தைபே/பெய்ஜிங்: சீனா, தைவானை அதன் பிரதேசமாக கருதுகிறது., இருப்பினும் தைவான் ஒருபோதும் சீனாவின் கட்டுப்பாட்டில் இல்லை. பல தசாப்தங்களாக தைவானை இராஜதந்திர ரீதியாக தனிமைப்படுத்தவும், தனது ஆதிக்கத்தின் கீழ் கொண்டு வரவும் சீனா முயற்சித்து வருகிறது. இந்நிலையில், கடந்த வாரம் 24 மணி நேரத்தில் தைவானைச் சுற்றியுள்ள கடற்பரப்பில் 16 சீனப் போர்க்கப்பல்கள் கண்டறியப்பட்டது. தைய்வான் நாட்டின் பாதுகாப்பு அமைச்சு இதனைத் தெரிவித்துள்ளது. தைவானை மிரட்டும் வகையில் சீனாவின் ஆளும் கம்யூனிஸ்ட் கட்சியின் சமீபத்திய நடவடிக்கை என ஆய்வாளர்கள் வர்ணித்துள்ளனர். மக்கள் விடுதலை இராணுவ கடற்படையின் (PLAN) நடவடிக்கைகள் உள்ளூர் நேரப்படி சனிக்கிழமை காலை 6 மணி வரை அனுசரிக்கப்பட்டது. கடந்த வார தொடக்கத்தில், சீன இராணுவம் நடத்திய ஒரு பயிற்சியில், டஜன் கணக்கான சீன போர் விமானங்கள் தைவான் ஜலசந்தியின் மையக் கோடு மற்றும் தைவானின் வான் பாதுகாப்பு அடையாள மண்டலத்தின் (ADIZ) முக்கிய பகுதிகளுக்கு மேல் பறந்தன.
தைவான் ஜலசந்தியின் மையக் கோட்டைக் கடந்த PLA விமானங்கள்
கடந்த வாரத்தின் நடுப்பகுதியில், 73 PLA விமானங்கள் தைவான் ஜலசந்தியின் மையக் கோட்டைக் கடந்தன. மேலும், 72 மணி நேரத்தில் தீவின் ADIZ இன் தென்கிழக்கு அல்லது தென்மேற்குப் பகுதிகளுக்குள் நுழைந்ததாக தகவல்கள் வெளியாகியுள்ளது. அதே கால கட்டத்தில், ஒன்பது PLA கப்பல்கள் தைவானைச் சுற்றியுள்ள கடல் பகுதியில் தொடர்ந்து மூன்று நாட்களுக்குப் பதிவாகியுள்ளன. தைவானின் பாதுகாப்பு அமைச்சகம் ஆகஸ்ட் 2022 இல் தீவைச் சுற்றி PLA நடவடிக்கைகளைப் பதிவு செய்ததிலிருந்து வெள்ளி மற்றும் சனிக்கிழமைகளுக்கு இடையில், தைவானைச் சுற்றி 16 சீனக் கப்பல்கள் என்ற அளவில் அதன் எண்ணிக்கை அதிகமாக இருந்தது.
சீனாவின் செயல்பாடுகள் பின்னால் இருக்கும் நோக்கம்
"இது வளர்ந்து வரும் இராணுவ முயற்சி" என்று அமெரிக்க பசிபிக் கட்டளையின் கூட்டு புலனாய்வு மையத்தின் ஆய்வாளரும் முன்னாள் இயக்குநருமான கார்ல் ஷஸ்டர் திங்களன்று கூறினார்.தைவானை கைப்பற்றுவதற்கான சீனாவின் முயற்சிகள் பன்மடங்காக பெருகியுள்ளன என்பதை இராணுவ நடவடிக்கைகள் சுட்டிக்காட்டுகின்றன என்றார். "முதலாவதாக, PLA படையின் தொடர்ச்சியான நடவடிக்கைகள் தீவைச் சுற்றி ஒரு சாத்தியமான தாக்குதலுக்குத் தயாராக உதவுகின்றன, இரண்டாவதாக, அது 'அந்த தருணத்திற்கான' ஒத்திகை மற்றும் பயிற்சி," என்று ஷஸ்டர் விளக்கினார்.
மேலும் படிக்க | சீமா ஹைதர் விவகாரம்... பாகிஸ்தான் இந்துக்களுக்கு அதிகரிக்கும் சிக்கல்கள்!
தைவான் மீதான சீனாவின் அழுத்தம்
'அந்த தருணம்' என குறிப்பிடுவதன் மூலம், தைவான் மீதான சீனத் தாக்குதலின் சாத்தியக்கூறுகளை அவர் அர்த்தப்படுத்தினார். சீனக் கம்யூனிஸ்ட் கட்சி, தைவானை அதன் பிரதேசமாகக் கூறுகிறது, இருப்பினும் தீவு ஒருபோதும் தங்கள் கட்டுப்பாட்டில் இல்லை. பல தசாப்தங்களாக தைவானை இராஜதந்திர ரீதியாக தனிமைப்படுத்த சீனா முயற்சித்து வருகிறது, மேலும் சீனாவின் பிரதான நிலப்பகுதியுடன் மீண்டும் ஒருங்கிணைக்க பலத்தை பயன்படுத்துவதை நிராகரிக்கவில்லை. தைவான் மீதான அழுத்தத்தை சீனா அதிகரிக்கும் என்று தான் எதிர்பார்ப்பதாகவும், வரும் காலங்களில் இன்னும் பல பயிற்சிகளை காண்போம் என்றும் ஷூஸ்டர் கூறினார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
