Heavy Rains In AP 3 Districts: బంగాళాఖాతంలో ఏర్పడిన అల్పపీడనం కారణంగా ఆంధ్రప్రదేశ్‌లోని పలు జిల్లాల్లో భారీ వర్షాలు కురుస్తాయని భారత వాతావరణ శాఖ హెచ్చరించింది. తమిళనాడులో తీరం దాటనున్న అల్పపీడనం వల్ల ఏ జిల్లాల్లో భారీ వర్షాలు కురుస్తాయి పూర్తి వివరాలు తెలుసుకుందాం...
బంగాళాఖాతంలో ఏర్పడిన అల్పపీడనం వల్ల ఏపీ, తమిళనాడులోని కొన్ని జిల్లాల్లో భారీ వర్షాలు కురవనున్నాయని భారత వాతావరణ శాఖ తెలిపింది. గత రెండు నెలలుగా బంగాళాఖాతంలో అల్పపీడనాలు ఏర్పడుతునే ఉన్నాయి.
ఈ అల్పపీడనం రానున్న రెండు రోజుల్లో తమిళనాడులో తీరం దాటనుంది. ఈ అల్పపీడనం వల్ల ప్రధానంగా యానాంలో తమిళనాడులో వర్షాలు కురుస్తాయని వాతావరణ శాఖ వెల్లడించింది.
ఇక కాకినాడ, అనకాపల్లి, నెల్లూరు, తిరుపతి జిల్లాల్లో కూడా ఈ అల్పపీడనం ప్రభావం వల్ల భారీ నుంచి అతిభారీ వర్షాలు పడనున్నాయి. మత్స్య కారులు కూడా సముద్రంలో చేపల కోసం వేటకు వెళ్ల కూడదని హెచ్చరించింది.
ఇక అల్ప పీడనం ప్రభావం వల్ల విజయవాడ, కృష్ణ, ప్రకాశం జిల్లాల్లో భారీ వర్షాలు కురుస్తాయని, ఈ ప్రాంతంలో దక్షిణ కోస్తా తీరంలో గంటకు 50 కీలో మీటర్ల వేగంతో గాలులు వీస్తాయని వాతావరణ శాఖ వెల్లడించింది.
స్కూళ్లకు కూడా వర్షాలు కురిసే జిల్లాల్లో సెలవు ఇవ్వాలని విద్యార్థుల తల్లిదండ్రులు కోరారు. ఆయా ప్రాంతాల్లో తగిన ఏర్పాట్లు కూడా చేస్తున్నారు. తీర ప్రాంత ప్రజలను కూడా ఎప్పటికప్పుడు అలెర్ట్‌ చేస్తున్నారు.
