Best Electric Bike 2022: బెస్ట్ ఎలక్ట్రిక్ బైక్ ఇదే.. ఫుల్ ఛార్జితో 300 కిలోమీటర్లు ప్రయాణించొచ్చు! కళ్లు మూసుకొని కొనేయొచ్చు

Ultraviolette F77, Tork Kratos, Oben Rorr and HOP OXO are best Electric Bikes in 2022. భారతదేశంలోని ఎలక్ట్రిక్ మోటార్‌ సైకిల్‌లో అతిపెద్ద బ్యాటరీని అల్ట్రా వైలెట్-F77 కలిగి ఉంటుంది. ఫుల్ ఛార్జితో 307 కిలోమీటర్లు ప్రయాణించొచ్చు.

Best Electric Bike 2022, You Can travel 300 KM on Ultraviolette F77 Electric Bike with Full Charge: ఎలక్ట్రిక్ వాహనాల పరిశ్రమకు 2022 సంవత్సరం చాలా ప్రత్యేకమైనది అని చెప్పొచ్చు. ఎందుకంటే.. ఎన్నో రకాల ఎలక్ట్రిక్ వాహనాలు ఈ ఏడాది మార్కెట్‌లోకి వచ్చాయి. కార్ల నుంచి ఎలక్ట్రిక్ స్కూటర్ల వరకు ఈ సంవత్సరం కొత్త సంస్థలు మరియు మోడల్స్ ప్రారంభించబడ్డాయి. కొన్ని కంపెనీలు అద్భుత ఎలక్ట్రిక్ బైక్‌లను మార్కెట్‌లోకి తీసుకొచ్చాయి. 2022 సంవత్సరంలో ప్రారంభించబడిన ఈ 4 ఎలక్ట్రిక్ బైక్‌లు ఫుల్ ఛార్జితో 200 కిలోమీటర్లకు పైగా ప్రయాణించొచ్చు. వీటిలో ఒక బైక్ అయితే ఫుల్ ఛార్జితో 300 కిలోమీటర్ల వరకు వెళుతుంది. ఆ బైక్‌ల జాబితాను ఓసారి చూద్దాం. 

Oben Rorr:
ఒబెన్ రోర్ ఎలక్ట్రిక్ మోటార్‌ బైక్ ప్రారంభ ధర రూ. 99,999 (ఎక్స్-షోరూమ్). ఇది పూర్తి ఛార్జింగ్‌తో 200 కిలోమీటర్ల రేంజ్‌ను కలిగి ఉందని కంపెనీ పేర్కొంది. ఇందులో మూడు విభిన్న రైడింగ్ మోడ్‌లు (ఎకో, సిటీ మరియు హవోక్) ఉన్నాయి. హవోక్ మోడ్‌లో గరిష్ట వేగం 100 కిమీ. ఇది 4.4 kWh లిథియం-అయాన్ బ్యాటరీ ప్యాక్‌ను కలిగి ఉంటుంది. ఇది కేవలం మూడు సెకన్లలో 0 నుంచి 40Kmph వరకు వేగవంతం చేయగలదు.

Ultraviolette F77: 
అల్ట్రా వైలెట్ భారతదేశంలో తన మొదటి ఎలక్ట్రిక్ బైక్ అల్ట్రా వైలెట్-F77ను విడుదల చేసింది. దీని ధర రూ. 3.80 లక్షల (ఎక్స్-షోరూమ్) నుంచి ప్రారంభమవుతుంది. ఇది 10.3 kWh బ్యాటరీ ప్యాక్‌ను కలిగి ఉంది. ఇది భారతదేశంలోని ఎలక్ట్రిక్ మోటార్‌ సైకిల్‌లో అతిపెద్ద బ్యాటరీ. ఫుల్ ఛార్జితో 307 కిలోమీటర్లు ప్రయాణించొచ్చు. 

Tork Kratos:
ప్రస్తుతం టోర్క్ క్రాటోస్ ధర రూ. 1.22 లక్షలు (ఎక్స్-షోరూమ్ మహారాష్ట్ర). జనవరి 2023 వరకు ఈ ధరలు ఇలానే ఉంటాయి. ఈ ఎలక్ట్రిక్ బైక్‌లో 4 Kwh లిథియం-అయాన్ బ్యాటరీ ప్యాక్ అందుబాటులో ఉంది. పూర్తి ఛార్జ్‌తో 180 కిమీ వెళ్లొచ్చు. దీని గరిష్ట వేగం గంటకు 100 కిమీ. ఈ బైక్ 4 సెకన్లలో 0 నుండి 40 కిమీ వేగాన్ని అందుకోగలదని కంపెనీ పేర్కొంది.

HOP OXO:
హాప్ ఆక్సో ఎలక్ట్రిక్ బైక్ రెండు వేరియంట్లలో మార్కెట్లో అందుబాటులో ఉంది. టాప్ వేరియంట్ 90Kmph గరిష్ట వేగంతో వెళుతుంది. టర్బో మోడ్ ద్వారా ఇది 4 సెకన్లలో 0 నుండి 40 kmph వేగాన్ని అందుకుంటుంది. ఇది 3.75kWh లిథియం-అయాన్ బ్యాటరీ ప్యాక్‌ను కలిగి ఉంటుంది. ఇది ఫుల్ ఛార్జితో 150 కిలోమీటర్ల దూరం వెళుతుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.