IPL 2024 Trading Window Live Blog: ఇండియన్ ప్రీమియర్ లీగ్ (ఐపీఎల్)లో రిటెన్షన్, ట్రేడింగ్‌కు నేడే ఆఖరి రోజు. అన్ని ఫ్రాంఛైజీలు ఆటగాళ్ల ఎంపికలో బిజీగా ఉన్నాయి. ఐపీఎల్ 2024కు వేలానికి ముందు తమ వద్ద ఉంచుకునే ఆటగాళ్లను.. ఇతర ఫ్రాంఛైజీల నుంచి ఆటగాళ్లను మార్చుకునేందుకు రెడీ అయ్యాయి. ఈ సీజన్‌లో అందరినీ ఆకర్షిస్తున్న వార్త మాత్రం హర్థిక్ పాండ్యాదే. గుజరాత్ టైటాన్స్‌కు గుడ్‌బై చెప్పి.. తిరిగి ముంబై ఇండియన్స్ గూటికి చేరుకుంటాడనే ప్రచారం హాట్ టాపిక్‌గా మారింది. పాండ్యా ముంబైకు వెళ్లిపోతే.. శుభ్‌మన్ గిల్ లేదా కేన్ విలియమ్సన్ గుజరాత్ టైటాన్స్‌కు నాయకత్వం వహించే అవకాశం ఉన్నట్లు తెలుస్తోంది. డిసెంబర్ 19న దుబాయ్‌లో ఐపీఎల్ మినీ వేలం జరగనుంది. ఈ వేలానికి 590 మంది ఆటగాళ్లు నమోదు చేసుకున్నారు. ఆదివారం సాయంత్రం 4 గంటల నుంచి 6 గంటల వరకు రిటెన్షన్ షో స్ట్రీమింగ్ కానుంది. ఇందుకు సంబంధించి లైవ్ అప్‌డేట్స్ మీ కోసం..
