13 Dead And 101 Rescued In Mumbai Boat Accident: మహారాష్ట్ర రాజధాని ముంబైలో ఘోర ప్రమాదం సంభవించింది. గేట్‌ వే ఆఫ్‌ ఇండియా సమీపాన సముద్రంలో ప్రయాణిస్తున్న స్పీడ్‌ బోట్‌ ఓ చిన్న పడవను ఢీకొట్టి సముద్రంలో మునిగిపోయింది. ఈ ప్రమాదంలో ఇప్పటివరకు 13 మంది మృత్యువాత పడ్డారు. ఈ సంఘటనపై ప్రముఖులు సంతాపం ప్రకటించారు.
ముంబైలో ఘోర సంఘటన జరిగింది. సరదాగా సముద్ర ప్రయాణం చేస్తున్న పర్యాటకుల స్పీడ్‌ బోటు ప్రమాదానికి గురయ్యింది.
ఎలిఫంట్‌ దీవుల వద్దకు వెళ్లి వస్తున్న నీల్‌కమల్‌ అనే స్పీడ్‌ బోట్‌ పొరపాటున ఓ చిన్న పడవను ఢీకొట్టింది.
వేగంగా వస్తూ చిన్న పడవను ఢీకొట్టడంతో నీల్‌కమల్‌ స్పీడ్‌ బోటు నీటిలో మునిగిపోయింది.
ప్రమాదానికి ముందు స్పీడ్‌ బోటులో దాదాపు 100కు మందికి పైగా పర్యాటకులు, ప్రయాణికులు ఉన్నట్లు తెలుస్తోంది.
వెంటనే నావికాదళం, స్థానిక పోలీసులు, గజ ఈతగాళ్లు రంగంలోకి దిగి సహాయ చర్యలు చేపట్టారు.
ఈ ప్రమాదంలో దాదాపు 80 మందిని సురక్షితంగా కాపాడారని అధికారులు వెల్లడించారు. అయితే సముద్రంలో మునిగి 13 మంది మృతి చెందారు. కాగా మృతుల సంఖ్య పెరిగే అవకాశం ఉంది.
ఈ ప్రమాదంపై రాష్ట్రపతి ద్రౌపది ముర్ము, ప్రధాని నరేంద్ర మోదీ, మహారాష్ట్ర ముఖ్యమంత్రి దేవేంద్ర ఫడ్నవీస్‌ తీవ్ర దిగ్భ్రాంతి వ్యక్తం చేశారు.
నిత్యం ఇక్కడ గేట్‌ వే ఆఫ్‌ ఇండియా నుంచి ఎలిఫంట దీవులకు పర్యాటకులు రాకపోకలు సాగిస్తుంటారు. ఈ ఘటనపై సమగ్ర దర్యాప్తునకు ప్రభుత్వం ఆదేశాలు జారీ చేసినట్లు సమాచారం.
