Jellyfish Interesting Facts: "పుట్టిన వారికి మరణం తప్పదు.. మరణించిన వారికి పుట్టుక తప్పదు.." అంటూ సాగే భగవద్గీత శ్లోకం వినే ఉంటారు. ఇది మానవులకే కాదు అన్ని జీవులకు వర్తిస్తుంది. కానీ ఈ సృష్టిలో మరణం లేని జీవి ఒకటి ఉంది. అలాంటి జీవి కూడా ఉంటుందా..? అని ఆశ్చర్యపోతున్నారా..? అవును.. జెల్లీ ఫిష్ అనే జీవికి మరణం ఉండదని శాస్త్రవేత్తలు తేల్చారు. ఈ జీవి కోరుకున్నంత కాలం సజీవంగా ఉంటుందని స్పష్టం చేశారు. జెల్లీ ఫిష్ విశేషాలను ఇక్కడ తెలుసుకోండి.
టురిటోప్సిస్ డోర్ని అని పిలిచే జెల్లీ ఫిష్ వృద్ధాప్యం ద్వారా మరణించదు. ఇతర జీవులు చంపితోనో లేదా ఏదైనా వ్యాధి సంభవిస్తునో తప్పా ఈ జీవికి మరణించడం సంభవించదు.
ఈ జెల్లీ ఫిష్ వయసు ఎంత ఉంటుందనే విషయాన్ని పరిశోధకులు కూడా కనిపెట్టలేకపోయారు.
ఈ జీవికి వయోజన జీవితం నుంచి మళ్లీ లార్వా దశలకు తిరిగి మారగల సామర్థ్యాన్ని ఉంటుంది. ఇలా పరిపక్వం చెందుతూ తన జీవిత కాలాన్ని పెంచుకుంటుంది.
అందుకే ఈ జీవికి మరణం లేదని పరిశోధకులు చెబుతున్నారు. వృద్ధాప్యాన్ని తిప్పికొట్టే సామర్థ్యమే జెల్లీ ఫిష్‌ను మరణం లేని జీవిగా మారేలా చేశాయంటున్నారు.
జెల్లీ ఫిష్‌లు తమకు ప్రమాదం జరిగిందని భావించినా.. అనారోగ్యం ఉందని అనిపించినా పాలిప్ స్థితికి వెళ్లిపోతాయి.
పాలిప్ స్థితి నుంచి మళ్లీ జీవితాన్ని ప్రారంభిస్తాయి. జెల్లీ ఫిష్‌కు నిజంగా మరణం లేదా అనే విషయంపై భిన్నాభిప్రాయాలు ఉన్నాయి.
జెల్లీ ఫిష్‌ను ఏదైనా ఒక పెద్ద చేప మొత్తంగా మింగేస్తే అవి చనిపోతాయని.. వృద్ధాప్యంతో మాత్రం మరణం సంభవించదని శాస్త్రవేత్తలు చెబుతున్నారు.
దీని డీఎన్‌ఏ ఆధారంగా మనుషులలో కూడా వృద్ధాప్యాన్ని అధికమించేందుకు పరిశోధనలు జరుగుతున్నాయి.
