Dry Skin Problem: చలికాలం వచ్చిందంటే చాలు వివిధ రకాల అనారోగ్య సమస్యలు ఉత్పన్నమౌతుంటాయి. చర్మం తరచూ డ్రై అయిపోతుంటుంది. అయితే బహుశా ఇది వాతావరణం వల్ల కాదు. శరీరంలో కొన్ని పోషకాల లోపంతో జరుగుతుంటుంది. ముఖ్యంగా విటమిన్ ఇ, విటమిన్ ఎ లోపముంటే చర్మం తేమ కోల్పోతుంది. వృద్ధాప్య లక్షణాలు కూడా ఎదురౌతాయి. అయితే కొన్ని ఫుడ్స్ తీసుకోవడం ద్వారా ఈ సమస్య నుంచి బయటపడవచ్చు.
అవకాడో అవకాడోలో విటమిన్ ఇ, హెల్తీ ఫ్యాట్స్ పుష్కలంగా ఉంటుంది. ఇవే చర్మాన్ని హైడ్రేట్ చేస్తాయి. డ్రై నెస్ దూరం చేస్తాయి.
క్యారట్ క్యారట్‌లో విటమిన్ ఎ పెద్దఎత్తున ఉంటుంది. క్యారట్‌ను సలాడ్ లేదా జ్యూస్ లేదా కూరగాయల రూపంలో తీసుకోవచ్చు. చర్మం హైడ్రేట్‌గా ఉంచవచ్చు
వాల్‌నట్స్ - బాదం వాల్‌నట్స్, బాదంలో విటమిన్ ఇ పుష్కలంగా ఉంటుంది. రోజూ గుప్పెడు డ్రై ఫ్రూట్స్ తినడం వల్ల చర్మానికి అవసరమైన పోషకాలు సమృద్ధిగా లభిస్తాయి.
సన్‌ఫ్లవర్ సీడ్స్ సన్‌ఫ్లవర్ సీడ్స్ లో విటమిన్ ఇ పెద్దఎత్తున ఉంటుంది. స్నాక్స్ రూపంలో తీసుకుంటే మంచి ఫలితాలుంటాయి.
పాలకూర పాలకూర, తోటకూర వంటి ఆకుకూరల్లో విటమిన్ ఎ, విటమిన్ ఇ పెద్దఎత్తున ఉంటుంది. చర్మానికి కావల్సిన పోషకాలు సమృద్ధిగా లభిస్తాయి. చర్మాన్ని మాయిశ్చరైజ్ చేస్తాయి
విటమిన్ ఇ-విటమిన్ ఎ అవసరం విటమిన్ ఇ బెస్ట్ యాంటీ ఆక్సిడెంట్. చర్మాన్ని ఫ్రీ రాడికల్స్ నుంచి రక్షిస్తుంది. అవసరమైన పోషకాలు అందిస్తుంది. విటమిన్ ఎ చర్మాన్ని తేమగా ఉంచుతుంది.
