Sreeleela: శ్రీలీల ప్రస్తుతం తెలుగులో అగ్ర కథానాయికగా ఇలాయిస్తోంది. అంతేకాదు వరుస ఛాన్సులతో తెలుగు సినీ ఇండస్ట్రీలో బుల్లెట్‌లా దూసుకుపోతుంది. రీసెంట్‌గా ఈమె త్రివిక్రమ్ డైరెక్షన్‌లో మహేష్ బాబు హీరోగా తెరకెక్కిన 'గుంటూరు కారం' మూవీతో పలకరించింది. ఈ సినిమా సరైన విజయం సాధించపోయినా.. ఈమె డాన్సులకు మంచి రెస్పాన్స్ వచ్చింది.
శ్రీలీల.. దర్శకేంద్రుడు కే.రాఘవేంద్రరావు దర్శకత్వ పర్యవేక్షణలో వచ్చిన 'పెళ్లిసందD' మూవీతో టాలీవుడ్ ఇండస్ట్రీకి పరిచయమైంది. ఫస్ట్ మూవీతోనే తన యాక్టింగ్, డాన్సింగ్ స్కిల్స్‌తో ఇక్కడ ప్రేక్షకుల హృదయాలను కొల్లగొట్టింది.
సినీ ఇండస్ట్రీలో కొద్ది మంది మాత్రమే ఫస్ట్ మూవీతోనే పాపులర్ అవుతారు. అలాంటి వాళ్లలో శ్రీలీల ఒకరు. ప్రస్తుతం తెలుగులో వరుస అవకాశాలతో క్రేజీ భామగా ఆమె కంటూ ప్రత్యేక గుర్తింపు తెచ్చుకుంది.
శ్రీలీల నటిగానే కాకుండా.. తన పర్సనల్ విషయాలతో వార్తల్లో నిలిచింది. ఇక మాస్ మహారాజ్ రవితేజతో చేసిన 'ధమాకా'తో మూవీతో శ్రీలీల ఫేట్ మారిపోయింది. ఈ సినిమాతో ఓవర్ నైట్ స్టార్ హీరోయిన్ అయింది.
గతేడాది శ్రీలీల స్కంద, భగవంత్ కేసరి, ఆదికేశవ, ఎక్స్‌ట్రా ఆర్డినరీ మ్యాన్' చిత్రాలతో పలకరించింది. ఇందులో బాలకృష్ణ కూతురు పాత్రలో నటించిన 'భగవంత్ కేసరి' సినిమా మాత్రమే సూపర్ హిట్‌గా నిలిచింది. మిగిలిన చిత్రాలు బాక్సాఫీస్ దగ్గర పెద్దగా వర్కౌట్ కాలేదు.
హీరోయిన్‌గా కేవలం యంగ్ హీరోల సరసనే కాకుండా టాప్ స్టార్స్ సరసన ఛాన్స్ కొట్టేస్తూ దూసుకుపోతుంది. ఈ యేడాది మహేష్ బాబు, త్రివిక్రమ్ కాంబినేషన్‌లో వచ్చిన 'గుంటూరు కారం' మూవీతో పలకరించింది.
గుంటూరు కారం భారీ హిట్ కాలేదు.. అలా అని డిజాస్టర్ కాలేదు. ఓ మోస్తరు విజయంతో శ్రీలీల కెరీర్‌కు పెద్దగా ఒరిగిందేమి లేదు. కానీ ఈ సినిమాలో కుర్చీ మడతపెట్టి సాంగ్‌లో వేసిన స్టెప్స్‌కు మంచి రెస్పాన్స్ వచ్చింది. ఈ సినిమా కోసం ఏకంగా రూ. 3 కోట్ల వరకు రెమ్యునరేషన్ తీసుకున్నట్టు సమాచారం.
