Diabetes Signs: డయాబెటిస్ అనేది ఇటీవలి కాలంలో సాధారణమైపోయింది. మధుమేహం ఎక్కువైతే శరీరంలోని కొన్ని భాగాల నుంచి సంకేతాలు వెలువడతాయి. శరీరంలో బ్లడ్ షుగర్ లెవెల్స్ పెరిగితే ఆ ప్రభావం ఇతర అంగాలపై పడుతుంటుంది. అందుకే ఎప్పటికప్పుడు వివిధ రకాలుగా లక్షణాలు బయటపడుతుంటాయి.
Diabetes Signs: శరీరంలో బ్లడ్ షుగర్ లెవెల్స్ పెరిగితే అంగాలు దెబ్బతినే అవకాశముంటుంది. అందుకే శరీరంలో బ్లడ్ షుగర్ లెవెల్స్ పెరుగుతున్నాయా లేదా అనేది ఎప్పటికప్పుడు చెక్ చేస్తుండాలి. కొన్ని లక్షణాల ద్వారా కూడా గుర్తించవచ్చు. ఆ వివరాలు మీ కోసం..
డయాబెటిస్ ముప్పు ఉన్నప్పుడు ముందుగా కన్పించే లక్షణాల్లో ఇదొకటి. కాళ్లు , చేతులు తిమ్మిరెక్కినట్టుగా ఉంటాయి. తరచూ ఇలా జరుగుతుంటే అప్రమత్తం కావాలి. షుగర్ ఎక్కువైనప్పుడు కాళ్లు తిమ్మిరెక్కడం జరుగుతుంటుంది. ఎందుకంటే మధుమేహం ఉంటే వ్యక్తి శరీర నరాలు బలహీనపడుతుంటాయి.
కిడ్నీలో ఏదైనా సమస్య తలెత్తిందంటే అది డయాబెటిస్ సంకేతం కావచ్చు. డయాబెటిస్‌కు ప్రధాన కారణం కావచ్చు. శరీరంలో బ్లడ్ షుగర్ లెవెల్స్ ఉంటే కిడ్నీలు సరిగ్గా పనిచేయవు. ఫలితంగా తరచూ మూత్రానికి వెళ్తుంటారు.
శరీరంలో ఎక్కడైనా ఏదైనా గాయం తగిలితే గాయం త్వరగా మానదు. ఇలా జరిగిందంటే ఇది డయాబెటిస్ లక్షణం కావచ్చు. దాంతోపాటు శరీరంలో బ్లడ్ షుగర్ లెవెల్స్ పెరిగితే గాయం మానడం ఇంకా ఆలస్యమౌతుంది.
మీ కంటి చూపు తగ్గినా లేదా మసకగా కన్పిస్తున్నా సరే డయాబెటిస్ లక్షణం కావచ్చని గుర్తించండి. శరీరంలో బ్లడ్ షుగర్ లెవెల్ పెరగడం వల్ల కళ్లపై చెడు ప్రభావం పడుతుంది. ఫలితంగా చాలా సందర్భాల్లో దూరంలో ఉన్న వస్తువులు సరిగ్గా కన్పించవు.
డయాబెటిస్ ప్రారంభ లక్షణాల్లో కీలకమైంది చిగుళ్ల నుంచి రక్తం కారడం. చిగుళ్ల నుంచి అదే పనిగా రక్తం కారుతుంటే...వైద్యుడిని సంప్రదించాల్సి ఉంటుంది. నోటి నుంచి దుర్వాసన కూడా వస్తుంది.
