Bastar Dussehra celebrations: దేశమంతటా శరన్నవరాత్రులు దసరా ముందు జరుపుకుంటారు. తొమ్మిది రోజులపాటు అత్యంత వైభవంగా నిర్వహిస్తారు. దేశవ్యాప్తంగా అంగరంగ వైభవంగా నిర్వహిస్తారు. ఆయుధ పూజ, దుర్గాపూజ, ఆ మరుసటి రోజు విజయదశమి జరుపుకుంటారు. ప్రతి ఏడాది సెప్టెంబర్‌ లేదా అక్టోబర్‌ మాసంలో దసరా పండుగ వస్తుంది. అయితే, మీరు ఎప్పుడైనా బస్తర్ దసరా పండుగా గురించి విన్నారా? ఇక్కడ 3 నెలలపాట దసరా వేడుకలు జరుపుకుంటారు.
సాధారణంగా మన తెలుగు రాష్ట్రాల్లో దసరా పండుగను పెత్తర అమావాస్య మరుసటి రోజు నుంచి 9 రోజులపాటు నిర్వహిస్తారు. ఇక తెలంగాణలో అయితే, బతుకమ్మ పండుగను కూడా నిర్వహిస్తారు. మొత్తానికి నవరాత్రి ఉత్సవాలు మాత్రం 9 రోజులపాటు నిర్వహిస్తారు.
దసరా పండుగ అనగానే గుర్తుకు వచ్చేది మైసూర్‌. ఇక్కడకు లక్షల సంఖ్యంలో జనాలు గుమిగూడి దసరా ఉత్సవాలు జరుపుకుంటారు. కానీ, బస్తర్‌లో మూడు నెలల పాటు దసరా ఉత్సవాలు జరుపుకుంటారు.
ఇక్కడి దసరా పండుగ ఉత్సవాల్లో గిరిజనుల నృత్యం ఎంతో ప్రత్యేకం. ఇతర ప్రాంతాల కంటే భిన్నంగా దసరా ఉత్సవాలు జరుగుతాయి. ముఖ్యంగా బస్తర్‌లో దంతేశ్వరీ ఆలయంలో ఈ ఉత్సవాలు జరుగుతాయి.
ఇక్కడి రథోత్సవం కూడా ప్రత్యేకం. ఛత్తీస్‌ఘడ్‌లో ఉండే బస్తర్‌లో ఎక్కువ శాతం మంది తెగవారు నివసిస్తారు. బస్తర్ ఉత్సవాల సమయంలో అందరూ ఒక్క చోటికి చేరి కన్నులపండువగా ఉత్సవాలు జరుపుకొంటారు.
కాకతీయుల కాలంనాడు ఈ బస్తర్ ఉత్సవాలు ప్రారంభమయ్యాయని నమ్మకం ఉంది. అన్నమదేవుడు, పురషోత్తమదేవుడు ఈ సంబరాలను ప్రారంభించారు. పటజాత్రతో ఈ ఉత్సవాలను ప్రారంభిస్తారు. ఢిల్లీ సుల్తానులు అన్నమదేవున్ని బలవంతంగా తీసుకువెళ్తున్న సమయంలో తప్పించుకుని ఇక్కడ రాజ్యం ఏర్పాటు చేశారు. అందుకే వీరిని కాకతీయల వంవీయులు అని కూడా పిలుస్తారు.
మరోకథనం ప్రకారం పురాతన కాలంలో శ్రీరాముడు వనవాసానికి తమ ప్రాంతానికే వచ్చి అరణ్యవాసం చేశారని ఇక్కడి వారు చెబుతుంటారు. రాములోరు ఇక్కడే 14 ఏళ్లు వనవాసం చేశారని కూడా నమ్ముతారు.
ఈ దండకారణ్యంలో ఆదివాసీలు దంతేశ్వరీ మాతను పూజిస్తారు. ఇక్కడి ఆడవాళ్లు అమ్మవారికి ఇష్టమైన ఎరుపు రంగు చీరలు ధరించి తమ సంప్రదాయపు నృత్యాలు చేస్తారు. ఒకవిధంగా ఇది గర్భా డ్యాన్స్‌ వంటిదే. దర్బార్‌ తో దసరా వేడుకలు ముగుస్తాయి.(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)
