Mla Jagga Reddy: రాహుల్ గాంధీ టూర్ తెలంగాణలో రాజకీయ రచ్చ రాజేస్తోంది. రాహుల్ గాంధీ సభ సక్సెస్ కోసం టీపీసీసీ నేతలు శ్రమిస్తుండగా.. అధికార టీఆర్ఎస్ నేతలు మాత్రం రాహుల్ కు వ్యతిరేకంగా ప్రకటనలు చేస్తున్నారు. ఇంతలోనే రాహుల్ గాంధీ నేపాల్ నైట్ క్లబ్ వీడియో లీక్ కావడం సంచలనంగా మారింది. ఆ వీడియోను అస్త్రంగా చేసుకుని రాహుల్ గాంధీని, కాంగ్రెస్ ను విపక్షాలు టార్గెట్ చేస్తున్నాయి. అదే సమయంలో విపక్షాల ఆరోపణలకు స్ట్రాంగ్ కౌంటరిస్తున్నారు కాంగ్రెస్ నేతలు.
తెలంగాణ మంత్రి ఎర్రబెల్లి దయకర్ రావుకు దిమ్మతిరిగే కౌంటరిచ్చారు సంగారెడ్డి కాంగ్రెస్ ఎమ్మెల్యే జగ్గారెడ్డి. మంత్రి హోదాలో ఉండి ఎర్రబెల్లి చిల్లరగా మాట్లాడుతున్నారని మండిపడ్డారు. రాహుల్ గాంధీ పెళ్లి వేడుకకు పోయినా తప్పేనా అని ప్రశ్నించారు. అసలు రాహుల్ గాంధీ వీడియోలో అసభ్యకరం ఏముందని ప్రశ్నించారు. టీఆర్ఎస్
నేతలు మ్యారేజెస్ కు వెళ్లరా అని నిలదీశారు. ఎర్రబెల్లికి సంబంధించిన వీడియోకు ఉన్నాయన్నారు. మంత్రిగా ఉండి కూడా ఎర్రబెల్లి పేకటా ఆడారని.. దానికి సంబంధించిన విజువల్స్ బయటికి వచ్చాయన్నారు. ఎర్రబెల్లి వీడియోలపై ఏమంటారో టీఆర్ఎస్ నేతలు చెప్పాలన్నారు జగ్గారెడ్డి. మంత్రి పేకాట ఆడటంపై మాట్లాడని గులాబీ నేతలు.. రాహుల్ గాంధీ విషయంలో ఎలా స్పందిస్తారని నిలదీశారు.
గతంలో కేసీఆర్ ను ఉరికించి కొడతా అన్ని దయాకర్ రావు అన్నారని జగ్గారెడ్డి గుర్తు చేశారు. ఉమ్మడి రాష్ట్రంలో ఎర్రబెల్లి మంత్రి కాలేకపోయారని... తెలంగాణ రాష్ట్రంలోనే ఆయనకు ఆ అవకాశం వచ్చిందన్నారు. సోనియా గాంధీ తెలంగాణ రాష్ట్రం ఇవ్వడం వల్లే ఎర్రబెల్లి మంత్రి అయ్యారని గుర్తించుకుంటే మంచిదని జగ్గారెడ్డి సూచించారు. రాహుల్ గాంధీపై మాట్లాడే అర్హత టీఆర్ఎస్ నేతలకు లేదన్నారు. రాహుల్ గాంధీని ఉస్మానియా యూనివర్శిటీకి తీసుకువెళ్లి తీరుతామని జగ్గారెడ్డి మరోసారి స్పష్టం చేశారు. వీసీని కలవాలని ప్రయత్నించినా.. సెలవు కావడంతో ఆయన అందుబాటులో లేరని చెప్పారు. గవర్నర్ తమిళి సై కూడా అందుబాటు లేరన్నారు జగ్గారెడ్డి. ముఖ్యమంత్రినే కలిసి ఓయూలో రాహుల్ సభకు అనుమతి కోరుతానని వెల్లడించారు. కేసీఆర్ అపాయింట్ మెంట్ కోరుతానని.. ఇస్తే వెళ్లి కలుస్తానని చెప్పారు జగ్గారెడ్డి.
READ ALSO: Prashanth Kishore Trs Survey: పీకే రిపోర్ట్.. టీఆర్ఎస్ కు 28 సీట్లు.. కేఏ పాల్ సంచలన వ్యాఖ్యలు
Rahul Night Club Video:రాహుల్ నైట్ క్లబ్ వీడియో.. తెలంగాణ కాంగ్రెస్ లో కలకలం..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
