Good news for EPFO Pensioners: ఉద్యోగుల పెన్షన్ స్కీమ్‌తో అనుసంధానించిన పెన్షనర్లకు EPFO గుడ్ న్యూస్ చెప్పింది. ఇప్పుడు పెన్షనర్లు తమ పెన్షన్‌ను దేశంలో ఎక్కడినుంచైనా, ఏ బ్యాంకులో నుంచైనా తీసుకోవచ్చు. ఇంతకు ముందు పెన్షనర్లు తమకు కేటాయించిన బ్యాంకులో నుంచి మాత్రమే పెన్షన్ తీసుకునే అవకాశం ఉండేది. దీంతో అనేక సమస్యలను ఎదుర్కొవల్సి వచ్చింది. పెన్షన్ చెల్లింపు ఆర్డర్ ట్రాన్స్ ఫర్ చేసుకునేందుకు చాలా ఇబ్బందులు ఎదుర్కొవల్సి వచ్చేది. కానీ నేటి నుంచి అలాంటి సమస్యలు ఉండవు.
EPS Pensioners: ఎంప్లాయిస్ ప్రావిడెంట్ ఫండ్ ఆర్గనైజేషన్ (EPFO) ఉద్యోగుల పెన్షన్ స్కీమ్ (EPS)తో అనుబంధించిన పెన్షనర్లకు కొత్త సంవత్సరం పెద్ద ఉపశమనం కలిగించింది. ఈ రోజు నుండి పెన్షనర్లు దేశంలోని ఏ బ్యాంకు, బ్రాంచ్ లేదా ప్రదేశం నుండి అయినా తన పెన్షన్ తీసుకోవచ్చు. పదవీ విరమణ తర్వాత స్వగ్రామంలో నివసించే వారికి ఇది చాలా సౌకర్యంగా ఉంటుంది.
కొన్ని రోజుల క్రితం, ఉద్యోగుల పెన్షన్ స్కీమ్, 1995 కోసం కేంద్రీకృత పెన్షన్ చెల్లింపు వ్యవస్థ (CPPS) ప్రతిపాదనను కార్మిక, ఉపాధి మంత్రి మన్సుఖ్ మాండవ్య EPFసెంట్రల్ బోర్డ్ ఆఫ్ ట్రస్టీస్ చైర్మన్ ఆమోదించారు. ఆ తర్వాత ఈ సౌకర్యం కొత్త సంవత్సరం నుంచి ఉద్యోగులకు అందుబాటులో ఉంటుంది. సీపీపీఎస్‌ అమలుతో దాదాపు 78 లక్షల మంది పింఛనుదారులు లబ్ధి పొందనున్నారు.
EPFO అసిస్టెంట్ కమీషనర్ ప్రకారం, ప్రస్తుత వ్యవస్థలో ప్రతి EPFO జోనల్, ప్రాంతీయ కార్యాలయం వ్యక్తిగత స్థాయిలో మూడు నుండి నాలుగు బ్యాంకులతో మాత్రమే ఏర్పాటు చేస్తుంది. రిటైర్డ్ ఉద్యోగి తన స్వగ్రామానికి వెళ్లినప్పుడు, బ్యాంక్ బ్రాంచ్ లేకపోవడం (EPFO తో టైఅప్ చేసిన బ్యాంక్) కారణంగా అతను పెన్షన్ పొందడంలో ఇబ్బందిని ఎదుర్కొంటాడు. అయితే సీపీపీఎస్‌ అమల్లోకి వచ్చాక పింఛన్ పొందడం సులభతరం కానుంది.
ఇప్పుడు పింఛనుదారులు పెన్షన్ ప్రారంభమైన తర్వాత ధృవీకరణ కోసం ఏ బ్యాంక్ బ్రాంచ్‌ను సందర్శించాల్సిన అవసరం లేదు. పెన్షన్ విడుదలైన తర్వాత, ఉద్యోగులు తమ పత్రాలలో పేర్కొన్న బ్యాంకులో వెంటనే డిపాజిట్ అవుతుంది.
ఒక పెన్షనర్ బ్యాంక్ లేదా బ్రాంచ్‌ని బదిలీ చేసినా లేదా మార్చినా ఆందోళన చెందాల్సిన అవసరం లేదు. ఎందుకంటే CPPS భారతదేశం అంతటా పెన్షన్ పంపిణీకి హామీ ఇస్తుంది. ఎందుకంటే ఒక కార్యాలయం నుండి మరొక కార్యాలయానికి పెన్షన్ చెల్లింపు ఆర్డర్ (PPO) బదిలీ అవసరం లేదు. కొత్త విధానం అమల్లోకి రావడంతో పెద్ద మొత్తంలో పెన్షన్ చెల్లింపు ఆదా అవుతుందని ఈపీఎఫ్‌వో భావిస్తోంది.
EPS పెన్షన్ కోసం అర్హత: ఉద్యోగి తప్పనిసరిగా EPFO సభ్యుడు అయి ఉండాలి. 10 సంవత్సరాల సర్వీస్ పూర్తి చేసి ఉండాలి. 58 ఏళ్లు నిండి ఉండాలి. 50 ఏళ్లు పూర్తయిన తర్వాత తక్కువ రేటుతో తన EPSని కూడా విత్ డ్రా చేసుకోవచ్చు. తన పెన్షన్‌ను రెండు సంవత్సరాలు (60 సంవత్సరాల వయస్సు వరకు) పొడిగించవచ్చు.దీని తర్వాత ప్రతి సంవత్సరం 4 శాతం అదనంగా పెన్షన్ లభిస్తుంది.
