Women And Men Get Free Saree And Dhoti Gift For Sankranthi: హిందూ సంప్రదాయంలోనే అతి పెద్ద పండుగ సంక్రాంతి. మూడు రోజుల పాటు జరిగే పండుగ కోసం ప్రభుత్వం భారీ కానుక ప్రకటించింది. ప్రజలకు ఉచితంగా పట్టువస్త్రాలు అందించాలని నిర్ణయించింది. మహిళలకు చీర.. పురుషులకు ధోతి ఇచ్చేందుకు సిద్ధమైంది.
తెలుగు వారి మాదిరిగానే తమిళనాడు ప్రజలు సంక్రాంతి పండుగను అంగరంగ వైభవంగా చేసుకుంటారు. అక్కడ పొంగల్ అని పిలుస్తుంటారు.
ఈ పండుగ కోసం ప్రజలకు ఉచితంగా పట్టువస్త్రాలు అందించాలని తమిళనాడు ప్రభుత్వం నిర్ణయించింది. దీనికి సంబంధించి ఆర్డర్లు వేయడంతో ప్రజల్లో హర్షాతిరేకాలు వ్యక్తమవుతున్నాయి.
మహిళలకు ఉచితంగా చీరతోపాటు పురుషులకు పట్టు ధోతి ఇవ్వాలని తమిళనాడు ప్రభుత్వం నిర్ణయం తీసుకుంది.
జనవరి 10వ తేదీలోపు రేషన్ దుకాణాలకు ఉచిత ధోతీ, చీరలను పంపాలని తమిళనాడు హస్తకళల శాఖ ఆదేశించింది.
చౌకధర దుకాణాల ద్వారా పొంగల్ కానుక అందించనుంది. ప్యాకేజీలో రేషన్ కార్డు ఉన్న కుటుంబాలకు మూడు ప్రత్యేక వస్తువులు అందనున్నాయి.
పొంగల్ కానుకలో పండుగకు అవసరమైన బియ్యం, బెల్లం, చెరకు సెట్లు ఉంటాయి. సెట్‌తోపాటు మహిళలకు చీర.. పురుషులకు ధోతి అందించనున్నారు.
2025 సంవత్సరానికి రూ.1,77,06,476 ధోతీలు, రూ.1,77,22,905 చీరల తయారీకి ప్రభుత్వం ఆర్డర్లు వేసింది. దీనికోసం రూ.100 కోట్లు కేటాయించింది.
ఈ పరిస్థితిలో జనవరి 10వ తేదీలోగా రేషన్ షాపులకు ఉచితంగా చీరలను పంపించాలని చేనేత శాఖ ఆదేశాలు జారీ చేయడంతో 2.50 లక్షల మంది నేత కార్మికుల నుంచి అందిన ఉచిత చీరలను గోదాము, రేషన్ షాపులకు పంపించే పనులు ముమ్మరంగా సాగుతున్నాయి.
ప్రభుత్వం అందిస్తున్న సంక్రాంతి కానుకతోపాటు పట్టువస్త్రాలు అందిస్తుండడంతో పేద ప్రజల్లో సంక్రాంతి వెలుగులు రానున్నాయి.
