Heavy Rains Today In Andhra Pradesh: బంగాళాఖాతంలో అప్పపీడనం కొనసాగుతూనే ఉంది. ఈ నేపథ్యంలో ఆంధ్రప్రదేశ్‌లోని పలు జిల్లాలో ఈరోజు భారీ వర్షాలు కురుస్తాయని భారత వాతావరణ శాఖ హెచ్చరించింది. రానున్న 24 గంటల్లో ఈ అల్పపీడనం ఏపీ తీరం వెంబడి పయనిస్తుందని ఐఎండీ హెచ్చరించింది.
బంగాళాఖాతంలో ఏర్పడిన అల్పపీడనం తీవ్ర రూపం దాల్చనుంచి. దీంతో కొన్ని ప్రధాన జిల్లాల్లో భారీ వర్షాలు కురుస్తాయని భారత వాతావరణ శాఖ తెలిపింది. ఆయా ప్రాంతాల వారు జాగ్రత్తలు తీసుకోవాలని హెచ్చరించింది. ఇప్పటికే భారీవర్షాలు కురుస్తున్న ఈ ప్రాంతాల్లో స్కూళ్లకు కూడా సెలవులు ఇచ్చే అవకాశం ఉంది.
బంగాళాఖాతంలో అల్పపీడనం వల్ల ముఖ్యంగా అనకాపల్లి, విజయనగరం, కాకినాడ, శ్రీకాకుళం, విశాఖ జిల్లాల్లో భారీ వర్షాలు కురుస్తాయి. దీంతో ఈ ప్రాంత ప్రజలు జాగ్రత్తలు తీసుకోవాలని భారత వాతావరణ శాఖ హెచ్చరించింది. రైతులు, మత్స్యకారులను కూడా అలెర్ట్‌ చేసింది.
మిగతా జిల్లాల్లో కూడా నేడు ఓ మోస్తారు వర్షాలు కురుస్తాయని ఐఎండీ తెలిపింది. ఈ అల్పపీడన ప్రభావం వల్ల గంటకు 60 కిలో మీటర్ల మేర ఈదురు గాలులు వీస్తాయి. ఇది తీర ప్రాంతానికి పరిమితమవుతుందట.
ఇదిలా ఉండగా ఈ అల్పపీడన ప్రభావం తమిళనాడుపై కూడా ఉంటుంది. అక్కడ కూడా భారీ వర్షాలు కురుస్తాయని భారత వాతావరణ శాఖ తెలిపింది. ఆ ప్రాంతాల్లోని ప్రజలను అలెర్ట్‌ చేసింది వాతావరణ శాఖ.
మరోవైపు తెలంగాణలో కూడా చలి తీవ్రత విపరీతంగా పెరిగింది. రోజు రోజుకు ఉష్ణోగ్రతల స్థాయిలు పడిపోతున్నాయి. పగటి ఉష్ణోగ్రతలు సాధారణంగా, పొడిగా నమోదవుతున్నాయి. రాత్రి సమయంలో చలి తీవ్రత పెరుగుతుంది. ఉదయం 9 గంటలకు వరకు పొగమంచు కమ్మేస్తోంది.
