జనసేన చీఫ్ పవన్ కల్యాణ్ చేపట్టిన ‘పోరాట యాత్ర’ ఈ రోజు తూర్పుగోదావరి జిల్లాలోకి ప్రవేశించనున్న నేపథ్యంలో జన సైనికుల కవాతుకు నిర్వహిస్తున్న విషయం తెలిసిందే. పవన్ నిర్వహిస్తున్న ఈ కవాతుకు మద్దతుగా అమెరికాలోని పవన్ అభిమానులు కారు ర్యాలీ నిర్వహించారు. దీంతో జనసేన జెండాలతో వర్జీనియాలో సందడి వాతావరణం నెలకొంది. జనసేన జెండాలు రెపరెపలాడుతుండగా.. కార్లు ఒకదాని వెంట మరొకటి దూసుకెళ్లాయి. ఈ సందర్భంగా అభిమానులు జై జనసేన, జై పవన్ కల్యాణ్ నినాదాలతో హోరెత్తించారు. అనంతరం కార్లను ‘జన సేన’ అనే ఇంగ్లిష్ అక్షరాల్లో ఉన్నట్లు పార్క్ చేసి తమ అభిమానాన్ని తెలియజేశారు. దీనికి సంబంధించిన ఈ వీడియో సోషల్ మీడియాలో చక్కర్లు కొడుతోంది.
Getting ready for rally to DC #JanasenaKavathu pic.twitter.com/wx9ufsRV0J
— Steve Stifler (@sambi_reddy_) October 14, 2018
