Naga Chaitanya -Samantha: అక్కినేని ఫ్యామిలీకి ఎంతో ప్రత్యేకమైన సినిమా మనం. మూడు తరాల హీరోలు ఈ సినిమాలో కనిపించి మెప్పించారు. అక్కినేని నాగేశ్వరరావు, నాగార్జున, నాగచైతన్య, అఖిల్ నటించిన ఈ చిత్రం వారి కుటుంబానికి ఎప్పటికీ గుర్తుండిపోయే సినిమా. అక్కినేని అభిమానుల మదిలో కూడా ఈ చిత్రం ఎప్పటికీ నిలిచిపోతుంది. విక్రమ్ కే కుమర్ ఎంతో అద్భుతంగా తెరకెక్కించిన ఈ చిత్రంలో నాగచైతన్య మాజీ భార్య సమంత కూడా నటించడం విశేషం. ఇక ఈ సినిమాలో అమలా కూడా చిన్న గెస్ట్ పాత్రలో కనిపించింది. అన్నిటికన్నా ఎక్కువగా ఇది నాగేశ్వరరావు చివరి చిత్రం. ఇలా ఎన్నో ప్రత్యేకతలు ఉన్న ఈ సినిమా విడుదలై 10 సంవత్సరాలు కావస్తున్న సందర్భంగా ఈ చిత్రాన్ని రిలీజ్ చేయబోతున్నారు సినిమా యూనిట్.
ఈ విషయాన్ని అన్నపూర్ణ స్టూడియోస్ వారు రెండు రోజుల క్రితం తమ ట్విట్టర్ అకౌంట్ ద్వారా తెలియజేశారు. 10 సంవత్సరాలు పూర్తి చేసుకున్న సందర్భంగా మనం సినిమాని మే 23వ తేదీన విడుదల చేయనుందామని తెలియజేశారు సినిమా యూనిట్. ఇక ఈ వార్త విని అక్కినేని అభిమానులు ఎంతో ఆనందంగా ఫీల్ అవుతున్నారు.
ఈ సినిమాని అప్పుడప్పుడు థియేటర్స్ లో చూద్దామా అని తెగ ఎదురుచూస్తున్నారు. ఈ సినిమాలో నాగచైతన్య కి జోడిగా సమంత నటించగా.. నాగార్జున కి జోడిగా శ్రియ నటించింది. సిసింద్రీ తరువాత ఈ సినిమాతోనే అఖిల్ మొదటిసారి వెండి తెరపై కనిపించాడు. ఈ చిత్రంలో నాగార్జునకి తండ్రిగా నాగచైతన్య.. నాగేశ్వరరావుకి తండ్రిగా నాగార్జున... నటించడం అప్పట్లో అక్కినేని అభిమానులను తెగ అలరించింది. అక్కినేని అభిమానులకే కాకుండా తెలుగు ప్రేక్షకులకు కూడా ఈ సినిమా ఎంతగానో నచ్చడంతో ఈ చిత్రం బ్లాక్ బస్టర్ విజయం సాధించింది.
మరి ప్రస్తుతం ఏ చిత్ర విడుదలలు లేకపోవడంతో మనం రీరిలీజ్ కూడా మంచి విజయం సాధించి.. సూపర్ కలెక్షన్స్ సొంతం చేసుకుంటుందేమో వేచి చూడాలి.
Also Read: Noise Watch: రూ.4,999ల Noise Icon వాచ్ ఇప్పుడు కేవలం రూ.949కే పొందండి.. పూర్తి వివరాలు ఇవే!
Also Read: Rashmi Gautam: ట్రోలర్ కి రష్మీ షాకింగ్ రిప్లై.. రేపు నీ పిల్లలని చంపుతాడు జాగ్రత్త
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Facebook, Twitter
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
