Loan Interest: લોન લેનારાઓને મોટો ફટકો, આ બેંકોએ નવા વર્ષે વ્યાજદરમાં કર્યો તોતિંગ વધારો

Bank Loan:  કેટલીક બેંકોએ નવા વર્ષની શરૂઆતમાં જ લોનના વ્યાજદરમાં વધારો કર્યો છે. આ કારણે લોકોને લોન લેવા પર વધુ વ્યાજ દર ચૂકવવા પડશે, બીજી તરફ, એચડીએફસી બેંક પણ એ બેંકોમાં સામેલ છે જેણે લોન પરના વ્યાજદરમાં વધારો કર્યો છે.

આજના સમયમાં લોકોને તેમની જરૂરિયાતો પૂરી કરવા માટે લોન લેવી પડે છે. લોન દ્વારા લોકો ઝડપથી તેમની જરૂરિયાતો પૂરી કરી શકે છે. જોકે હવે નવા વર્ષની શરૂઆતમાં જ ખાતેદારોને આંચકો લાગ્યો છે. વાસ્તવમાં કેટલીક બેંકોએ નવા વર્ષની શરૂઆતમાં જ લોનના વ્યાજદરમાં વધારો કર્યો છે. આ કારણે લોકોને લોન લેવા પર વધુ વ્યાજ દર ચૂકવવા પડશે, જેનાથી તમારા પર બોજ વધી શકે છે. બીજી તરફ, એચડીએફસી બેંક પણ એ બેંકોમાં સામેલ છે જેણે લોન પરના વ્યાજદરમાં વધારો કર્યો છે.

લોન :  HDFC બેંક અને ઈન્ડિયા ઓવરસીઝ બેંકે લોન પર આપવામાં આવતા વ્યાજ દરમાં વધારો કર્યો છે. HDFC બેંક અને ઈન્ડિયા ઓવરસીઝ બેંકે સોમવારે તેમના વ્યાજ દરમાં માર્જિનલ કોસ્ટ ઓફ લોન (MCLR) હેઠળ 0.25 ટકા સુધીનો વધારો કર્યો છે. આ લોનના વ્યાજદરમાં વધારો થયો છે.

HDFC બેંક : હવે HDFCના નવા દરો 7 જાન્યુઆરીથી અને IOBના 10 જાન્યુઆરીથી પ્રભાવિત થશે. HDFC બેંકની વેબસાઈટ અનુસાર, એક દિવસીય MCLR દર 8.30 ટકાથી વધારીને 8.50 ટકા કરવામાં આવ્યો છે, જ્યારે એક મહિનાનો MCLR અગાઉ 8.30 ટકાથી વધારીને 8.55 ટકા કરવામાં આવ્યો છે. તે જ સમયે, એક વર્ષનો MCLR 0.25 ટકા વધારીને 8.85 ટકા કરવામાં આવ્યો છે, જે પહેલાં 8.60 ટકા હતો.

લોન પર વ્યાજ : બે વર્ષનો MCLR 8.70 ટકાથી વધીને 8.95 ટકા થશે, ત્રણ વર્ષનો MCLR હવે 8.80 ટકાથી વધીને 9.05 ટકા થશે. આ સિવાય IOB એ વિવિધ મુદત માટે MCLR દરમાં પણ વધારો કર્યો છે. બેંકે શેરબજારને જણાવ્યું કે તેના દર અગાઉ 7.70 ટકાથી વધીને હવે 8.45 ટકા થઈ ગયા છે.