காணித்து வந்தனர். ஆனால் இன்று காலை 8.05 மணி அளவில் அவர் காலமானார்.
முன்னதாக திமுக எம்எல்ஏ ஜெ. அன்பழகன் (DMK MLA J. Anbazhagan) உடல்நிலையில் முன்னேற்றம் ஏற்பட்டதை அடுத்து, அவருக்கு கோவிட் -19 (COVID-19) பாசிட்டிவ் இருந்ததால், எம்.எல்.ஏ ஜே. ஜெ. அன்பழகனின் உடல்நிலை மீண்டும் மோசமடைந்துள்ளது மற்றும் அவர் ஆபத்தான நிலையில் உள்ளார் என்று அவருக்கு சிகிச்சையளிக்கும் மருத்துவமனை திங்களன்று தெரிவித்துள்ளது.
Also Read | ஆபத்தான நிலையில் சிகிச்சை பெற்ற DMK MLA ஜெ.அன்பழகனுக்கு நடந்தது என்ன?
61 வயதான சட்டமன்ற உறுப்பினரின் உடல்நலம், ஆக்ஸிஜன் தேவை பாதியாக குறைந்து, திங்களன்று மோசமடைந்தது என்று டாக்டர் ரெலா நிறுவனம் மற்றும் மருத்துவ மையம் தெரிவித்துள்ளது.
"நேற்று முன்தினம் மாலை முதல் அவரது நிலை கணிசமாக மோசமடைந்துள்ளது. அவரது ஆக்ஸிஜன் தேவை மீண்டும் ஒரு முறை அதிகரித்துள்ளது. மேலும் அவரது இதய செயல்பாடும் மோசமடைந்து வருகிறது, இரத்த அழுத்தத்திற்கு மருந்து ஆதரவு தேவைப்படுகிறது."
கடந்த செவ்வாய்க்கிழமை, மாநில தலைநகரில் உள்ள கட்சி மாவட்ட செயலாளர்களில் ஒருவரும், ஒரு மூத்த செயல்பாட்டாளருமான அன்பழகனுக்கு (J. Anbazhagan) கடுமையான சுவாசக் கோளாறு ஏற்பட்டதால், அவருக்கு கொரோனா வைரஸ் (Coronavirus) சோதனை செய்யப்பட்டது. அந்த சோதனையில் அவருக்கு நேர்மறையான முடிவு வந்துள்ளது.
ஆரம்பத்தில், அவர் முகமூடி மூலம் அதிக ஆக்ஸிஜன் அளிக்கப்பட்டது மற்றும் அவரது சுவாசக் கோளாறு மோசமடைந்ததால் ஜூன் 3 ஆம் தேதி அவருக்கு வென்டிலேட்டர் ஆதரவில் சிகிச்சை அளிக்கப்பட்டதாக மருத்துவமனை தெரிவித்துள்ளது.
வென்டிலேட்டரிலிருந்து (Ventilator) அவர் படிப்படியாக உடல்நலம் பெற்று வந்த நேரத்தில், அவரது நிலை மீண்டும் மோசமடைந்தது என்று மருத்துவமனை அறிக்கை கூறியுள்ளது.
கார்ப்பரேட் மருத்துவமனை மற்றும் அதன் தலைவர் டாக்டர் மொஹமட் ரேலா ஆகியோரை மாநில சுகாதார அமைச்சர் சி விஜயபாஸ்கர் (Health Minister C Vijayabaskar) வெள்ளிக்கிழமை பார்வையிட்டார். திமுக (DMK) தலைவர் மு.க. ஸ்டாலினும் (M K Stalin) மறுநாள் மருத்துவமனைக்குச் சென்று அன்பழகனின் உடல்நிலை குறித்து விசாரித்தார்.
சேப்பாக்கம் - திருவல்லிக்கேணி (Chepauk-Triplicane) தொகுதி எம்எல்ஏவுமான அன்பழகன் (J. Anbazhagan) சுமார் 15 ஆண்டுகளுக்கு முன்பு கல்லீரல் மாற்று அறுவை சிகிச்சைக்கு உட்படுத்தப்பட்டார்.
கடந்த 2 ஆம் தேதி அவருக்கு திடீரென்று காய்ச்சல் மற்றும் மூச்சுத் திணறல் ஏற்பட்டதால் சென்னையை அடுத்த குரோம்பேட்டையில் உள்ள டாக்டர் ரேலா மருத்துவமனையில் அனுமதிக்கப்பட்டார் என்பது குறிப்பிடத்தக்கது.
