 "இனி ட்விட்டரில் பறவை சின்னம் இருக்காது! அதிரடியாக மாற்றிய எலான் மஸ்க்!")
கடந்த ஆண்டு எலான் மஸ்க் ட்விட்டர் சமூக ஊடக தளத்தை $44 பில்லியனுக்கு வாங்கியதிலிருந்து பல்வேறு மாற்றங்களை செய்து வருகிறார். அந்த வகையில் தற்போது எலான் மஸ்க், ட்விட்டரின் லோகோவை மாற்றி உள்ளார். அதன் சின்னமான நீல பறவை சின்னத்திலிருந்து "X" ஆக மாறும் என்று எலோன் மஸ்க் அறிவித்துள்ளார். இன்று பிற்பகுதியில் மாற்றம் ஏற்படும் என்று மஸ்க் கூறினார். ட்விட்டரின் தலைமை நிர்வாக அதிகாரி லிண்டா யாசினோ, ட்விட்டர் இனி "X" என்று அழைக்கப்படும் என்பதை ஏற்கனவே உறுதிப்படுத்தியுள்ளார். "இது விதிவிலக்காக அரிதான விஷயம் - வாழ்க்கையிலோ அல்லது வியாபாரத்திலோ - மற்றொரு பெரிய தாக்கத்தை ஏற்படுத்த உங்களுக்கு இரண்டாவது வாய்ப்பு கிடைக்கும்," என்று அவர் ட்வீட் செய்தார். "ட்விட்டர் ஒரு பெரிய தாக்கத்தை ஏற்படுத்தியது மற்றும் நாங்கள் தொடர்பு கொள்ளும் முறையை மாற்றியது. இப்போது, எக்ஸ் மேலும் சென்று உலகளாவிய வர்த்தகத்தை மாற்றும்" என்று கூறியுள்ளார்.
Like this ter.com/PRLMMA2lYl
— Elly 23, 2023
X Corp என்ற பெயரில் புதிதாக உருவாக்கப்பட்ட நிறுவனத்துடன் இணைக்கப்பட்டுள்ளதால் Twitter இனி ஒரு தனி நிறுவனமாக இருக்கப்போவது இல்லை. முக்கிய நபர்களுக்கு ப்ளூ டிக் கொடுக்கப்பட்டு வந்த நிலையில் அதனை மாற்றி, சந்தா கட்டினால் மட்டுமே ப்ளூ டிக் என்னும் முறையை கொண்டு வந்தார் எலான் மஸ்க். மேலும் ட்விட்டர் பிரீமியம் சந்தாதாரர்களுக்கு பலவித அப்டேட்களையும் கொடுத்து வருகிறார். ட்விட்டர் ஏற்கனவே மில்லியன் கணக்கான பயனர்களைக் கொண்டுள்ள மெட்டாவுடன் கடுமையான போட்டியை எதிர்கொள்கிறது. தற்போது ட்விட்டர் URL x.com twitter.com க்கு திருப்பி விடப்படுகிறது, மேலும் வரும் நாட்களில் தளத்தின் மாற்றம் அதிகாரப்பூர்வமாக உறுதிப்படுத்தப்படும். எலான் மஸ்க் ட்விட்டரை வைத்து விளையாடுவது இது முதல் முறை அல்ல. ஏப்ரல் 2023ல், ட்விட்டரின் நீல பறவை லோகோ, கிரிப்டோகரன்சியான Dogecoin இன் லோகோவால் மாற்றப்பட்டது. இருப்பினும், சில நாட்களில் அது மீண்டும் மாற்றப்பட்டது.
சனிக்கிழமையன்று, ட்விட்டர் சந்தா செலுத்தாத பயனரால் இன்பாக்சில் அனுப்பப்படும் செய்திகளின் எண்ணிக்கைக்கு விரைவில் வரம்பு விதிக்கப்படும் என்று அறிவித்தது. "இன்பாக்சில் நேரடி செய்திகளில் ஸ்பேமைக் குறைப்பதற்கான எங்கள் முயற்சியில் விரைவில் சில மாற்றங்களைச் செயல்படுத்துவோம். சரிபார்க்கப்படாத (சந்தா கட்டாத) கணக்குகளுக்கு அவர்கள் அனுப்பக்கூடிய டிஎம்களின் எண்ணிக்கையில் தினசரி வரம்புகள் இருக்கும். மேலும் அதிக செய்திகளை அனுப்ப இன்றே சந்தா கட்டவும்”, என்று ட்வீட் செய்துள்ளது. பணம் செலுத்திய சந்தா பயனர்கள், எந்த தடையும் இல்லாமல் எளிதாக DM களை அனுப்ப முடியும். இந்த நடவடிக்கை ட்விட்டர் ப்ளூவில் அதிக பயனர்களைப் பெறுவதற்கான நிறுவனத்தின் உத்தியாகக் கருதப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)