Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు
180844 ISRO C52: ప్రముఖ అంతరిక్ష పరిశోధన సంస్థ ఇస్రో ప్రయోగం విజయవంతమైంది. కొత్త ఏడాదిలో చేపట్టిన తొలి ప్రయోగం పీఎస్ఎల్‌వి సి 52..కాస్సేపటి క్రితం సక్సెస్ అయింది.
ఆంధ్రప్రదేశ్ శ్రీహరికోట సెంటర్ నుంచి మరోసారి ఇస్రో విజయకేతనం ఎగురవేసింది. ఈ ఏడాది చేపట్టిన తొలి ప్రయోగం సక్సెస్ అయింది. పోలార్ శాటిలైట్ లాంచ్ వెహికల్ సి 52 కాస్సేపటి క్రితం అంటే ఉదయం 5 గంటల 59 నిమిషాలకు నింగిలోకి విజయవంతంగా దూసుకెళ్లింది. మొన్న అంటే 25.30 గంటల కౌంట్‌డౌన్ అనంతరం..పీఎస్ఎల్‌వి రాకెట్ ద్వారా ఒకేసారి మూడు ఉపగ్రహాలైన ఆర్ఐశాట్-1, ఐఎన్ఎస్-2టీడీ, ఇన్‌స్పైర్ శాట్ -1 లను అంతరిక్షంలోకి తీసుకెళ్లారు. ప్రయోగం లాంచ్ అయిన 18.31 నిమిషాల్లో మూడు ఉపగ్రహాల్ని కక్ష్యలోకి ప్రవేశపెట్టింది పీఎస్ఎల్‌వి సి 52 రాకెట్. ఆ తరువాత మూడు ఉపగ్రహాలు వేరువేరు కానున్నాయి. ఈ ప్రయోగంలో మొత్తం నాలుగు దశలుంటాయి. ఇస్రో (ISRO) ఛీఫ్‌గా కొత్తగా బాధ్యతలు తీసుకున్న సోమనాథ్ నేతృత్వంలో ఇది తొలి ప్రయోగం.
ఏ ఉపగ్రహం ఎందుకు
ఆర్ఐ శాట్ ఉపగ్రహం 1710 కిలోల బరువుతో ఉంటుంది. వ్యవసాయం, అటవీ, నీటి వనరుల సమాచారం కోసం ఈ ఉపగ్రహం ప్రయోగించారు. పదేళ్లపాటు అన్ని రకాల వాతావరణాన్ని తట్టుకుని పనిచేస్తుంది. ఇక ఐఎన్ఎస్ 2 టీడీ ఉపగ్రహం 17.50 కిలోల బరువుంది. ఆరు నెలల కాలపరిమితి కలిగి ఉంటుంది. ఈ ఉపగ్రహాన్ని ఇండియా-భూటాన్ దేశాలు సంయుక్తంగా రూపొందించాయి. భవిష్యత్తులో సైన్సు, ప్రయోగాత్మక పేలోడ్స్ కోసం ఉపయోగపడనుంది. ఇక మరో ఉపగ్రహం ఇన్‌స్ఫైర్ శాట్ -1. ఇది 8.10 కిలోల బరువుంది. వివిధ యూనివర్శిటీ విద్యార్ధులు తయారు చేసిన ఈ ఉపగ్రహం కాలపరిమితి ఒక ఏడాది. భూమి పొరల్లోని అయనోస్పియర్ అధ్యయనం కోసం ఈ ఉపగ్రహాన్ని ప్రయోగించారు.
Also read: LIC Share Value: ప్రపంచంలోనే అతిపెద్ద జీవిత భీమా సంస్థగా ఎల్ఐసీ, ఒక్కొక్క షేర్ విలువ ఎంతంటే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
ISRO C52: విజయవంతంగా పీఎస్ఎల్‌వి సి 52, ఆ మూడు ఉపగ్రహాల ప్రత్యేకతలివే
