பிஎஸ்என்எல் ரூ.186 ரீசார்ஜ் திட்டம்: இந்திய அரசாங்கத்தின் தொலைத்தொடர்பு நிறுவனமான பாரத் சஞ்சார் நிகாம் லிமிடெட் (பிஎஸ்என்எல்) அவ்வப்போது வாடிக்கையாளர்களுக்கு பல வித மலிவான ரீசார்ஜ் திட்டங்களை அறிமுகம் செய்கிறது. பிஎஸ்என்எல்-ன் திட்டங்கள் மிக மலிவான விலையில் கிடைத்தாலும், இவற்றில் பல நல்ல அம்சங்களும் வசதிகளும் கிடைக்கின்றன. இந்திய தொலைத்திடர்பு சந்தையில் பல தனியார் தொலைத்தொடர்பு நிறுவனங்கள் இருந்தாலும், பிஎஸ்என்எல் மீது பயனர்களுக்கு அதிகப்படியான நம்பிக்கை உள்ளது.
தனியார் நிறுவனங்களுக்கு ஈடான வசதிகள்
பிஎஸ்என்எல் தனியார் நிறுவனங்களுக்கு ஈடாக பல ரீசார்ஜ் திட்டங்களை அடுத்தடுத்து அளித்து வருகின்றது. பிஎஸ்என்எல் சாமானியர்களுக்கு ஏற்ற பல மலிவு விலை திட்டங்களைக் கொண்டுள்ளது. குறிப்பாக, இந்தியாவின் கிராமப்புறங்களில் இந்த திட்டங்களுக்கு அதிக வரவேற்பு இருக்கின்றது. மிகக்குறைந்த விலையில், பல வித நன்மைகளை அளிக்கும் பிஎஸ்என்எல் ரீசார்ஜ் திட்டம் பற்றி இந்த பதிவில் காணலாம்.
பிஎஸ்என்எல்: ரூ. 186 ரீசார்ஜ் திட்டம்
பாரத் சஞ்சார் நிகாம் லிமிடெட் தனது வாடிக்கையாளர்களுக்கு ரூ. 186-க்கான ரீசார்ஜ் திட்டத்தை வழங்குகின்றது. பிஎஸ்என்எல்-ன் இந்த 186 ரூபாய் ரீசார்ஜ் திட்டத்தில் தினசரி 1 ஜிபி டேட்டா கிடைக்கிறது.
மேலும் படிக்க | ரூ 87 ரீசார்ஜ்..தினமும் 1ஜிபி டேட்டா..மாஸ் காட்டும் பிஎஸ்என்எல்
பிஎஸ்என்எல் ரூ. 186 ரீசார்ஜ் திட்டம்: வேலிடிட்டி என்ன?
பிஎஸ்என்எல் ரூ. 186 ரீசார்ஜ் திட்டத்தில் வாடிக்கையாளர்கள் அதிசயிக்கும் வகையில் 28 நாட்களுக்கான வேலிடிட்டி, அதாவது செல்லுபடி காலம் கொடுக்கப்பட்டுள்ளது. இவ்வளவு குறைந்த விலையில், இவ்வளவு நாட்களுக்கான வேலிடிட்டி கிடைப்பது மிக அரிது என்பது குறிப்பிடத்தக்கது.
பிஎஸ்என்எல் ரூ. 186 ரீசார்ஜ் திட்டம்: இதில் கிடைக்கும் பிற நன்மைகள் என்ன?
லோக்கல்/எஸ்டிடி ரோமிங் உட்பட, வரம்பற்ற குரல் அழைப்புகள், அதாவது வாய்ஸ் கால்ஸ் இதில் கிடைக்கும். இந்த திட்டத்தில் வாடிக்கையாளர்களுக்கு வரம்பற்ற டேட்டாவும் கிடைக்கும். ஒரு நாளைக்கு 1 ஜிபி என்ற வரம்பு முடிந்தவுடன் வேகம் 40 கெபிபிஎஸ் ஆக குறைக்கப்படும்.
இது தவிர இந்த திட்டத்தில் ஒரு நாளைக்கு 100 எஸ்எம்எஸ் அனுப்பும் வசதியும் கிடக்கிறது. இதுமட்டுமின்றி, இதில் பிஎஸ்என்எல் ட்யூன்ஸ் மற்றும் M/s ஒன் 97 கம்யூனிகேஷன்ஸ் லிமிடெட் வழங்கும் ஹார்டி கேம்ஸ் சேவைகளும் கிடைக்கும்.
பிஎஸ்என்எல், அதாவது பாரத் சஞ்சார் நிகாம் லிமிடட் நிறுவனம் பல வித மலிவு விலை ரீசார்ஜ் திட்டங்களை அவ்வப்போது அறிமுகம் செய்கிறது. தனியார் தொலைத்தொடர்பு நிறுவனங்களான ரிலையன்ஸ் ஜியோ, ஏர்டெல், வோடஃபோன் ஐடியா ஆகிய நிறுவனங்களும் கொடுக்கத் தயங்கும் மிக மலிவான ரீசார்ஜ் திட்டங்களை பிஎஸ்என்எல் பயனர்களுக்கு அளிப்பது குறிப்பிடத்தக்கது.
மேலும் படிக்க | ஜியோ vs ஏர்டெல் vs Vi; ஒரு மாத வேலிடிட்டி கொண்ட பெஸ்ட் பிளான்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
