TDP Chief N Chandrababu Naidu led a protest march against the AP govt: అమరావతి: అసెంబ్లీ వద్ద టీడీపీ అధినేత చంద్రబాబు నాయుడు సహా ఆ పార్టీ ఎమ్మెల్యేలు, ఎమ్మెల్సీలు నిరసన వ్యక్తం చేశారు. మొదట అసెంబ్లీకి కాలి నడకన వెళ్లిన టీడీపీ ఎమ్మెల్యేలు ఎమ్మెల్సీలు ప్రభుత్వ తీరుకు వ్యతిరేకంగా, వివిధ వర్గాలపై దాడులకు నిరసనగా సంకెళ్లు, నల్ల కండువాలతో నిరసన తెలిపారు.
ఏపీ శీతాకాల అసెంబ్లీ సమావేశాలు నాలుగో రోజు గురువారం ప్రారంభమయ్యాయి. ఈ సందర్భంగా ప్రభుత్వం శాసనసభలో దిశ బిల్లును సవరణ చేస్తూ బిల్లును ప్రవేశపెట్టింది. దీనిపై చర్చకు టీడీపీ సభ్యులు కోరగా.. స్పీకర్ తమ్మినేని సీతారాం అవకాశం ఇవ్వలేదు. దీంతో స్పీకర్‌తో వాగ్వాదానికి దిగిన సభ్యులు సభ నుంచి వాకౌట్ చేశారు.
దీంతోపాటు భూ యాజమాన్యం హక్కుల చట్టం బిల్లును కూడా ఉపసంహరించుకోవాలని టీడీపీ డిమాండ్ చేసింది.
