ఆర్ఎస్ఎస్ ముంబైలో సోమవారం(జూన్ 4) ఏర్పాటు చేసిన ఇఫ్తార్ విందును కొన్ని ముస్లిం సంస్థలు బహిష్కరిస్తున్నాయి. ఆర్ఎస్ఎస్ ఇఫ్తార్ విందు పేరిట మోసం చేస్తున్నదని వారు ఆరోపించారు. ఆర్ఎస్ఎస్ అనుబంధ సంస్థ అయిన ముస్లిం రాష్ట్రీయ మంచ్ (ఎంఆర్ఎం) ఈ ఇఫ్తార్ విందును ఏర్పాటు చేసింది.
ముస్లిం రాష్ట్రీయ మంచ్ ఏర్పాటు చేసిన విందుకు దాదాపు 30 ఇస్లామిక్ దేశాల నుంచి ప్రతినిధులు హాజరు కానున్నట్లు సమాచారం. ముస్లిం సమాజంలోని 200 మంది ప్రముఖులు, అలాగే దాదాపు 100 మంది ముస్లిమేతర ప్రతినిధులు ఈ కార్యక్రమానికి హాజరౌతారని నివేదికలు తెలిపాయి. ఆర్ఎస్ఎస్ పట్ల ఉన్న అపోహలను తొలగించేందుకు ఈ ఇఫ్తార్ విందును ఏర్పాటు చేశామని ముస్లిం రాష్ట్రీయ మంచ్ పేర్కొంది. ఆర్ఎస్ఎస్ ఏ మతానికీ వ్యతిరేకం కాదని అంది. అయితే కొన్ని ముస్లిం సంస్థలు మాత్రం ఆర్ఎస్ఎస్ తన ముస్లిం వ్యతిరేక విధానాలను మార్చుకోనందున ఇఫ్తార్ విందును బహిష్కరిస్తున్నట్లు పేర్కొన్నాయి.
