2023 Best SUV Car under 10 Lakhs in India: భారత మార్కెట్లో చౌకైన కార్లకు మంచి డిమాండ్ ఉంది. ఎస్‌యూవీ కార్లకు మన దగ్గర రోజురోజుకీ ప్రజాదరణ పెరుగుతోంది. మంచి మంచి ఎస్‌యూవీలు మార్కెట్లో రూ.10 లక్షల కంటే తక్కువ ధరలో అందుబాటులో ఉన్నాయి. మీరు కూడా సరసమైన మరియు శక్తివంతమైన ఎస్‌యూవీని కొనుగోలు చేయాలని ఆలోచిస్తున్నట్లయితే.. మీ కోసం టాప్-5 జాబితా ఉంది. ఈ జాబితాలో 10 లక్షల రూపాయల లోపు 5 సరసమైన ఎస్‌యూవీల గురించి ఇప్పుడు తెలుసుకుందాం.
Tata Nexon:
టాటా కంపెనీకి చెందిన నెక్సాన్ ప్రస్తుతం అత్యధికంగా అమ్ముడైన ఎస్‌యూవీ కార్లలో ఒకటి. ఈ కారు గ్లోబల్ NCAP నుంచి 5-స్టార్ సేఫ్టీ రేటింగ్‌ను పొందింది. ఇది మాన్యువల్ మరియు ఆటోమేటెడ్ మాన్యువల్ ట్రాన్స్‌మిషన్ ఆప్షన్‌లతో పెట్రోల్ మరియు డీజిల్ ఇంజన్‌లలో అందుబాటులో ఉంది. టాటా నెక్సాన్ ధర రూ.7.7 లక్షల నుంచి రూ.14 లక్షల వరకు ఉంది.
Maruti Brezza:
మారుతి బ్రెజా కూడా ఒక ప్రసిద్ధ ఎస్‌యూవీ కారు. ఇది ఫిబ్రవరి 2023లో అత్యధికంగా అమ్ముడైన ఎస్‌యూవీ కారుగా ఉంది. ఈ కారు చాలా సరసమైనది. 7-అంగుళాల స్మార్ట్‌ప్లే స్టూడియో టచ్‌స్క్రీన్ మరియు LED టెయిల్‌లైట్‌ల వంటి ఫీచర్లతో వస్తుంది. మారుతి బ్రెజా ధర రూ. 8.19 లక్షల నుంచి రూ. 14.04 లక్షల వరకు ఉంది.
Hyundai Venue:
హ్యుందాయ్ కంపెనీ గత సంవత్సరం తన హ్యుందాయ్ వెన్యూ ఫేస్‌లిఫ్ట్ మోడల్‌ను విడుదల చేసింది. ఇది లుక్స్ మరియు ఫీచర్స్ పరంగా చాలా బాగుంది. ఈ కారు మాన్యువల్ మరియు ఆటోమేటిక్ ట్రాన్స్‌మిషన్ ఎంపికలతో డీజిల్ మరియు పెట్రోల్ వేరియంట్‌లలో అందుబాటులో ఉంది. హ్యుందాయ్ వెన్యూ ధర రూ.7.68 లక్షల నుంచి రూ.13.11 లక్షల వరకు ఉంది.
Mahindra XUV 300:
మహీంద్రా నుంచి వచ్చిన శక్తివంతమైన ఎస్‌యూవీ కారు మహీంద్రా ఎక్స్‌యూవీ 300. ఇది డ్యూయల్-జోన్ క్లైమేట్ కంట్రోల్, ఆటోమేటిక్ హెడ్‌ల్యాంప్‌లు మరియు సన్‌రూఫ్ వంటి అనేక ఫీచర్లతో వస్తుంది. ఈ కారు మ్యాన్యువల్ మరియు AMT ట్రాన్స్‌మిషన్ ఆప్షన్‌లతో పెట్రోల్ మరియు డీజిల్ వేరియంట్‌లలో అందుబాటులో ఉంది. మహీంద్రా ఎక్స్‌యూవీ 300 ధర రూ.8.41 లక్షల నుంచి రూ.14.07 లక్షల వరకు ఉంది.
Renault Kiger:
దేశంలోనే అత్యంత చౌకైన సబ్ కాంపాక్ట్ ఎస్‌యూవీ కార్లలో రెనాల్ట్ కిగర్ ఒకటి. ఈ కారు LED హెడ్‌లైట్లు, పుష్ స్టార్ట్ మరియు వైర్‌లెస్ ఛార్జింగ్ వంటి ఫీచర్లతో వస్తుంది. రెనాల్ట్ కిగర్ ధర రూ. 6.5 లక్షల నుంచి మొదలై రూ. 11.23 లక్షల వరకు ఉంటుంది.
Also Read: MS Dhoni: 15 ఏళ్ల కిందట దూకుడు ఇప్పుడు ఉండదు.. ఎంఎస్ ధోనీపై సీఎస్‌కే కోచ్ కామెంట్స్!
Also Read: PBKS vs KKR 2023: టాస్ గెలిచి బౌలింగ్ ఎంచుకున్న కోల్‌కతా.. కొత్త సారథులలో పైచేయి ఎవరిది!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
