2021ની શરૂઆતમાં થશે આ 10 મોટા ફેરફાર, દેશના કરોડો લોકો પર પડશે અસર

નવી દિલ્હી: 1 જાન્યુઆરી 2021થી દેશભરમાં 10 મોટા ફરેફાર થવા જઈ રહ્યા છે. જેની અસર તમામ લોકો પર પડશે. તેથી તમે પણ જાણી લો નવા નિયમો વિશે જેથી તે અનુસાર તમે મેનેજમેન્ટ કરી શકો. તો આવો અમે તમને જણાવી રહ્યાં છે 1 જાન્યુઆરી 2021થી થતા મોટા ફેરાફાર વિશે...

આ પણ વાંચો:- હવે Whatsapp પરથી ઘરેબેઠા કરી શકશો McDonaldનો ઓર્ડર, આ રહી રીત

• 1 જાન્યુઆરી 2021 કાર મોંઘી થઈ જશે. તેથી નવા વર્ષથી કાર ખરીદવા પર તમારે વધારે પૈસા ખર્ચ કરવા પડશે.
• 1 જાન્યુઆરીથી તમને અમેઝોન-પે, ગુગલ-પે અને ફોન-પેથી ટ્રાન્જેક્શન કરવાથી વધારે ચર્ચા આપવો પડી શકે છે. NPCIએ 1 જાન્યુઆરીથી થર્ડ પાર્ટી એપ પ્રોવાઈડર્સ તરફથી ચલાવવામાં આવતી યૂપીઆઇ પેમેન્ટ સર્વિસ (UPI Payment) પર વધારાનો ચાર્જ લગાવવાનો નિર્ણય કર્યો છે. NPCIએ નવા વર્ષ પર થર્ડ પાર્ટી એપ ઉપર 30 ટકાની કેપ લગાવી છે. જો કે, Paytm તેમાં આવતું નથી.

આ પણ વાંચો:- પેટ્રોલ-ડીઝલના ભાવમાં થયો કેટલો વધારો, જાણવા માટે કરો માત્ર એક ક્લિક

• ગાડીઓ પર 1 જાન્યુઆરીથી ફાસ્ટેગ લગાવવું ફરજિયાત થઈ જશે. જેના અંતર્ગત તમામ ટોલ પ્લાઝા પર 80 ટકા લાઈનો ફોસ્ટેગ અને 20 ટકા લાઇનો કેશ લેણદેણ આધારિત કરવામાં આવશે. નવા નિયમ લાગુ થયા બાદ તમારે ફાસ્ટેગ એકાઉન્ટમાં ઓછામાં ઓછા 150 રૂપિયાની રમક રાખવી પડશે.
• 1 જાન્યુઆરી 2021થી મ્યૂચ્યુઅલ ફંડ રોકાણ નિયમ બદલાશે. રોકાણકારોના હિતને જોતા માર્કેટ રેગ્યુલેટર સેબીએ મ્યુચ્યુઅલ ફંડના નિયમોમાં થોડા ફેરફાર કર્યા છે. નવા નિયમો અનુસાર હવે ફંડ્સનો 75 ટકા ભાગ ઇક્વિટીમાં રોકાણ કરવા જરૂરી રહશે, જે અત્યાર ઓછામાં ઓછા 65 ટકા છે.
• 1 જાન્યુઆરી 2021થી દેશભરમાં લેન્ડલાઇનથી મોબાઇલ ફોન પર કોલ કરવા માટે નંબરથી પહેલા શૂન્ય લગાવવો જરૂરી થશે. તેનાથી ટેલિકોમ કંપનીઓને વધારે નંબર બનાવવામાં મદદ મળશે.
• 1 જાન્યુઆરી 2021થી GST રિટર્નના નિયમ બદલાઈ જશે. આ નવી પ્રક્રિયામાં વર્ષના પાંચ કરોડ રૂપિયા સુધી વ્યાપર કરનારા નાના વેપારીઓને આગામી વર્ષ જાન્યુઆરીથી વર્ષ દરમિયાન માત્ર 4 સેલ્સ રિટર્ન ફાઇલ કરવાના રહેશે. આ સમયે વેપારીઓને માસિક આધાર પર 12 ટકા રિટર્ન (GSTR 3B) દાખલ કરવાનું હોય છે. આ ઉપરાંત 4 GSTR 1 ભરવાનો હોય છે.

આ પણ વાંચો:- મુકેશ અંબાણીના ભાઈ અનિલ અંબાણી મોટી મુશ્કેલીમાં, જાણો શું છે મામલો

• 1 જાન્યુઆરીથી તમે ઓછા પ્રીમિયમમાં સરળ જીવન વીમા પોલીસી ખરીદી શકશો. IRDAIએ વીમા કંપનીઓને આરોગ્ય સંજીવની નામની સ્ટાન્ડર્ડ રેગ્યુલર હેલ્થ ઇન્શ્યુરન્સ પ્લાન રજૂ કર્યા બાદ એક સ્ટાન્ડર્ડ ટર્મ લાઇફ ઇન્શ્યુરન્સ રજૂ કરવાનો આદેશ આપ્યો છે. આ રોકાણનો પ્લાન કરતા વીમા કંપનીઓ 1 જાન્યુઆરીથી સરળ જીવન વીમા પોલીસી લોન્ચ કરવા જઈ રહી છે.
• 1 જાન્યુઆરી 2021થી ચેક દ્વારા ચૂકવણી કરવાના નિયમ બદલાઈ જશે. નવા નિયમ લાગુ થવા પર 50,000 રૂપિયાથી વધારે ચૂકવણી કરવા માટે પોઝિટિવ પે સિસ્ટમ લાગુ થશે. તમને જણાવી દઇએ કે, પોઝિટિવ પે સિસ્ટમ એક ઓટોમેટિક ટૂલ છે જે ચેક દ્વારા છેતરપીંડિ કરનાર પર રોક લગાવશે.
• કેન્દ્રની નરેન્દ્ર મોદી સરકાર વીજળી ઉપભોક્તાઓને નવા વર્ષ પર ભેટ આપી શકે છે. જેના અંતર્ગત વીજળી મંત્રાલય ઉપભોક્તાના અધિકાર નિયમોમાં ફરેફરા કરવા જઈ રહી છે. ત્યારબાદ વીજળી વિતરણ કંપનીઓએ નક્કી સમયમર્યાદામાં ઉપભોક્તાઓને સેવાઓ ઉપલબ્ધ કરાવવાની રહેશે. તે કરવામાં જો નિષ્ફળ રહે છે તો તેમની પાસેથી ઉપભોક્તાને દંડ વસૂલ કરી શકે છે.

આ પણ વાંચો:- 2030માં ત્રીજી સૌથી મોટી Economy બનશે ભારત, જાપાન સહિત આ દેશોને આપશે માત

• 1 જાન્યુઆરી 2021થી કેટલાક સ્માર્ટ ફોનમાં WhatsApp કામ કરશે નહીં. જેમાં એન્ડ્રોયડ અને આઇફોન બંને સામેલ છે. WhatsApp જૂના વર્ઝનના સોફ્ટવેરને સપોર્ટ નહીં કરે. રિપોર્ટ અનુસાર iOS 9 અને Android 4.0.3 ઓપરેટિંગ સિસ્ટમમાં જૂના વર્ઝન પર ચાલતા સ્માર્ટફોન્સ પર WhatsApp કામ કરશે નહીં. iPhone 4 અથવા તેનાથી જૂના આઈફોનથી પણ નો સપોર્ટ ખતમ કરવામાં આવી શકે છે.